વર્તમાન કારોબારી સેશનમાં ભારતીય શેરબજારમાં વોલેટિલિટી યથાવત રહી છે. રોકાણકારો આરબીઆઈની મોનીટરી પોલિસી, વૈશ્વિક માક્રો સંકેતો અને વેસ્ટ એશિયામાં વધતા તણાવ પર નજીકથી નજર રાખી રહ્યા છે. ક્રૂડના ઊંચા ભાવ અને એફઆઈઆઈ તરફથી સતત ધોવાણને કારણે બજારમાં સાવચેતીનો માહોલ વધુ ગાઢ બન્યો છે.
બજારના મુખ્ય પરિબળો :
આરબીઆઈની એમપીસી બેઠક આ સપ્તાહનું સૌથી મહત્વનું સ્થાનિક ટ્રિગર બની છે. મોટાભાગના વિશ્લેષકો મુજબ રેટ પોઝ યથાવત રહેવાની સંભાવના મજબૂત છે. ગવર્નરની ટિપ્પણીઓ અને આવનારા નાણાકીય વર્ષ અંગેના વિચાર બજાર દિશા માટે અગત્યના રહેશે. ક્રૂડના વધતા ભાવ આયાતી મોંઘવારીની ચિંતા વધારી રહ્યા છે. વેસ્ટ એશિયામાં વધતા યુદ્ધ જોખમને કારણે રોકાણકારોના ભાવનામાં દબાણ છે અને સેલ-ઓન-રાઈઝ વલણ વધુ સ્પષ્ટ બન્યું છે.
વૈશ્વિક સ્તરે યુએસ સીઆઈપીઆઈ ડેટા, એફઓએમસી મીનિટ્સ અને જીડીપી અપડેટ્સ પણ બેરિશ બાયસ વધારી શકે છે. મજબૂત ડોલર અને ઊંચા બોન્ડ યિલ્ડ્સ ભારત સહિત ઉદયમાન બજારો માટે પડકારરૂપ બની રહ્યા છે.
સેક્ટર દૃષ્ટિકોણ :
બેન્કિંગ અને ફાઈનાન્સિયલ સેક્ટરમાં મર્યાદિત મૂવમેન્ટ જોવા મળી રહ્યું છે, કારણ કે બજાર એમપીસીના પરિણામની રાહ જુએ છે. આઈટી સેક્ટરમાં પસંદગીયુક્ત ધોવાણ જોવા મળ્યું છે, જ્યારે ફાર્મા અને કેટલાક ડિફેન્સિવ સેક્ટર્સમાં મર્યાદિત ખરીદી નોંધાઈ રહી છે. હાઈ બીટા શેરોમાં રોકાણકારો સાવચેતી દાખવી રહ્યા છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ ઇન્ડિસિસમાં ગેપ-અપ અને ગેપ-ડાઉન ઓપનિંગ પછી બજાર રેન્જ બાઉન્ડ રહી રહ્યું છે. ઉપરની તરફ રેઝિસ્ટન્સ ઝોન જાળવાઈ રહ્યો છે, જ્યારે નીચેની તરફ સપોર્ટ લેવલનું પરીક્ષણ વારંવાર થઈ રહ્યું છે. મજબૂત ક્લોઝિંગના અભાવે બેરિશ બાયસ યથાવત છે. જો રેઝિસ્ટન્સ તૂટે તો મર્યાદિત ઉછાળો, જ્યારે સપોર્ટ લેવલ તૂટે તો વધારાનો ઘટાડો શક્ય છે.
રોકાણ રણનીતિ :
ઉછાળે નફારૂપી વેચવાલી ચાલુ રહેવાની શક્યતા મજબૂત છે. ઘટાડે તબક્કાવાર ખરીદી કરનાર રોકાણકારોએ કડક સ્ટોપલોસ સાથે કાર્ય કરવું યોગ્ય રહેશે. પેનિક સેલિંગથી દૂર રહીને ક્વોલિટી શેરોમાં પોઝિશન જાળવવું સમજદારી રહેશે.
ભાવિ દિશા :
આગામી સેશન્સમાં બજાર રેન્જ બાઉન્ડ થી ન્યુટ્રલ ટું નેગેટિવ વલણ સાથે ચાલે તેવી શક્યતા છે. જો યુદ્ધમાં તણાવ ઘટે તો ક્રૂડના ભાવ ઘટી શકે છે અને માર્કેટમાં ટૂંકા ગાળાનો ઉછાળો આવી શકે છે. પરંતુ તણાવ વધે તો એફઆઈઆઈ ધોવાણ યથાવત રહી શકે છે, જે બજાર માટે દબાણકારક રહેશે.
