વર્તમાન કારોબારી સેશનમાં બજારમાં કોર્પોરેટ જાહેરાતોના આધારે પસંદગીયુક્ત વોલેટિલિટી યથાવત રહ્યો છે. ટેકનોલોજી, ઓટો, એનર્જી અને ઇન્ફ્રા સેક્ટરના શેરોમાં સાવચેતીનો માહોલ વચ્ચે મર્યાદિત ઉછાળો અને ઘટાડો બંને જોવાઈ રહ્યા છે.
બજારના મુખ્ય પરિબળો :
કંપનીઓ દ્વારા થયેલી નવી ડેવલપમેન્ટ્સને કારણે આજના સેશનમાં કેટલીક સેક્ટર-સ્પેસિફિક મૂવમેન્ટ જોવાઈ શકે છે. રિલાયન્સની જીયો પ્લેટફોર્મ્સે વૈશ્વિક PCT રેન્કિંગમાં ટોપ ૨૦માં સ્થાન મેળવ્યું છે, જે ભારતીય ટેક ઇકોસિસ્ટમ માટે મજબૂત સંકેત માનવામાં આવે છે. ટાટા મોટર્સ દ્વારા ૧ જુલાઈથી તેના પેસેન્જર વ્હીકલ્સના ભાવમાં વધારો કરવાની જાહેરાત બજારમાં મર્યાદિત પ્રતિભાવ લાવી રહી છે.
કંપની વિશે :
રિલાયન્સ જીયો પ્લેટફોર્મ્સે ૬૮૧૭ પેટન્ટ નોંધાવ્યા છે અને ૫જી, ૬જી રેડિયો, સેટેલાઇટ અને કૃત્રિમ બુદ્ધિ આધારિત પ્રોજેક્ટ્સ પર કામ આગળ વધાર્યું છે. ટાટા મોટર્સે ઇનપુટ કોસ્ટ વધારાને કારણે ૧.૫ ટકા સુધી ભાવ વધારાનો નિર્ણય કર્યો છે. મીશો દ્વારા કિરાણા ક્લબના અધિગ્રહણને મંજૂરી મળતા કંપનીના રિટેલ નેટવર્કને મજબૂતી મળશે.
આઈટી સેક્ટરમાં ટીસીએસે ઓરેકલ સાથે ભાગીદારીમાં કોલકાતામાં ભારતનું પ્રથમ ઓરેકલ AI ડેટા પ્લેટફોર્મ લેબ શરૂ કર્યું છે. હેક્સાવેરે GIFT સિટી ખાતે નવું ડિલિવરી સેન્ટર શરૂ કર્યું છે.
એનર્જી સેગમેન્ટમાં NLC ઇન્ડિયાની જોઇન્ટ વેન્ચર કંપનીએ ૬૬૦ મેગાવોટની યુનિટનું વ્યાવસાયિક ઓપરેશન શરૂ કર્યું છે. ACME સોલર દ્વારા રાજસ્થાનમાં બેટરી એનર્જી સ્ટોરેજ સિસ્ટમ પ્રોજેક્ટ શરૂ કરાયો છે. JSW એનર્જીએ મારુતિ ક્લીન કોલ એન્ડ પાવરના અધિગ્રહણ માટે એગ્રીમેન્ટ કર્યો છે.
ઇન્ફ્રા અને રિયલ્ટી સેક્ટરમાં HG ઇન્ફ્રાએ ઇન્ટર-સ્ટેટ ટ્રાન્સમિશન સિસ્ટમ માટે LOI મેળવ્યો છે, જ્યારે આશોકા બિલ્ડકને રાયપુરના જ્વેલરી પાર્ક પ્રોજેક્ટ માટે LOA પ્રાપ્ત થયું છે.
ટેકનિકલ દૃષ્ટિકોણ :
પસંદગીયુક્ત શેરોમાં વોલેટિલિટી યથાવત છે. મોટા સેક્ટરલ શેરોમાં ઉછાળે નફારૂપી વેચવાલી જોવાઈ શકે છે. કેટલાક ઓટો અને એનર્જી શેરોમાં સપોર્ટ લેવલ નજીક મર્યાદિત ખરીદીનો ટેકો મળી રહ્યો છે, જ્યારે IT સેગમેન્ટમાં મજબૂત ક્લોઝિંગ જરૂરી છે. ટેકનિકલ ચાર્ટ મુજબ રેઝિસ્ટન્સ ઝોન નજીક અવરોધ રહેવાની સંભાવના છે.
રોકાણ રણનીતિ :
ટૂંકાગાળાના ટ્રેડર્સ માટે સ્ટોપલોસ અનિવાર્ય છે. ઘટાડે તબક્કાવાર ખરીદી કરી શકાય, જ્યારે કોર્પોરેટ સમાચારના આધારે પોઝિશન ફેરફાર કરતી વખતે સાવચેતી જરૂરી છે. પસંદગીયુક્ત ક્વોલિટી શેરોમાં મર્યાદિત પોઝિશન જાળવવું યોગ્ય રહેશે.
ભાવિ દિશા :
આગામી દિવસોમાં બજાર રેન્જ બાઉન્ડ રહી શકે છે. વૈશ્વિક બજારના સંકેતો અને સ્થાનિક કોર્પોરેટ જાહેરાતો બજારના વલણ પર સીધી અસર કરશે.
