RBI ના રેપો રેટમાં ઘટાડો અને આર્થિક વૃદ્ધિને ટેકો આપવાના નિર્ણયો…
RBI ના રેપો રેટ સેટિંગ પેનલે શુક્રવારે સર્વસંમત નિર્ણય લીધો છે કે રેપો રેટમાં ૨૫ બેસિસ પોઈન્ટનો ઘટાડો કરીને તેને ૫.૫૦% થી ઘટાડીને ૫.૨૫% કરવામાં આવશે. આ નિર્ણય મજબૂત GDP વૃદ્ધિ, નીચા રિટેલ ઈન્ફલેશન અને રૂપિયાના ઘટાડા વચ્ચે લેવામાં આવ્યો છે. RBI એ તેની મોનેટરી પોલિસી સ્ટેન્સને ‘ન્યુટ્રલ’ રાખવાનો નિર્ણય કર્યો છે.
બજારના મુખ્ય પરિબળો :
RBI ના આ નિર્ણય પાછળના મુખ્ય કારણોમાં GDP વૃદ્ધિનો મજબૂત આંકડો સામેલ છે. વાસ્તવિક GDP વૃદ્ધિ ૭.૩% નોંધાઈ છે, જ્યારે Q2 માં તે ૮.૨% સુધી પહોંચી છે. આ ઉપરાંત, RBI એ બજારમાં લિક્વિડિટી વધારવા માટે ₹૧ લાખ કરોડના OMO પર્ચેઝ અને $૫ બિલિયનના USD/INR સ્વેપની જાહેરાત કરી છે. આ પગલાંથી નાણાકીય વ્યવસ્થામાં મજબૂત લિક્વિડિટી જળવાઈ રહેશે.
સેક્ટર દૃષ્ટિકોણ :
બેન્કિંગ અને ફાઈનાન્સિયલ સેક્ટરમાં આ નિર્ણયથી સકારાત્મક અસર જોવા મળી શકે છે. રેપો રેટમાં ઘટાડાથી બેન્કિંગ સિસ્ટમમાં ક્રેડિટ એક્સપાન્શન માટે યોગ્ય વાતાવરણ બનશે. ખાસ કરીને રિટેલ ક્રેડિટ, નાના વ્યવસાયો (MSMEs) અને હાઉસિંગ સેક્ટરમાં લોનના વ્યાજ દરોમાં ઘટાડાની શક્યતા છે, જેનાથી ડિમાન્ડમાં ઉછાળો આવી શકે છે. NBFC અને ફિનટેક લેન્ડર્સ માટે પણ ફંડિંગનો ખર્ચ મર્યાદિત થશે.
ભાવિ દિશા :
RBI ગવર્નર સંજય મલ્હોત્રા ના જણાવ્યા અનુસાર, વૈશ્વિક અનિશ્ચિતતા અને ટેરિફ સંબંધિત બાબતોને કારણે આગામી સમયમાં વૃદ્ધિના દર પર અસર થઈ શકે છે. તેથી, RBI એ આગામી પગલાં લેતા પહેલા બજારની સ્થિતિ અને પોલિસીની અસરનું નિરીક્ષણ કરવું યોગ્ય રહેશે. આગામી દિવસોમાં બજારની દિશા અને વ્યાજ દરોમાં થતા ફેરફારો પર રોકાણકારોની નજર રહેશે.
