વર્તમાન કારોબારી સેશનમાં મૂડીબજારમાં નિયમનકારી દેખરેખ અને ફ્રોડ રોકથામ ક્ષેત્રે મહત્વપૂર્ણ વિકાસ નોંધાયો છે. સેબી દ્વારા બે મુખ્ય સરકારી વિભાગો સાથે કરાયેલા તાજેતરના કરારોના પગલે બજારમાં સાવચેતીનો માહોલ વધુ મજબૂત બન્યો છે.
બજારના મુખ્ય પરિબળો :
સેબી એ ટેલિકોમ વિભાગ ડોટ સાથે ડિજિટલ ઇન્ટેલિજન્સ પ્લેટફોર્મ અંતર્ગત ડેટા શેરિંગ માટે એમઓયૂ સાઈન કર્યું છે. આ સહકારથી સાયબરફ્રોડ, ટેલિકોમ સાધનોના દુરુપયોગ અને માર્કેટ હેરાફેરી જેવી પ્રવૃત્તિઓ સામે વધુ ઝડપી પગલાં શક્ય બનશે. સાથે જ, એફઆઈયુ-ઈન્ડિયા સાથેનો કરાર મૂડીબજારમાં મની લોન્ડરિંગ અને ગેરકાયદેસર નાણાકીય પ્રવાહો રોકવા માટે વધુ સખત દેખરેખ લાવશે.
સેક્ટર દૃષ્ટિકોણ :
નિયમનકારી કડકાઈ વધતા બ્રોકિંગ હાઉસ, ફાઈનાન્સિયલ સર્વિસીસ અને ફિનટેક સંબંધિત સેગમેન્ટમાં સાવચેતીનો માહોલ યથાવત રહ્યો છે. પસંદગીયુક્ત ધોવાણ જોવા મળ્યું છે, કારણ કે કેટલાક ભાગીદારો ફ્રોડ સંકળાયેલી પ્રવૃત્તિઓ પર સેબી ના કડક વલણને ધ્યાનમાં રાખી પ્રોફિટ બુકિંગ તરફ ઝુક્યા છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ બજારમાં વોલેટિલિટી યથાવત રહી શકે છે, કારણ કે નિયમનકારી પગલાઓ તાત્કાલિક હાઈ-બીટા સેગમેન્ટમાં બેરિશ બાયસ ઉભી કરી શકે છે. ઉપરની બાજુ રેઝિસ્ટન્સ અને નીચેની બાજુ સપોર્ટ લેવલ નજીક બજાર રેન્જ બાઉન્ડ રહેવાની શક્યતા વધારે છે.
રોકાણ રણનીતિ :
ઉછાળે નફારૂપી વેચવાલી યથાવત રહેવાની સંભાવના છે. ઘટાડે તબક્કાવાર ખરીદી ફક્ત ક્વોલિટી શેરોમાં જ રાખવી યોગ્ય રહેશે. ટૂંકા ગાળાના ટ્રેડર્સ માટે સ્ટોપલોસ અનિવાર્ય છે, કારણ કે નિયમનકારી સમાચારોને કારણે અચાનક વોલેટિલિટી વધી શકે છે.
ભાવિ દિશા :
આગામી સેશન્સમાં બજાર સાવચેતી સાથે ચાલે તેવી ધારણા છે. સેબી, ડોટ અને એફઆઈયુ-ઈન્ડિયા વચ્ચેનો ડેટા શેરિંગ કરાર દેખરેખ સિસ્ટમને મજબૂત કરીને મૂડીબજારની પારદર્શિતા વધારી શકે છે. આગામી દિવસોમાં બજાર રેન્જ બાઉન્ડ વલણ સાથે યથાવત રહેવાની શક્યતા છે.
