વર્તમાન કારોબારી સેશનમાં ભારતીય બજારમાં વોલેટિલિટી યથાવત રહી છે. ક્રૂડની કિંમતોમાં ઉછાળો, નબળા મોન્સૂનના અંદાજ અને આરબીઆઈની સાવચેતીભરી નીતિએ રોકાણકારોમાં સાવચેતીનો માહોલ વધાર્યો છે. સપ્તાહના અંતે થયેલો ઘટાડો દર્શાવે છે કે ઉછાળે નફારૂપી વેચવાલી હાવી રહી છે અને રોકાણકારો નવા પોઝિશન લેવા કરતાં રાહ જોવાનું પસંદ કરી રહ્યા છે.
દેશની જીડીપી વૃદ્ધિ દર ૭.૭ ટકાના મજબૂત સ્તરે હોવા છતાં, આરબીઆઈએ એફવાય૨૭ માટેનો જીડીપી અંદાજ ૬.૬ ટકાએ ઘટાડ્યો છે, જેના કારણે ભાવિ આર્થિક દિશા અંગે ચિંતા વધી છે.
બજારના મુખ્ય પરિબળો :
• વૈશ્વિક બજારોમાં જીઓપોલિટિકલ તણાવ અને ક્રૂડ ૯૩ ડોલર નજીક ટ્રેડ થતાં દબાણ વધ્યું છે.
• નબળા મોન્સૂનના નવા અંદાજને કારણે એફએમસિજિ અને રુરલ જોડાયેલા સેક્ટર્સમાં પસંદગીયુક્ત ધોવાણ જોવા મળ્યું છે.
• આરબીઆઈ દ્વારા રેપો રેટ યથાવત રાખવામાં આવ્યો છે, પરંતુ મોંઘવારીના અંદાજમાં વધારાથી રોકાણકાર ભાવનામાં નબળાઈ છે.
• ઉછાળે નફારૂપી વેચવાલી અને વૈશ્વિક ડેટા પહેલાં સાવચેતીનો માહોલ નજરે પડે છે.
સેક્ટર દૃષ્ટિકોણ :
ટેલિકોમ અને કન્ઝ્યુમર ડ્યુરેબલ સેક્ટર્સમાં મર્યાદિત ખરીદી યથાવત રહી છે, જ્યારે એફએમસિજિ અને પાવર સેક્ટરમાં ધોવાણ આગળ વધ્યું છે. બેન્કિંગ, આઈટી અને ફાર્મા જેવા મોટા સેક્ટર્સમાંથી બજારને મર્યાદિત સપોર્ટ મળ્યો છે. મિડકેપ અને સ્મોલકેપ શેરોમાં પસંદગીયુક્ત દબાણ યથાવત છે, જેના કારણે માર્કેટ બ્રેડ્થ થોડું નબળું રહ્યું છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ ઈન્ડેક્સ માટે ઉપરની તરફ રેઝિસ્ટન્સ ઝોન મજબૂત બની રહ્યો છે. રેઝિસ્ટન્સ નજીક ક્લોઝિંગ ન મળતા બેરિશ બાયસ હાવી છે. નીચેની તરફ સપોર્ટ લેવલ તૂટે તો વધુ ઘટાડાની સંભાવના નકારી શકાય નહીં. વધતી વોલેટિલિટી વચ્ચે ટૂંકા ગાળાના ટ્રેડર્સ માટે કડક સ્ટોપલોસ અનિવાર્ય છે.
રોકાણ રણનીતિ :
• ઉછાળે નફારૂપી વેચવાલી ચાલુ રાખવી.
• ઘટાડે તબક્કાવાર ખરીદીની રણનીતિ અપનાવવી, ખાસ કરીને ક્વોલિટી મોટા શેરોમાં.
• પેનિક સેલિંગથી દૂર રહેવું અને સાવચેતીપૂર્વક પોઝિશન મેનેજ કરવું.
• રુરલ જોડાયેલા અને કન્ઝ્યુમર સેગમેન્ટમાં વધારે સાવચેતી જરૂરી.
ભાવિ દિશા :
આગામી સેશન્સમાં બજાર રેન્જ બાઉન્ડથી નેગેટિવ વલણ દર્શાવી શકે છે. વૈશ્વિક ક્રૂડની ચાલ, મોન્સૂનના અપડેટ્સ અને જીઓપોલિટિકલ પરિસ્થિતિ બજારને દિશા આપશે. લાંબા ગાળાના રોકાણકારોએ ક્વોલિટી શેરોમાં પોઝિશન જાળવવી યોગ્ય રહેશે.
