રોકાણકાર મિત્રો, આનંદ ને…!!
વર્તમાન કારોબારી સેશનમાં સરકારે વર્ષના પ્રથમ 3.5 મહિનામાં જ રૂ. 70,709 કરોડનો ખર્ચ કરી દીધો છે, જે 2026-27 માટે ફાળવેલ કુલ ખાતર સબસિડીના લગભગ 40% જેટલો છે. પશ્ચિમ એશિયામાં ચાલી રહેલા સંઘર્ષ અને વૈશ્વિક સ્તરે પોષક તત્વોના ભાવમાં થયેલા ઉછાળાને કારણે સબસિડીનો ખર્ચ બજેટના અંદાજ કરતા વધી શકે છે તેવી શક્યતા છે.
બજારના મુખ્ય પરિબળો :
વૈશ્વિક બજારમાં યુરિયાના ભાવમાં મોટો ઉછાળો જોવા મળી રહ્યો છે. જૂન 2025 ની સરખામણીએ યુરિયાના ભાવમાં 45% નો વધારો નોંધાયો છે, જે હાલમાં પ્રતિ ટન 572 ડોલર પર પહોંચ્યા છે. આ વૈશ્વિક અસ્થિરતા અને જીઓપોલિટિકલ ટેન્શનને કારણે સરકારી તિજોરી પર બોજ વધી રહ્યો છે. આયાત પરની નિર્ભરતા ઘટાડવા માટે સરકાર વિવિધ દેશો સાથે સંપર્ક કરી સપ્લાય ચેઈનને મજબૂત બનાવવાનો પ્રયાસ કરી રહી છે, જેથી દેશભરમાં ખાતરની સમયસર અને પૂરતી ઉપલબ્ધતા સુનિશ્ચિત કરી શકાય.
સેક્ટર દૃષ્ટિકોણ :
ભારતમાં ખેડૂતો માટે યુરિયાનો રિટેલ ભાવ રૂ. 266.50 પ્રતિ 45 કિલો બેગ પર યથાવત છે, જે માર્ચ 2018 થી બદલાયો નથી. જોકે, વૈશ્વિક બજારમાં આ જ યુરિયાનો ભાવ રૂ. 4,000 થી વધુ છે, જે સરકાર પર ભારે સબસિડીનો બોજ લાદે છે. તેવી જ રીતે, DAP (ડાય-એમોનિયમ ફોસ્ફેટ) ના રિટેલ ભાવને પણ રૂ. 1,350 પ્રતિ 50 કિલો બેગ પર જાળવી રાખવામાં આવ્યા છે. સરકાર હાલમાં યુરિયાનું સ્થાનિક ઉત્પાદન વધારવા પર ભાર મૂકી રહી છે, પરંતુ વૈશ્વિક ભાવમાં થતા ફેરફારો સબસિડીના ખર્ચને સીધી અસર કરી રહ્યા છે.
ભાવિ દિશા :
આગામી દિવસોમાં સબસિડીનો ખર્ચ બજેટ અંદાજ કરતા વધુ રહેવાની શક્યતા છે. જો વૈશ્વિક સ્તરે ભાવમાં ઉછાળો યથાવત રહેશે, તો સરકારે વધુ ભંડોળની જરૂર પડી શકે છે. સરકાર આયાત સ્ત્રોતોમાં વિવિધતા લાવવા અને ખાતરની સપ્લાય ચેઈનને વધુ મજબૂત કરવા માટે સતત કાર્યરત છે જેથી ખેડૂતોને કોઈ મુશ્કેલી ન પડે અને કૃષિ ક્ષેત્રમાં સ્થિરતા જળવાઈ રહે.
👉 યાદ રાખો : તબક્કાવાર નફો બુક કરે એ શાણો રોકાણકાર…!!
