વર્તમાન કારોબારી સેશનમાં ટેક સેગમેન્ટમાં વોલેટિલિટી યથાવત રહી છે, જેમાં મેટા અને મેનસ વચ્ચેનો મોટો સોદો હવે સાવચેતીના માહોલમાં નવા વળાંક લઈ રહ્યો છે. ચીન સરકારે રાષ્ટ્રીય સુરક્ષાના આધારે આ એક્વિઝિશન પર પ્રતિબંધ મૂક્યા બાદ મેટા હવે ૨.૫ બિલિયન ડોલરનો સોદો ઉંધો કરવા મજબૂર બની રહ્યું છે.
મેનસના સહ-સ્થાપક ઝિયાઓ હોંગ અને જી યીચાઓને કંપનીમાંથી હટાવવાની પ્રક્રિયા પણ આગળ વધી રહી છે.
કંપની વિશે :
મેનસ એ એક એઆઈ આધારિત સ્ટાર્ટઅપ છે, જેની ટેકનોલોજી શરૂઆતમાં બેઇજિંગ બટરફ્લાય ઈફેક્ટ ટેકનોલોજી દ્વારા વિકસાવવામાં આવી હતી. બાદમાં તેની સિંગાપુર એકમ દ્વારા ચીન બહારના બજારોમાં ઓપરેશન હાથ ધરવામાં આવ્યા હતા. મેટાએ ગયા વર્ષે આ સ્ટાર્ટઅપનું બાયઆઉટ કર્યું હતું અને ત્યારબાદ મેનસની ટીમને પોતાની એઆઈ ડિવિઝનમાં મજબૂત રીતે ઇન્ટિગ્રેટ કરી દીધી હતી.
બજારના મુખ્ય પરિબળો :
ચીનના પ્રતિબંધ બાદ મેટાને હવે કાયદાકીય તેમજ ઓપરેશનલ પડકારોનો સામનો કરવો પડશે. પૂર્વ ઈન્વેસ્ટરો જેમ કે ટેનસેન્ટ, ઝેનફંડ અને હૉંગશાન પહેલેથી જ પોતાના હિસ્સાના નફા મેળવી ચૂક્યા હોવાથી પ્રક્રિયા વધુ જટિલ બની રહી છે. ચીન સરકાર દ્વારા મેટાને કેટલાક અઠવાડિયાનો સમય આપ્યો છે, જેમાં મેનસના ચીન જોડાયેલા તમામ એસેટ્સને મૂળ સ્થિતિમાં લાવવા અનિવાર્ય રહેશે.
ટેકનિકલ દૃષ્ટિકોણ :
વૈશ્વિક ટેક સેગમેન્ટમાં આ નિર્ણય બાદ પસંદગીયુક્ત ધોવાણ જોવા મળી રહ્યું છે. બજારમાં વોલેટિલિટી યથાવત રહેવાની શક્યતા હોવાથી બેરિશ બાયસ હાવી છે. આવા જીઓપોલિટિકલ ફેરફારો ટેક કંપનીઓ માટે રેઝિસ્ટન્સ ઉભું કરી શકે છે અને ટૂંકાગાળાના પ્રોફિટ બુકિંગના સંકેતો મજબૂત બની શકે છે.
રોકાણ રણનીતિ :
- ટેક સેક્ટરમાં ઉછાળે નફારૂપી વેચવાલી ચાલુ રહેવાની શક્યતા છે.
- ઘટાડે તબક્કાવાર ખરીદી એક સલામત અભિગમ બની શકે છે.
- વોલેટિલિટી વધે ત્યારે ટ્રેડર્સે સ્ટોપલોસ સાથે પોઝિશન જાળવવી જરૂરી છે.
- જીઓપોલિટિકલ અનિશ્ચિતતા વચ્ચે ક્વોલિટી શેરોમાં મર્યાદિત રોકાણ જ યોગ્ય ગણાય.
ભાવિ દિશા :
આગામી દિવસોમાં ટેક સેગમેન્ટ રેન્જ બાઉન્ડ રહેવાની શક્યતા છે. મેટા–મેનસ સોદાની અનવાઇન્ડિંગ પ્રક્રિયા વૈશ્વિક ટેક ઈકોસિસ્ટમમાં દબાણ ઊભું કરી શકે છે અને રોકાણકારોએ સાવચેતી સાથે પગલાં લેવાની જરૂરિયાત રહેશે.
