વર્તમાન કારોબારી સેશનમાં ડિફેન્સ થીમ બજારમાં મજબૂત વલણ યથાવત છે. વૈશ્વિક જીઓપોલિટિકલ તણાવ વધતા રોકાણકારોમાં સાવચેતીનો માહોલ હોવા છતાં ડિફેન્સ સેગમેન્ટમાં મર્યાદિત ખરીદી જોવા મળી રહી છે.
બજારના મુખ્ય પરિબળો :
યુએસ–ઇરાન તણાવ છેલ્લા પાંચ સપ્તાહથી યથાવત છે અને તણાવમાં ઘટાડો જોવા મળ્યો નથી. ઇરાન દ્વારા અમેરિકાના ૧૫ મુદ્દાવાળા પ્રસ્તાવના ઇનકાર બાદ મધ્યપૂર્વમાં ઉછાળો યથાવત રહ્યો છે. રશિયા–યુક્રેન યુદ્ધમાં પણ ઘટાડો ન આવતા વૈશ્વિક બજારમાં વોલેટિલિટી વધેલી છે.
વિશેષજ્ઞોની માન્યતા મુજબ આ પરિસ્થિતિમાં ભારતના ડિફેન્સ સેક્ટર માટે ઓર્ડર બુક મજબૂત રહેવાની શક્યતા છે. જર્મની, ફ્રાન્સ અને ઇઝરાયલ સાથે થયેલી નવી ડિફેન્સ ડીલ્સ બુલિશ બાયસ બનાવી રહી છે.
કંપની વિશે :
HAL અને BEL હાલ સેક્ટરના સૌથી મજબૂત ઉમેદવાર ગણાય છે. HALના રેવન્યૂમાં ૧૦.૭% ઉછાળો અને PATમાં ૨૯.૬% મજબૂત વૃદ્ધિ થઈ છે. BELએ પણ ૨૩.૭% રેવન્યૂ ઉછાળો અને ૨૦.૮% PAT વૃદ્ધિ સાથે સ્થિર પ્રદર્શન કર્યું છે.
GRSE તથા Mazagon Dock Shipbuilders નૌકાદળ સંબંધિત નવા ઓર્ડરથી લાભ મેળવી શકે છે. બીજી બાજુ, BDL માટે ઓર્ડર આધારિત ધીમી ગતિને કારણે પસંદગીયુક્ત ધોવાણ નકારી શકાય નહીં.
સેક્ટર દૃષ્ટિકોણ :
ડ્રોન્સ, મિસાઈલ્સ અને એરોઝસ્પેસ ઉપકરણ બનાવતી કંપનીઓમાં મર્યાદિત ખરીદી જોવા મળી રહી છે. વિશ્લેષકોનું માનવું છે કે GRSE, Data Patterns, Zen Technologies અને MTAR Technologies મધ્યમથી લાંબા ગાળાના રોકાણ માટે યોગ્ય પસંદગી બની શકે છે.
ટેકનિકલ દૃષ્ટિકોણ :
ડિફેન્સ શેરોમાં તાજેતરમાં જોવા મળેલો ઉછાળો હજી રેઝિસ્ટન્સ નજીક છે. ટેકનિકલ ચાર્ટ મુજબ HAL અને BELમાં મજબૂત ક્લોઝિંગ ચાલુ રહે તો લાંબા ગાળે બ્રેકઆઉટની શક્યતા વધુ બને છે. પસંદગીયુક્ત શેરોમાં વોલેટિલિટી યથાવત રહેવાની શક્યતા હોવાથી સ્ટોપલોસ સાથે પોઝિશન લેવી યોગ્ય ગણાય.
રોકાણ રણનીતિ :
• ઉછાળે નફારૂપી વેચવાલી કરવી
• ઘટાડે તબક્કાવાર ખરીદી અપનાવવી
• ડિફેન્સ સેગમેન્ટમાં ફક્ત ક્વોલિટી શેરોમાં ધ્યાન કેન્દ્રિત કરવું
• પેનિક સેલિંગથી દૂર રહેવું
ભાવિ દિશા :
આગામી દિવસોમાં ડિફેન્સ સેક્ટરનો બુલિશ બાયસ યથાવત રહી શકે છે. ભારતીય ડિફેન્સ બજેટમાં ૧૫.૨% ઉછાળો અને નવા કરાર સેક્ટરને મજબૂત સપોર્ટ આપી રહ્યા છે. જીઓપોલિટિકલ પરિસ્થિતિ સ્થિર ન થાય ત્યાં સુધી પસંદગીયુક્ત ડિફેન્સ શેરોમાં તેજીનો માહોલ યથાવત રહેવાની સંભાવના વધુ છે.
