ગયા અઠવાડિયે સોના અને ચાંદીના ભાવમાં મજબૂત ઉછાળો જોવા મળ્યો છે. અત્યારે બજારમાં વૈશ્વિક ઘટનાઓને કારણે વોલેટિલિટી યથાવત રહી શકે છે અને રોકાણકારો માટે સાવચેતીનો માહોલ જોવા મળી રહ્યો છે.
બુલિયન માર્કેટ માટે આગામી દિવસોમાં અનેક મહત્વપૂર્ણ ઘટનાઓ ઘટવાની છે, જે ભાવમાં વધારો કે ઘટાડો કરી શકે છે.
બજારના મુખ્ય પરિબળો :
બુલિયન માર્કેટ માટે આગામી દિવસોમાં FED ના વ્યાજ દરના નિર્ણય પર સૌની નજર રહેશે. આ ઉપરાંત, ક્રૂડ ઓઈલના ભાવમાં થતો ફેરફાર અને US-Iran વચ્ચેનું વધતું જીઓપોલિટિકલ ટેન્શન બજાર માટે મુખ્ય પરિબળ બનશે. રોકાણકારો US Consumer Confidence ડેટા, PCE ઇન્ફ્લેશનના આંકડા અને બેન્ક ઓફ ઈંગ્લેન્ડ તથા બેન્ક ઓફ જાપાન દ્વારા કરવામાં આવનારી મોનેટરી પોલિસીની જાહેરાતો પર પણ નજર રાખશે.
ટેકનિકલ દૃષ્ટિકોણ :
ભારતીય બજારમાં, ઓગસ્ટ ડિલિવરી માટે સોનાના ભાવમાં ૧.૬% નો ઉછાળો આવી રૂ. ૧.૪૩ લાખ પ્રતિ ૧૦ ગ્રામ નોંધાયો છે. સપ્ટેમ્બર ડિલિવરી માટે ચાંદીના ભાવમાં ૨.૭% નો ઉછાળો આવી તે રૂ. ૨.૨૨ લાખ પ્રતિ કિલો પર બંધ રહ્યો છે. વૈશ્વિક બજારમાં Comex ગોલ્ડમાં ૧.૩% અને સિલ્વરમાં લગભગ ૫% નો ઉછાળો જોવા મળ્યો છે. ક્રૂડ ઓઈલના ભાવમાં અસ્થિરતાને કારણે કિંમતોમાં વધારો જોવા મળ્યો છે.
ભાવિ દિશા :
આગામી દિવસોમાં બુલિયન માર્કેટ “રેન્જ બાઉન્ડ” રહી શકે છે. ચીનના સેન્ટ્રલ બેન્ક દ્વારા સોનાની ખરીદી કરવાથી બજારને ટેકો મળી શકે છે. જોકે, હોર્મુઝ સ્ટ્રેટમાં શિપિંગ પ્રવૃત્તિ અને FED ચેર કેવિન વૉર્ષના નિવેદનો બજારની દિશા નક્કી કરશે. રોકાણકારોએ સાવચેતી સાથે પોઝિશન જાળવવી જોઈએ.
