વર્તમાન કારોબારી સેશનમાં રૂપી પર દબાણ યથાવત રહ્યું છે કારણ કે વૈશ્વિક બજારોમાં વોલેટિલિટી, જીઓપોલિટિકલ ટેન્શન અને ઊંચા કાચા તેલના ભાવને પગલે કરન્સીમાં ઘટાડો ઊંડો બન્યો છે. રૂપી કારોબાર દરમ્યાન ૯૬.૯૬ સુધી લુઢક્યું અને અંતે ૯૬.૮૨ નજીક ક્લોઝિંગ નોંધાયું.
બજારના મુખ્ય પરિબળો :
રૂપીના ઘટાડાનો મુખ્ય આધાર વૈશ્વિક બોન્ડ યીલ્ડમાં વધારો અને કાચા તેલના ભાવ ૧૧૦ ડોલર નજીક યથાવત રહેવાનો છે. અમેરિકા તરફથી વ્યાજદર વધારાની શક્યતા તેમજ ઈરાન સંબંધિત તણાવને કારણે રોકાણકારોની મનોવૃત્તિ નબળી રહી છે. ભારતના બેલેન્સ ઓફ પેમેન્ટ પર વધતાં દબાણને કારણે કરન્સીમાં વધુ સાવચેતીનો માહોલ સર્જાયો છે.
સેક્ટર દૃષ્ટિકોણ :
રૂપીના ઘટાડાનો અસર આયાત આધારિત સેક્ટર પર વધુ જોવા મળ્યો છે. ક્રૂડ ઓઈલ આયાતકાર કંપનીઓમાં પસંદગીયુક્ત ધોવાણ જોવા મળ્યું જ્યારે નિકાસ આધારિત સેક્ટરોમાં મર્યાદિત સકારાત્મકતા યથાવત રહી. બેન્કિંગ અને ફાઈનાન્સિયલ ક્ષેત્રમાં પણ વોલેટિલિટી યથાવત જોવા મળી રહી છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ રૂપી માટે હાલ કોઈ મજબૂત સપોર્ટ લેવલ સ્પષ્ટ નથી. બ્રોકરેજ હાઉસોએ રૂપી માટે ૯૫ થી ૧૦૦ ની અંદાજિત રેન્જ દર્શાવી છે. રિઝર્વ બેન્ક દ્વારા મર્યાદિત ઇન્ટરવેન્શન થયું હોવાનું ટ્રેડર્સ જણાવી રહ્યા છે, પરંતુ દબાણ વચ્ચે રૂપીમાં બેરિશ બાયસ હાવી રહ્યો છે. રેઝિસ્ટન્સ સ્તર તરફ મજબૂત ક્લોઝિંગ આવું મુશ્કેલ દેખાઈ રહ્યું છે.
રોકાણ રણનીતિ :
આ પરિસ્થિતિમાં ટ્રેડર્સ માટે સાવચેતી અનિવાર્ય છે. ઉછાળે નફારૂપી વેચવાલી અને ઘટાડે તબક્કાવાર ખરીદી એ જ યોગ્ય ઢબ ગણાય. કરન્સી અને કોમોડિટી સેગમેન્ટમાં વધતી વોલેટિલિટી સામે સ્ટોપલોસ સાથે પોઝિશન જાળવી રાખવી જરૂરી છે.
ભાવિ દિશા :
આગામી સેશન્સમાં બજાર રેન્જ બાઉન્ડ રહેવાની શક્યતા છે. વૈશ્વિક જીઓપોલિટિકલ સમાચાર આવતા દિવસોમાં રૂપીની દિશા નક્કી કરશે. જો તેલના ભાવ યથાવત ઊંચા રહે તો કરન્સી પર દબાણ યથાવત રહી શકે છે.
