વર્તમાન કારોબારી સેશનમાં ક્યુએસઆર સેગમેન્ટમાં ઓપરેશનલ દબાણ અને વધતા એનર્જી ખર્ચને કારણે સાવચેતીનો માહોલ યથાવત રહ્યો છે. કંપનીઓએ એફવાય૨૬ દરમિયાન માંગ નબળી રહી હોવાનું સ્વીકાર્યું છે અને આગામી દિવસોમાં વૃદ્ધિ દરમાં ઘટાડો થવાની શક્યતા વ્યક્ત કરી છે.
બજારના મુખ્ય પરિબળો :
ઊંચા એનર્જી ખર્ચ, એલપિજિ સપ્લાયમાં ધોવાણ અને મજૂરી સંબંધિત ખર્ચમાં વધારાને કારણે ક્યુએસઆર કંપનીઓના માર્જિન પર દબાણ જોવા મળી રહ્યું છે. જ્યુબિલન્ટ ફુડવર્ક્સના જણાવ્યા મુજબ એનર્જી ખર્ચ માત્રે જ ૧૦૦ થી ૧૨૦ બેસિસ પોઇન્ટનું માર્જિન દબાણ ઉભું કરી શકે છે. બીજી તરફ, વૈકલ્પિક ખર્ચમાં ઘટાડાને કારણે ગ્રાહક માંગ નબળી રહી છે.
કંપની વિશે :
જ્યુબિલન્ટ ફુડવર્ક્સે એફવાય૨૬માં આશરે ૧૭% આવક વૃદ્ધિ અને ૧૦૪% નફાની નોંધ કરી, તેમ છતાં શેરોમાં લગભગ ૮% સુધી ઘટાડો નોંધાયો હતો. કંપનીએ ઓછા કિંમતના વેલ્યુ મિલ્સ અને પ્રમોશન દ્વારા ગ્રાહક ટ્રાફિક વધારવાનો પ્રયાસ કર્યો હતો. દેવયાની ઇન્ટરનેશનલ અને સેફાયર ફૂડ્સ બન્નેએ એલપિજિ ભાવના ઉછાળાને મુખ્ય પડકાર ગણાવ્યો છે. સેફાયર ફૂડ્સના જણાવ્યા મુજબ એલપિજિના વધેલા ભાવ ઈબિટીડીએ માર્જિનમાં ૩૦ થી ૫૦ બેસિસ પોઇન્ટના ઘટાડાનું કારણ બની શકે છે.
નાણાકીય પરિણામો :
કેએફસી અને પિઝા હટ ચલાવતી દેવયાની ઇન્ટરનેશનલ માટે એફવાય૨૬ ઓપરેશનલી કઠિન સાબિત થયું છે. કેએફસીએ ક્યુ૪માં ૪.૯% સેમ-સ્ટોર સેલ્સ વૃદ્ધિ દર્શાવી હોવા છતાં વાર્ષિક વેચાણમાં ૦.૮% ઘટાડો નોંધાયો છે. પિઝા હટમાં પણ ૩.૭% ઘટાડો યથાવત રહ્યો છે. સેફાયર ફૂડ્સ દ્વારા સંચાલિત કેએફસી આઉટલેટ્સે ૧૪ ક્વાર્ટરમાં શ્રેષ્ઠ પ્રદર્શન દર્શાવી ૪% વૃદ્ધિ નોંધાવી છે.
સેક્ટર દૃષ્ટિકોણ :
ક્યુએસઆર ઉદ્યોગમાં વોલેટિલિટી યથાવત છે. માંગમાં મર્યાદિત સુધારો અને એનર્જી ખર્ચમાં વધારાને કારણે સેક્ટર સાવચેતી સાથે આગળ વધી રહ્યું છે. મેકડોનાલ્ડ્સ ચલાવતી વેસ્ટલાઇફ ફૂડવર્લ્ડે પણ એલપિજિ કારણસર લગભગ ૧૦% સ્ટોર્સમાં ઓપરેશનલ ધોવાણ નોંધાવ્યું છે.
ભાવિ દિશા :
આગામી દિવસોમાં સેક્ટર રેન્જ બાઉન્ડ રહી શકે છે કારણ કે કંપનીઓ ઝડપી વિસ્તરણ કરતાં હવે પ્રોફિટેબિલિટી અને સ્ટોર પ્રોડક્ટિવિટી પર વધુ ધ્યાન આપી રહી છે. દેવયાની–સેફાયર મર્જર બાદ સંયુક્ત એકમ ૩૦૦૦થી વધુ આઉટલેટ્સ સાથે વધુ મજબૂત નેટવર્ક ઊભું કરશે, પરંતુ માંગ અને ખર્ચ સંબંધિત દબાણ યથાવત રહેશે.
