વર્તમાન કારોબારી સેશનમાં ઉર્જા કોમોડિટી બજારમાં વોલેટિલિટી યથાવત રહ્યો છે. દેશના એલપીજી ઉત્પાદન અંગે મહત્વપૂર્ણ અપડેટ સામે આવ્યું છે, જે ઘરેલુ માંગ અને સપ્લાઈ ચેઇન માટે મજબૂત સંકેત માનવામાં આવી રહ્યો છે.
બજારના મુખ્ય પરિબળો :
દેશનું એલપીજી ઉત્પાદન ૫૨,૦૦૦ ટન પ્રતિ દિવસ સુધી પહોંચી ગયું છે, જે અત્યાર સુધીનું સર્વોચ્ચ સ્તર ગણાય છે. ગયા અઠવાડિયે ૪૬,૦૦૦ ટન પ્રતિ દિવસના સ્તરથી આ નોંધપાત્ર ઉછાળો છે. વાદીનાર જેવી કેટલીક રિફાઇનરીઓએ એપ્રિલમાં થયેલા મેન્ટેનન્સ બાદ ફરી કામગીરી શરૂ કરતા ઉત્પાદન વધ્યું છે. હાલ ઘરેલુ માંગ આશરે ૭૨,૦૦૦ ટન પ્રતિ દિવસ છે, જ્યારે સામાન્ય માંગ ૮૦,૦૦૦ ટન આસપાસ રહે છે.
પશ્ચિમ એશિયામાં જીઓપોલિટિકલ તણાવ અને હોર્મુઝ ખાડી માર્ગના અવરોધને કારણે આયાત આધારિત સપ્લાઈ પર દબાણ યથાવત છે. ભારતમાં આશરે ૬૦ ટકા એલપીજી આયાત થાય છે, જેમાંથી ૯૦ ટકા મધ્ય પૂર્વના MEG પ્રદેશમાંથી આવે છે. આ પરિસ્થિતિને કારણે બજારમાં સાવચેતીનો માહોલ યથાવત છે.
કંપની વિશે :
ઓઈલ મંત્રાલયના અધિકારીઓના જણાવ્યા મુજબ તમામ PSU OMC કંપનીઓ હાલમાં મજબૂત સ્તરે કાર્યરત છે અને પેટ્રોલ, ડીઝલ તથા એલપીજીના પૂરતા સ્ટોક ઉપલબ્ધ છે. કોઈપણ વિતરણ કેન્દ્ર પર અછત જોવા મળી નથી. નયારા એનર્જી દ્વારા સંચાલિત વાદીનાર રિફાઇનરી સહિત કેટલીક યુનિટ્સમાં કામગીરી પુનઃશરૂ થતા ઉત્પાદન વૃદ્ધિ નોંધાઈ છે.
આંતરરાષ્ટ્રીય ઉર્જા એજન્સી (IEA) મુજબ માર્ચ–એપ્રિલ ૨૦૨૬ દરમિયાન હોર્મુઝ વિસ્તારના અવરોધને કારણે આશરે ૪.૩ લાખ બેરલ પ્રતિ દિવસ જેટલો ઘટાડો નોંધાયો હતો. યુએસમાંથી આવતી જહાજોને મુંબઈ પહોંચવામાં આશરે ૪૦ દિવસ લાગે છે, જ્યારે MEG પ્રદેશમાંથી માત્ર ૪–૫ દિવસમાં સપ્લાઈ પહોંચી જાય છે, જે કારણે સપ્લાઈ ચેઇનમાં વોલેટિલિટી વધી છે.
ભાવિ દિશા :
સરકાર દ્વારા OMC કંપનીઓને ઓછામાં ઓછા ૩૦ દિવસના સ્ટોક જાળવવાની સૂચના આપવામાં આવી છે, જે આગામી દિવસોમાં સપ્લાઈ સ્થિરતા માટે મજબૂત પગલું સાબિત થઈ શકે છે. હાલના ઉત્પાદન ઉછાળાને કારણે બજારમાં તાત્કાલિક ઘટાડાની શક્યતાઓ મર્યાદિત છે, પરંતુ જીઓપોલિટિકલ પરિબળોને કારણે સાવચેતીનો માહોલ યથાવત રહેશે.
