વર્તમાન કારોબારી સેશનમાં કેન્દ્ર સરકાર માટે મહત્વના નાણાકીય વિકાસ વચ્ચે બજારમાં સાવચેતીનો માહોલ યથાવત રહ્યો છે. આરબીઆઈ દ્વારા આ વર્ષે રેકોર્ડ ડિવિડન્ડ ચૂકવવાની સંભાવના વધી રહી છે, જેના કારણે સરકારને વેસ્ટ એશિયા સંકટ વચ્ચે વધારાની નાણાકીય તાકાત મળી શકે છે.
ગયા વર્ષે આરબીઆઈ દ્વારા ₹૨.૬૯ લાખ કરોડનું ડિવિડન્ડ ટ્રાન્સફર કરવામાં આવ્યું હતું, જે અગાઉના વર્ષથી નોંધપાત્ર ઊંચું હતું. આ વર્ષે પણ બોર્ડ મીટિંગમાં વધારે રકમ નક્કી થવાની સંભાવના વ્યક્ત થઈ રહી છે.
બજારના મુખ્ય પરિબળો :
સરકારના બજેટ મુજબ આવતા નાણાકીય વર્ષે આરબીઆઈ, નેશનલાઈઝ્ડ બૅન્કો અને અન્ય નાણાકીય સંસ્થાઓ પાસેથી ₹૩.૧૬ લાખ કરોડની આવકની અપેક્ષા રાખવામાં આવી છે. સૂત્રોના જણાવ્યા અનુસાર આ અંદાજથી વધુ આવક થવાની શક્યતા છે, કારણ કે પીએસયૂ બૅન્કોએ એફવાય૨૬ દરમિયાન મજબૂત નફો દર્શાવ્યો છે.
બેન્કિંગ ક્ષેત્રમાં સુધરેલી એસેટ ક્વોલિટી, ક્રેડિટમાં ઉછાળો અને વધતી આવકને કારણે કુલ નફામાં મજબૂત ઉછાળો નોંધાયો છે. પીએસયૂ બૅન્કોના કુલ ઓપરેટિંગ પ્રોફિટ ₹૩.૨૧ લાખ કરોડ સુધી પહોંચ્યા છે, જ્યારે નેટ પ્રોફિટ ૧૧.૧% વધીને ₹૧.૯૮ લાખ કરોડના ઐતિહાસિક સ્તરે નોંધાયા છે.
સેક્ટર દૃષ્ટિકોણ :
પીએસયૂ બૅન્કોના આ મજબૂત પરિણામો બાદ બજારમાં પસંદગીયુક્ત ઉછાળો જોવા મળ્યો છે, જ્યારે અન્ય સેક્ટર્સમાં મર્યાદિત પ્રવૃત્તિ જોવા મળી રહી છે. નોન-ટેક્સ આવક રૂપે ડિવિડન્ડની આ આવક સરકાર માટે મહત્વનો આધાર બની શકે છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ નાણાકીય ક્ષેત્ર સંબંધિત શેરોમાં વોલેટિલિટી યથાવત છે. ઊંચા લેવલ્સ પર પ્રોફિટ બુકિંગ અને વૈશ્વિક જીઓપોલિટિકલ ટેન્શનને કારણે બજારમાં સાવચેતીનો માહોલ યથાવત રહ્યો છે. જો આરબીઆઈ ડિવિડન્ડ સંબંધિત કોઈ સકારાત્મક જાહેરાત કરે તો સેક્ટરમાં બુલિશ બાયસ જોવા મળી શકે છે.
ભાવિ દિશા :
આગામી દિવસોમાં સરકારને મળનારી સંભાવિત રેકોર્ડ ડિવિડન્ડ આવક નાણાકીય સ્થિતિને મજબૂત બનાવી શકે છે. તેની અસર બજારની સેન્ટિમેન્ટ પર મર્યાદિત ઉછાળો રૂપે થઈ શકે છે. જોકે, વેસ્ટ એશિયા સંકટને કારણે વોલેટિલિટી યથાવત રહેવાની શક્યતા છે.
