ICICI Lombard એ સોમવારે હેલ્થ, મોટર, હોમ, ટ્રાવેલ અને કોમર્શિયલ ઇન્સ્યોરન્સ લાઇન હેઠળ ૨૫ નવા પ્રોડક્ટ્સ લોન્ચ કર્યા છે. કંપનીએ તેની ૨૫મી વર્ષગાંઠ નિમિત્તે આ સૌથી મોટો સિંગલ-ડે પ્રોડક્ટ રોલઆઉટ કર્યો છે. આ લોન્ચિંગમાં પાંચ ઇન્ડસ્ટ્રી-ફર્સ્ટ ઓફરિંગ્સનો પણ સમાવેશ થાય છે.
કંપની વિશે :
ભારતની સૌથી મોટી ખાનગી જનરલ ઇન્સ્યોરન્સ કંપની તરીકે, ICICI Lombard એ ૨૫ વર્ષના કાર્યકાળમાં ૫૦ કરોડથી વધુ ગ્રાહકોને સેવા આપી છે અને ૬ કરોડથી વધુ ક્લેમ સેટલ કર્યા છે. કંપનીએ ૩૧ માર્ચ ના રોજ પૂરા થયેલા વર્ષ માટે ₹૩૦૬.૧૮ બિલિયનનો ગ્રોસ વરિટેન પ્રીમિયમ નોંધાવ્યો છે.
ટેકનોલોજી અને ડિજિટલ સુવિધાઓ :
કંપનીએ મુંબઈના સિદ્ધિવિનાયક મેટ્રો સ્ટેશન પર દેશની પ્રથમ સંપૂર્ણ ડિજિટલ ઇન્સ્યોરન્સ બ્રાન્ચ શરૂ કરી છે. આ બ્રાન્ચ દ્વારા મુસાફરો પોલિસી ખરીદી, ક્લેમ રજીસ્ટ્રેશન અને KYC જેવી સુવિધાઓનો લાભ લઈ શકે છે. આ ઉપરાંત, કંપનીએ AI આધારિત વોઇસ AI પ્લેટફોર્મ લોન્ચ કર્યું છે, જે દિવસ-રાત ગ્રાહકોના ફોન કોલ હેન્ડલ કરી શકે છે. IL TakeCare એપમાં AI નો ઉપયોગ કરીને પર્સનલાઇઝ્ડ ટ્રાવેલ પ્લાનર પણ રજૂ કરવામાં આવ્યો છે.
નવા પ્રોડક્ટ્સની વિગતો :
નવી પ્રોડક્ટ્સમાં મહિલાઓ માટે ‘એલિવેટ હર’, પાલતુ પ્રાણીઓ માટે ‘પો કેર’ અને ઘર માટે ‘કમ્પ્લીટ હોમ પ્રોટેક્ટ’ સામેલ છે. મોટર સેગમેન્ટમાં, ‘મોટર સર્વિસ એશ્યોર’ દ્વારા ૧૫ શહેરોમાં ૩૦ મિનિટમાં રોડસાઇડ આસિસ્ટન્સ આપવાનું વચન આપવામાં આવ્યું છે, જ્યારે ‘મોટર સાયબર કવર’ દ્વારા કનેક્ટેડ વાહનોના સાયબર જોખમો સામે રક્ષણ આપવામાં આવશે.
ભાવિ દિશા :
CEO સંજીવ માનત્રી ના જણાવ્યા અનુસાર, આ લોન્ચિંગનો હેતુ ઇન્સ્યોરન્સ સેવાઓને વધુ વ્યક્તિગત અને ભવિષ્ય માટે તૈયાર બનાવવાનો છે.
