ભારત તરફથી ઈરાનમાંથી ક્રૂડની ખરીદી લગભગ ૭ વર્ષ બાદ ફરી શરૂ થતા ઊર્જા સેક્ટરમાં નવી ચર્ચા શરૂ થઈ છે. પશ્ચિમ એશિયામાં ચાલી રહેલા તણાવ અને સપ્લાય ચેઇન દબાણ વચ્ચે આ પગલું ભારત માટે મહત્વપૂર્ણ ગણાય છે. તેલ મંત્રાલયે જણાવ્યું છે કે પેમેન્ટ વ્યવસ્થા સંપૂર્ણ સુગમ છે અને ક્રૂડ સપ્લાય મજબૂત રીતે યથાવત છે.
બજારના મુખ્ય પરિબળો :
વર્તમાન કારોબારી સેશનમાં આંતરરાષ્ટ્રીય ક્રૂડ બજારમાં વોલેટિલિટી યથાવત છે. હોર્મુઝના સ્ટ્રેટમાં આવનજાવન અવરોધ અને પશ્ચિમ એશિયાના તણાવને કારણે વૈશ્વિક સ્તરે સાવચેતીનો માહોલ નોંધાય છે. ઈરાન સાથેની ખરીદી શરૂ કરવી ભારતના સપ્લાય ડાઈવર્સિફિકેશન માટે સકારાત્મક ગણાય છે. અમેરિકાએ ઈરાની તેલ પરના પ્રતિબંધોમાં મર્યાદિત રાહત આપતાં વૈશ્વિક ટ્રેડ ફ્લો રેન્જ બાઉન્ડ દિશામાં ચાલી રહ્યો છે.
સેક્ટર દૃષ્ટિકોણ :
ઊર્જા સેક્ટરમાં પસંદગીયુક્ત ઉછાળો જોવા મળી રહ્યો છે, જ્યારે રિફાઈનરી સેક્ટરમાં મર્યાદિત મૂવમેન્ટ છે. પ્રોફિટ બુકિંગ છતાં ઓઈલ શેર્સમાં બુલિશ બાયસ યથાવત છે. ક્રૂડ આયાતના માળખામાં બદલાવ થતા કેટલાક જાહેર ક્ષેત્રની ઓઈલ કંપનીઓ માટે સપોર્ટ લેવલ મજબૂત થઈ રહ્યા છે, જે સેક્ટર માટે મધ્યમ ગાળે સકારાત્મક ગણાય છે.
રોકાણ રણનીતિ :
વોલેટિલિટી વચ્ચે રોકાણકારોએ સાવચેતી રાખવી જરૂરી છે. ઉછાળે નફારૂપી વેચવાલી અને ઘટાડે તબક્કાવાર ખરીદીની રણનીતિ ઊર્જા સેક્ટર માટે યોગ્ય છે. વૈશ્વિક ક્રૂડ ભાવમાં અનિશ્ચિતતા યથાવત હોવાથી સ્ટોપલોસ સાથે પોઝિશન સંભાળવી અનિવાર્ય છે.
ભાવિ દિશા :
આગામી દિવસોમાં ઈરાન-ઈઝરાયેલ સંબંધિત જીઓપોલિટિકલ પરિવર્તન ક્રૂડના ભાવ માટે દિશા નક્કી કરશે. ભારતીય અર્થતંત્ર માટે સપ્લાય લાઈન મજબૂત રહે તો ઊર્જા સેક્ટરમાં રેઝિસ્ટન્સ નજીક બ્રેકઆઉટની શક્યતા નકારી શકાય નહીં. મંત્રાલયે ખાતરી આપતાં જણાવ્યું છે કે ભારત લગભગ ૪૦થી વધુ દેશોમાંથી ક્રૂડ ઇમ્પોર્ટ જાળવી રાખશે, જેથી સપ્લાય ચેઇનમાં સ્થિરતા યથાવત રહે.
