વર્તમાન કારોબારી સેશનમાં ભારતીય શેરબજારમાં તેજીનું વલણ યથાવત રહ્યું છે. દિવસની નબળી શરૂઆત બાદ બજારે નોંધપાત્ર રિકવરી દર્શાવી હતી. આઈટી સેક્ટરના ઉછાળે ઈન્ડેક્સને આધાર આપ્યો અને સેન્સેક્સ ૩૮૨ પોઇન્ટના ઉછાળા સાથે ૭૪,૬૫૦ નજીક ક્લોઝિંગ પર બંધ રહ્યો, જ્યારે નિફ્ટી ૨૩,૪૮૩ સુધી મજબૂત રહ્યો.
બજારમાં વોલેટિલિટી હોવા છતાં પસંદગીયુક્ત ખરીદી જોવા મળી હતી અને આઈટી ઈન્ડેક્સે ૪.૪૦ ટકા સુધીનો ઉછાળો નોંધાવ્યો.
બજારના મુખ્ય પરિબળો :
વૈશ્વિક બજારોમાંથી મળેલા મિશ્ર સંકેતો વચ્ચે આજના સેશનમાં સાવચેતીનો માહોલ રહ્યો હતો. દક્ષિણ કોરિયા, ચીન અને હાંગકાંગના બજારોમાં ઉછાળો જોવા મળ્યો, જ્યારે જાપાનનો નિક્કી ઘટાડા સાથે બંધ થયો હતો. બ્રેન્ટ ક્રૂડમાં ૧.૨૮ ટકાનો ઘટાડો બજારભાવને થોડી મદદરૂપ રહ્યો હતો.
બીજી તરફ વિદેશી સંસ્થાકીય રોકાણકારો (FII) દ્વારા ૩,૯૧૧ કરોડ રૂપિયાની નફારૂપી વેચવાલી બજારમાં દબાણનું કારણ બની રહી છે.
સેક્ટર દૃષ્ટિકોણ :
આજે આઈટી સેક્ટરે મજબૂત ઉછાળો નોંધાવ્યો હતો જેમાં TCS ૬.૫૩ ટકા, ઈન્ફોસિસ ૫.૬૬ ટકા અને HCL ટેક ૪ ટકા સુધી મજબૂત રહ્યા. ટેક મહિન્દ્રામાં પણ મર્યાદિત ઉછાળો જોવા મળ્યો હતો. એડાની પોર્ટ્સ, ટાઈટન અને M&M જેવા શેરોમાં પણ નફારૂપી ખરીદી જોવા મળી હતી.
બીજી તરફ NTPC, એક્સિસ બેન્ક અને પાવર ગ્રિડ જેવા શેરોમાં ઘટાડો જોવા મળ્યો હતો.
ટેકનિકલ દૃષ્ટિકોણ :
ટેકનિકલ ચાર્ટ મુજબ નિફ્ટીમાં ઉપરની તરફ રેઝિસ્ટન્સ ઝોન ૨૩,૫૦૦ નજીક દેખાઈ રહ્યો છે, જ્યારે નીચેની તરફ ૨૩,૩૦૦ મહત્વનું સપોર્ટ લેવલ ગણાય છે. સેન્સેક્સે ઈન્ટ્રાડે વોલેટિલિટી વચ્ચે મજબૂત ક્લોઝિંગ આપી છે.
આઈટી સેક્ટરમાં બ્રેકઆઉટ જેવી ચાલને કારણે થોડી વધુ બુલિશ બાયસ જોવા મળી રહી છે.
રોકાણ રણનીતિ :
ઉછાળે નફારૂપી વેચવાલી ચાલુ રાખવી બજારની હાલની સ્થિતિમાં યોગ્ય ગણાય. ઘટાડે તબક્કાવાર ખરીદી દ્વારા ક્વોલિટી શેરોમાં પોઝિશન બિલ્ડ કરવી સમજદારીપૂર્ણ ગણાય. ટૂંકા ગાળાના ટ્રેડર્સ માટે કડક સ્ટોપલોસ જરૂરી રહેશે.
ભાવિ દિશા :
આગામી સેશન્સમાં બજાર રેન્જ બાઉન્ડ રહેવાની શક્યતા વધારે છે. વૈશ્વિક જીઓપોલિટિકલ પરિસ્થિતિ, ક્રૂડમાં વોલેટિલિટી અને FII ફ્લો બજારની દિશા નક્કી કરશે. જો આઈટી સેક્ટરમાં મજબૂત પરફોર્મન્સ યથાવત રહે, તો ઈન્ડેક્સને સપોર્ટ મળી શકે છે.
