વર્તમાન કારોબારી સેશનમાં સીએમઆર ગ્રીન ટેકનોલોજીઝ IPO અંગે બજારમાં ચર્ચા યથાવત રહી છે. ઈશ્યૂને મળેલી ભારે સબ્સ્ક્રિપ્શન અને મજબૂત ગ્રે માર્કેટ પ્રીમિયમ (GMP) રોકાણકારોમાં સાવચેતી સાથે ઉત્સાહ ઉભો કરી રહ્યા છે.
આ IPO ₹૩થી ₹૫ જૂન વચ્ચે ખુલ્લું રહ્યું હતું અને કુલ ૧૨૭ ગણું સબ્સ્ક્રિપ્શન મળ્યું હતું, જે ઈશ્યૂ માટે જોરદાર પ્રતિસાદ દર્શાવે છે. શેર એલોટમેન્ટ ₹૮ જૂને થશે અને લિસ્ટિંગ ₹૧૦ જૂને થવાની શક્યતા છે. લિસ્ટિંગ પહેલાં બજારમાં બુલિશ બાયસ જોવા મળી રહ્યો છે.
બજારના મુખ્ય પરિબળો :
ગ્રે માર્કેટ પ્રીમિયમ (GMP) આશરે ₹૭૧ સુધી નોંધાયું છે, જે ઈશ્યૂ પ્રાઈસ ₹૧૯૨ની સરખામણીએ મજબૂત ઉછાળો દર્શાવે છે. આ મુજબ અંદાજિત લિસ્ટિંગ પ્રાઈસ ₹૨૬૦ આસપાસ થઈ શકે છે. પ્રોફિટ બુકિંગનો પ્રવાહ મર્યાદિત રહ્યો છે, જ્યારે રિટેલ અને QIB કેટેગરીમાં માંગ યથાવત જોવા મળી છે.
કુલ સબ્સ્ક્રિપ્શનની રચનામાં રિટેલ ૨૭ ગણું, HNI ૧૭૨ ગણું અને QIB ૨૭૦ ગણું નોંધાયા છે, જે બજારમાં પસંદગીયુક્ત રોકાણકારી વલણને સ્પષ્ટ કરે છે.
કંપની વિશે :
સીએમઆર ગ્રીન ટેકનોલોજીઝની સ્થાપના વર્ષ ૨૦૦૬માં થઈ હતી. કંપની નોન-ફેરસ મેટલ્સના રિસાયક્લિંગ અને સેકન્ડરી એલ્યુમિનિયમ સેગમેન્ટમાં કાર્યરત છે. કંપની એલ્યુમિનિયમ અને ઝીંક આધારિત ડાઈ-કાસ્ટિંગ એલોયનું ઉત્પાદન કરે છે અને ક્વોલિટી સપ્લાય માટે જાણીતી છે.
કંપનીના મુખ્ય ગ્રાહકોમાં હોન્ડા કાર્સ ઈન્ડિયા, બજાજ ઓટો, હીરો મોટોકોર્પ, રોયલ એનફિલ્ડ, એન્ડ્યુરન્સ ટેકનોલોજીઝ અને મારુતિ સુઝુકી જેવા નામો શામેલ છે.
આ IPO સંપૂર્ણ ઓફર ફોર સેલ (OFS) છે, એટલે કે કંપનીને વેચાણમાંથી કોઈ નવો નાણાકીય પ્રવાહ પ્રાપ્ત થયો નથી. પ્રમોટર્સ તથા આંતરરાષ્ટ્રીય સ્ક્રેપ પ્રોસેસર્સે તેમના હિસ્સાનો વેચાણ કર્યો છે.
ભાવિ દિશા :
આગામી સેશન્સમાં IPOના લિસ્ટિંગને લઈને બજાર રેન્જ બાઉન્ડ પરંતુ મજબૂત વલણ દાખવી શકે છે. મજબૂત GMPને કારણે લિસ્ટિંગ દિવસે ઉછાળો જોવા મળી શકે છે, પરંતુ ઉછાળે નફારૂપી વેચવાલી પણ શક્ય છે.
ઘટાડે તબક્કાવાર ખરીદીનું વલણ અપનાવવું યોગ્ય રહેશે. QIBની મજબૂત માંગને કારણે IPOમાં બુલિશ બાયસ જળવાઈ રહેવાની શક્યતા વધુ છે.
