વર્તમાન કારોબારી સેશનમાં ભારતીય રૂપીમાં ઘટાડો યથાવત રહ્યો છે. પશ્ચિમ એશિયામાં વધતી તંગદિલી, ક્રૂડના ઉછાળા અને મજબૂત ડોલરના દબાણ વચ્ચે રૂપી ૯૪ના સ્તરને પાર કરી ૯૪.૧૦૦૦ નજીક ક્લોઝિંગ આપતા ફોરેક્સ બજારમાં સાવચેતીનો માહોલ નોંધાયો છે.
માત્ર ચાર ટ્રેડિંગ સેશન્સમાં રૂપીમાં આશરે ૧૧૮ પૈસાનો ઘટાડો નોંધાતા રોકાણકારોની ચિંતા વધારી છે.
બજારના મુખ્ય પરિબળો :
પશ્ચિમ એશિયામાં યુએસ–ઈરાન તણાવમાં ઉછાળો આવતા વૈશ્વિક બજારમાં વોલેટિલિટી વધી રહી છે. સલામત આશ્રયવાળા એસેટ્સમાં રોકાણના વધતા પ્રવાહથી ડોલર મજબૂત બન્યો છે, જેના કારણે રૂપિયામાં ઘટાડો વેગ પકડી રહ્યો છે. સાથે જ, ક્રૂડમાં સતત ઉછાળે ભારતીય કરન્સી પર વધારાનો દબાણ લાવ્યો છે.
વિદેશી પોર્ટફોલિયો રોકાણકારો (FPI) દ્વારા પસંદગીયુક્ત ધોવાણ યથાવત રહેતા ફોરેક્સ માર્કેટમાં નબળાઈ વધુ સ્પષ્ટ જણાઈ રહી છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ હાલ ડોલર–રૂપી પેરમાં બુલિશ બાયસ જોવા મળી રહ્યો છે. વિશ્લેષકોના મત મુજબ ૯૩.૮૦નું સપોર્ટ લેવલ હાલના તબક્કે મહત્વનું છે, જ્યારે ઉપરના રેઝિસ્ટન્સ માટે ૯૪.૬૦નું સ્તર મજબૂત છે. સતત ચાર સેશનના ઘટાડા વચ્ચે ફોરેક્સ ટ્રેડર્સ સાવચેતીપૂર્વક પોઝિશન લઈ રહ્યા છે.
રોકાણ રણનીતિ :
ઉછાળે નફારૂપી વેચવાલી અને ઘટાડે તબક્કાવાર ખરીદીની રણનીતિ ટૂંકા ગાળાના ટ્રેડર્સ માટે અનુકૂળ રહી શકે છે. વધતી વોલેટિલિટી વચ્ચે સ્ટોપલોસ સાથે ટ્રેડિંગ રાખવું અનિવાર્ય છે. મર્યાદિત ટ્રેડિંગ અને પોઝિશન મેનેજમેન્ટ પર ધ્યાન આપવું યોગ્ય મનાય છે.
ભાવિ દિશા :
આગામી દિવસોમાં પશ્ચિમ એશિયાની પરિસ્થિતિ અને વૈશ્વિક ક્રૂડ ભાવ રૂપીની દિશા નક્કી કરશે. આરબીઆઈના સપોર્ટ ઉપરાંત સરકારી રાહત પગલાં રૂપીની અસ્થિરતામાં થોડી સ્થિરતા લાવી શકે છે, છતાં તાત્કાલિક દબાણ યથાવત રહેવાની શક્યતા છે. વિશેષજ્ઞોની દૃષ્ટિએ આગામી સેશન્સમાં ફોરેક્સ માર્કેટ રેન્જ બાઉન્ડ છતાં બેરિશ બાયસ સાથે રહી શકે છે.
