વર્તમાન કારોબારી સેશનમાં આતિથ્ય ક્ષેત્રમાં શેલેટ હોટેલ્સની વિસ્તરણ યોજનાઓ અંગે રોકાણકાર વર્ગનું ધ્યાન યથાવત રહ્યું છે. કંપનીએ લીઝર માર્કેટ તરફ ઝુકાવ વધારીને જયપુર, જોધપુર અને પુણે જેવા શહેરોમાં તકોનું મૂલ્યાંકન શરૂ કર્યું છે. સાથે જ હૈદરાબાદના ફાઇનાન્સિયલ ડિસ્ટ્રિક્ટને પણ મહત્વના વૃદ્ધિ કેન્દ્ર તરીકે જોવામાં આવી રહ્યું છે.
કંપનીના સીઇઓ શ્વેતંક સિંહે જણાવ્યું કે માંગ અને પુરવઠા વચ્ચેનો તફાવત હજી પણ મજબૂત છે, તેમજ કંપની પ્રાઈસિંગ આધારિત વૃદ્ધિ જાળવી રાખે છે.
કંપની વિશે :
K Raheja Corp આધારિત શેલેટ હોટેલ્સ હાલમાં JW Marriott, Westin અને Novotel જેવા બ્રાન્ડ હેઠળ ૩,૩૮૯ કીઝ ચલાવે છે જ્યારે ૧,૬૫૫ રૂમ્સ વિકાસ હેઠળ છે. આગામી તબક્કામાં Taj Delhi International Airport હોટેલ ક્વાર્ટર ૪, એફવાય૨૭ સુધી શરૂ થવાની શક્યતા છે. Ritz-Carlton Hyderabad અને Hyatt Regency Airoli પણ એફવાય૨૭ સુધી તૈયાર થવાના છે.
કંપનીએ લીઝર પોઝિશનિંગ મજબૂત કરવા માટે ગોવા, ઋષિકેશ અને અરવલ્લી રિસોર્ટ જેવી પ્રોપર્ટીઓ ઉમેરી છે. સિંહે જણાવ્યું કે રિસોર્ટોમાં માર્જિન શહેરના હોટેલો કરતાં ઓછા હોય છે, છતાં પોર્ટફોલિયો ડાયવર્સિફિકેશન માટે તે જરૂરી છે.
બજારના મુખ્ય પરિબળો :
મુંબઈ એરપોર્ટ ક્લસ્ટરમાં નવા સપ્લાયના વધારા સાથે માઇક્રો માર્કેટમાં વોલેટિલિટી યથાવત રહી છે. સાહાર એરપોર્ટ આસપાસ હોટેલોના ઉદ્ઘાટનથી શેલેટની માંગ પર મર્યાદિત દબાણ જોવા મળ્યું છે. વિદેશી પ્રવાસીઓના અનિશ્ચિત આવક પ્રવાહ વચ્ચે સ્થાનિક મુસાફરી હોટેલ સેગમેન્ટને સપોર્ટ આપી રહી છે.
IHG Hotels અને અદાણી એરપોર્ટ હોલ્ડિંગ્સ વચ્ચેના ૧,૫૦૦ રૂમ કરાર બાદ ઉદ્યોગમાં સ્પર્ધા વધુ તેજ થવાની સંભાવના વધી છે. આ દરમિયાન શેલેટના મુંબઈ ક્લસ્ટરમાં ચાલતા કન્સ્ટ્રક્શનને કારણે banquet અને meeting ડિમાન્ડમાં મર્યાદિત તાત્કાલિક ઘટાડો નોંધાયો છે.
નાણાકીય પરિણામો :
કંપનીની એફવાય૨૬ ની કુલ આવક ₹૨,૭૬૯.૭૫ કરોડ રહી હતી, જે ગયા વર્ષની સરખામણીએ ૬૧% ઉછાળો દર્શાવે છે. નેટ પ્રોફિટ ₹૧૪૨.૩ કરોડથી વધીને ₹૬૪૫.૩ કરોડ પર પહોંચ્યો છે. ક્વાર્ટર ૪ દરમ્યાન સરેરાશ રૂમ રેટ ₹૧૫,૪૫૬ રહ્યો હતો, જે વર્ષ-દર-વર્ષ ૮% મજબૂત વૃદ્ધિ દર્શાવે છે. એવરેજ ઓક્યુપન્સી ૬૮% નોંધાઈ હતી.
ભાવિ દિશા :
કંપની આગામી દિવસોમાં લીઝર-ફોકસ્ડ શહેરોમાં પોતાની પોઝિશન વધુ મજબૂત બનાવવાની દિશામાં પ્રયત્નશીલ છે. સિંહના જણાવ્યા મુજબ ટૂંકા ગાળાના ઝટકાઓ છતાં ઉદ્યોગ બુલિશ બાયસ સાથે આગળ વધી રહ્યો છે. વૈશ્વિક પરિસ્થિતિઓ અને મુસાફરીના ઉતાર-ચઢાવને કારણે દરોમાં તાત્કાલિક વિરામ આવી શકે, પરંતુ લાંબા ગાળામાં માંગ મજબૂત રહેવાની શક્યતા દેખાઈ રહી છે.
