ઉર્જા ક્ષેત્રમાં સરકાર તરફથી મહત્વપૂર્ણ અને વ્યૂહાત્મક નિર્ણય લેવામાં આવ્યો છે. પશ્ચિમ એશિયામાં ચાલી રહેલા તણાવ અને સપ્લાય ચેઈનમાં ઊભેલા ધોવાણને ધ્યાનમાં રાખીને સરકારએ ઓઇલ માર્કેટિંગ કંપનીઓને ૩૦ દિવસનો એલપિજિ સ્ટ્રેટેજિક રિઝર્વ તૈયાર કરવાનો નિર્દેશ આપ્યો છે.
હાલ હાલની વ્યવસ્થા મુજબ ઓઇલ રિટેલર્સ લગભગ ૪૫ દિવસનો રોલિંગ સ્ટોક જાળવી રાખે છે, પરંતુ ભવિષ્યમાં સપ્લાય પર દબાણ વધવાની શક્યતા જોતા વધારાનો રિઝર્વ અનિવાર્ય માનવામાં આવ્યો છે.
પેટ્રોલિયમ મંત્રાલયના અધિકારી શુભતા શર્માએ જણાવ્યું કે ભારતે યુએસ, નૉર્વે, કેનેડા અને અલ્જીરિયા જેવા દેશોમાંથી એલપિજિ આયાત વડે સપ્લાય ચેઈન મજબૂત બનાવી છે, છતાં મધ્યમથી લાંબા ગાળામાં સુરક્ષિત પુરવઠા માટે સ્ટ્રેટેજિક રિઝર્વ બનાવવું આવશ્યક છે.
હાલ મંગલુરુ અને વિશાખાપટ્ટણમમાં કુલ ૧.૪ લાખ ટન જેટલી અંડરગ્રાઉન્ડ એલપિજિ સ્ટોરેજ સુવિધા હાજર છે. યુદ્ધ પૂર્વે દેશનું દૈનિક એલપિજિ વપરાશ આશરે ૮૦,૦૦૦ ટન હતું, જે હવે ઘટાડા બાદ ૭૨,૦૦૦ ટન સુધી આવ્યું છે. આ ઘટાડો મુખ્યત્વે સિઝનલ અસર તથા નિયંત્રણ પગલાંના કારણે જોવા મળ્યો છે.
બજારના મુખ્ય પરિબળો :
ઉર્જા બજારમાં વૈશ્વિક જીઓપોલિટિકલ તણાવ યથાવત છે, જેના કારણે કોમોડિટી બજારમાં વોલેટિલિટી વધતી જોવા મળે છે. પશ્ચિમ એશિયાની સપ્લાય ચેઈન અટકવાના સંકેતોનાથી રોકાણકારોમાં સાવચેતીનો માહોલ છે. ઉછાળે નફારૂપી વેચવાલી અને ઘટાડે તબક્કાવાર ખરીદી વચ્ચે એનર્જી શેરોમાં પસંદગીયુક્ત ચાલ નોંધાઈ છે.
સેક્ટર દૃષ્ટિકોણ :
ઓઇલ અને ગેસ સેક્ટરમાં મર્યાદિત ખરીદી જોવા મળી છે, કારણ કે આ પગલાથી સરકારની PSU ઓઇલ કંપનીઓની લાંબા ગાળાની પોઝિશન મજબૂત થવાની ધારણા છે. બીજી તરફ પ્રોફિટ બુકિંગને કારણે કેટલાક એનર્જી શેરોમાં ઘટાડો યથાવત રહ્યો છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ એનર્જી ઇન્ડેક્સ હાલમાં રેન્જ બાઉન્ડ ચાલ બતાવી રહ્યો છે. ઉપરની તરફ રેઝિસ્ટન્સ ઝોન નજીક ક્લોઝિંગ મજબૂત નહીં રહે ત્યાં સુધી બુલિશ બાયસ મર્યાદિત રહેશે. નીચેની સપોર્ટ લેવલ જાળવવું ઇન્ડેક્સ માટે અનિવાર્ય છે.
રોકાણ રણનીતિ :
એનર્જી સેક્ટરમાં સાવચેતીપૂર્વક ટ્રેડિંગ કરવું અનિવાર્ય છે. ઉછાળે નફારૂપી વેચવાલી અને ઘટાડે તબક્કાવાર ખરીદી અપનાવી ક્વોલિટી PSU ઓઇલ શેરોમાં પોઝિશન જાળવવી યોગ્ય રહેશે. બજારના વોલેટિલિટી વચ્ચે સ્ટોપલોસ અનુસરવું અનિવાર્ય છે.
ભાવિ દિશા :
આગામી દિવસોમાં સરકારની નીતિ જાહેરાતો અને વૈશ્વિક રાજકીય પરિસ્થિતિ એનર્જી બજારની દિશા નક્કી કરશે. જો ૩૦ દિવસના સ્ટ્રેટેજિક રિઝર્વની યોજના ઝડપી ગતિએ આગળ વધશે, તો ઓઇલ માર્કેટિંગ કંપનીઓમાં મજબૂત ભાવના જોવા મળી શકે છે.
