વર્તમાન કારોબારી સેશનમાં ટીનની કિંમતો મજબૂત માગણી અને મર્યાદિત સપ્લાયના કારણે યથાવત રહ્યો છે. આ વર્ષે ટીનની કિંમતોમાં ૩૫ ટકા સુધી ઉછાળો આવ્યો છે, અને તે હજુ પણ ઊંચા સ્તરે છે, જે મેન્યુફેક્ચરિંગ, સેમિકન્ડક્ટર અને AI સંબંધિત ક્ષેત્રોની માગણીને કારણે શક્ય બન્યું છે.
બજારના મુખ્ય પરિબળો :
ટીનની ભાવ વધારવાની મુખ્ય પાછળનું કારણ છે AI માટેના મૂડી ખર્ચમાં ૭૮૫ બિલિયન ડોલરનું વધારો, જેમાં ડેટા સેન્ટરો માટેની મજબૂત માંગ તેમજ GPU, CPU તથા મેમોરી ચિપ્સમાં વધારાનો ખર્ચ સામેલ છે. સાથોસાથ ચાઇનીઝ PV ક્ષેત્રમાં ધીમું પડવું અને પરંપરાગત ક્ષેત્રોમાં માગણીમાં નોંધપાત્ર ઘટાડો હોવા છતાં, મેન્યુફેક્ચરિંગ અને સેમિકન્ડક્ટર ક્ષેત્રે ટીનની માગણી મજબૂત રહી છે.
ટીનની ઊંચી કિંમતોને લીધે સોલ્ડરિંગ ઉદ્યોગમાં માંગ મર્યાદિત રહી છે, જે ભાવોમાં અનિશ્ચિતતા લાવે છે.
ટેકનિકલ દૃષ્ટિકોણ :
ટીનની કિંમતો જૂનમાં ૫૯,૦૪૦ ડોલર પ્રતિ ટનના રેકોર્ડ સ્તરે પહોંચી ગઈ હતી, ત્યારબાદ ૫૫,૦૩૦ ડોલર પ્રતિ ટનના સ્તરે આવી હતી. બજારમાં ૫૬,૦૦૦ થી ૫૭,૦૦૦ ડોલર પ્રતિ ટનનું મજબૂત રેઝિસ્ટન્સ જોવા મળ્યું છે, જેના કારણે થોડું બ્રેકડાઉન નોંધાયું છે. બજારમાં વધતી વોલેટિલિટી વચ્ચે મજબૂત રોકાણકારોની ભાવનાએ ટીનની ભાવને ટકાવારમાં રાખ્યું છે.
જુલાઈમાં ઈન્ડોનેશિયાના ટીન નિકાસમાં ૨૦.૪ ટકા નો વધારો થયો, છતાં સમૂહ નિકાસ ૧૫ ટકા ઓછો યથાવત રહ્યો છે, જે વૈશ્વિક ઉત્પાદન વૃદ્ધિ માટે પડકારરૂપ છે. માઇન દ્વારા સપ્લાય મર્યાદિત હોવાને કારણે ટીનની સપ્લાય તંગ છે, અને સ્ટોક મર્યાદિત હોવાને કારણે ભાવોમાં સતત વોલેટિલિટી રહી શકે છે.
સેક્ટર દૃષ્ટિકોણ :
સેમિકન્ડક્ટર અને AI સંબંધિત સેક્ટરોમાં મજબૂત માગણીને કારણે ટીનની માંગ યથાવત મજબૂત રહી છે. મેન્યુફેક્ચરિંગ સેક્ટરમાં પણ ટીનની ઉપયોગીતા યથાર્થ છે, જયારે પરંપરાગત અને કેટલાક PV ક્ષેત્રોમાં મંદી જોવા મળી રહી છે. શાંઘાઇ ફાઇનાન્સ એક્સચેન્જ (SHFE) માં ઓપન ઈન્ટરેસ્ટમાં ઘટાડો અને ટ્રેડિંગ વોલ્યુમમાં ધોવાણ આ ક્ષેત્રોની વાસ્તવિક સ્થિતિ દર્શાવે છે.
આગામી દિવસોમાં ભાવિ દિશા :
ટીનની કિંમતો ૨૦૨૬ ના ત્રણેય ત્રિમાસિકોમાં મર્યાદિત સપ્લાય અને મજબૂત માંગને કારણે ઊંચા રહેવાની sambhavana છે, પરંતુ ચોથા ત્રિમાસિકમાં સપ્લાયમાં સુધારો અને AI ક્ષેત્રમાં મૂડી ખર્ચ ધીમી પડવાથી કેટલાક ઘટાડા જોવા મળવાની આશંકા છે. વૈશ્વિક મેક્રો ઇકોનોમિક પરિસ્થિતિઓ અને નજીકના સપ્લાય વિકાસ ભાવોની દિશા નક્કી કરશે.
સારાંશરૂપે, ટીન બજારમાં મજબૂત બુલિશ બાયસ યથાવત છે, પરંતુ સપોર્ટ લેવલ અને રેઝિસ્ટન્સ ઝોન પર સાવચેતી જરૂરી રહેશે. રોકાણકારોએ ટૂંકા ગાળાના ટ્રેડિંગ માટે સ્ટોપલોસ સાથે પોઝિશન લેવાં યોગ્ય રહેશે.
