વર્તમાન કારોબારી સેશનમાં ભારતીય કરન્સી બજારમાં રૂપિયો નબળાઈ સાથે બંધ રહ્યો છે અને નવા રેકોર્ડ નીચલા સ્તરે પહોંચતા ભાવનામાં સાવચેતીનો માહોલ જોવા મળ્યો છે. જીઓપોલિટિકલ ટેન્શન, ક્રૂડના ઉછાળા અને ઇક્વિટી બજારમાં સતત આઉટફ્લોનું દબાણ રૂપિયામાં યથાવત રહ્યું છે.
રૂપિયો ૯૩.૯૭ ના સ્તરે બંધ રહ્યો, જે અગાઉના ૯૩.૮૭ કરતા અંદાજે ૧૧ પૈસા વધુ નબળો છે. આરબીઆઇ તરફથી મર્યાદિત હસ્તક્ષેપ જોવા મળ્યો, જેના કારણે રૂપિયો ૯૪ના મહત્વના ઝોન ઉપર બ્રેકડાઉન ટાળવામાં સફળ રહ્યો.
બજારના મુખ્ય પરિબળો :
પશ્ચિમ એશિયામાં વધતા જીઓપોલિટિકલ ટેન્શનને કારણે ક્રૂડમાં ઉછાળો યથાવત રહ્યો છે, જેના સીધા પ્રભાવ રૂપિયામાં જોવા મળ્યા છે. ઇક્વિટી બજારમાં એફપીઓ દ્વારા સતત વેચવાલી ચાલતા ડોલર ડિમાન્ડ વધતાં દબાણ વધુ ઊભું થયું છે. એચએસબીસી ઇન્ડિયા કૉમ્પોઝિટ પી એમ આઇમાં ઘટાડો થવાથી આંતરિક અર્થતંત્રની ગતિમાં મર્યાદિત નબળાઈએ પણ કરન્સી બજાર પર પ્રભાવ પાડ્યો છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ રૂપિયો ૯૪ના સ્તર પાસે મજબૂત રેઝિસ્ટન્સનો સામનો કરી રહ્યો છે. જો આ ઝોન ઉપર બ્રેકઆઉટ જોવા મળશે તો વધુ ઘટાડાની શક્યતા નકારી શકાય નહીં. નીચેની તરફ ૯૩.૭૦ નજીકનું સપોર્ટ લેવલ મહત્વનું ગણાશે. વર્તમાન કારોબારી સેશનમાં વોલેટિલિટી ઊંચી રહેતાં કરન્સી બજાર રેન્જ બાઉન્ડ દાયરામાં યથાવત રહ્યો છે.
રોકાણ રણનીતિ :
કરન્સી ટ્રેડર્સ માટે કડક સ્ટોપલોસ રાખવાની જરૂરિયાત યથાવત છે. ઉછાળે નફારૂપી વેચવાલી અને ઘટાડે તબક્કાવાર ખરીદીની રણનીતિ અસરકારક રહી શકે છે. જીઓપોલિટિકલ પરિસ્થિતિમાં સુધારો ન થાય ત્યાં સુધી કરન્સી બજારમાં સાવચેતી જરૂરી રહેશે.
ભાવિ દિશા :
આગામી દિવસોમાં કરન્સી બજારમાં વોલેટિલિટી યથાવત રહેવાની શક્યતા છે. આંતરરાષ્ટ્રીય કાચા તેલના ભાવ, વૈશ્વિક ડોલર ઇન્ડેક્સ અને જીઓપોલિટિકલ સમાચાર બજારની દિશા નક્કી કરશે. આરબીઆઇ તરફથી મર્યાદિત ઇન્ટરવેન્શન ચાલુ રહેવાની શક્યતા છે, પરંતુ રૂપિયાની દિશા મોટા ભાગે વૈશ્વિક સંકેતોને અનુસરે તેવી ધારણા છે.
