વર્તમાન કારોબારી સેશનમાં ઓરેકલ તરફથી વૈશ્વિક સ્તરે યોજાયેલી મોટી છટણીના સમાચાર સામે આવ્યા છે. કંપનીના ખર્ચ ઘટાડાના પ્રયાસો અને સંગઠનાત્મક બદલાવને કારણે હજારો કર્મચારીઓ પર અસર જોવા મળી રહી છે. ટેક સેક્ટરમાં આ પગલાને કારણે ફરી સાવચેતીનો માહોલ સર્જાયો છે.
કંપની દ્વારા કર્મચારીઓને મોકલાયેલા નોટિફિકેશન મુજબ, તેમનું કામકાજ તાત્કાલિક અસરથી રોકી દેવામાં આવ્યું છે અને સત્તાવાર ઇમેલ દ્વારા ટર્મિનેશન સંબંધિત દસ્તાવેજો મોકલાયા છે.
કંપની વિશે :
ઓરેકલ એક અગ્રણી ડેટાબેઝ અને IT સોફ્ટવેર કંપની છે, જે છેલ્લા કેટલાય વર્ષોથી વૈશ્વિક સ્તરે મજબૂત હાજરી ધરાવે છે. તાજેતરના મહિનાઓમાં કંપની AI અને ક્લાઉડ ડેટા સેન્ટર ઇન્ફ્રાસ્ટ્રક્ચર વિસ્તરણ પર વધુ ધ્યાન કેન્દ્રિત કરી રહી છે. લૅરિ એલિસનના નેતૃત્વ હેઠળ ઓરેકલ મોટા કાર્પોરેટ ગ્રાહકો માટે AI વર્કલોડ્સ સંભાળી શકે એવી મજબૂત ટેક્નોલોજી વિકસાવી રહી છે.
કંપનીએ મે ૨૦૨૫ સુધી કુલ ૧,૬૨,૦૦૦ કરતાં વધુ કર્મચારીઓ કાર્યરત હોવાનું પોતાના ફાઇલિંગમાં દર્શાવ્યું છે. તાજેતરના સંગઠનાત્મક ફેરફારોના ભાગરૂપે, ક્લાઉડ ડિવિઝનમાં નવી ભરતી મર્યાદિત રાખવાની સૂચના પણ આપવામાં આવી હતી.
બજારના મુખ્ય પરિબળો :
ઓરેકલની આ છટણી વૈશ્વિક IT સેક્ટરમાં પહેલેથી જોવા મળતી વોલેટિલિટી વચ્ચે વધુ દબાણ ઊભું કરે છે. ટેક કંપનીઓ છેલ્લા કેટલાક ત્રિમાસિકથી ખર્ચ ઘટાડવાની નીતિઓ અપનાવી રહી છે, જેના કારણે રોકાણકારોમાં સાવચેતીનો માહોલ યથાવત રહ્યો છે. આવી ઘટનાઓ ટૂંકા ગાળે IT સેક્ટરમાં બેરિશ બાયસને મજબૂત કરી શકે છે.
હાલની ટ્રેડિંગમાં IT શેરોમાં પસંદગીયુક્ત ધોવાણ નોંધાયુ છે, જયારે કેટલીક ક્વોલિટી કંપનીઓમાં ઘટાડે તબક્કાવાર ખરીદી જોવા મળી રહી છે.
ટેક્નિકલ દૃષ્ટિકોણ :
ટેક્નિકલ ચાર્ટ મુજબ IT સૂચકાંક માટે ઉપરની તરફ રેઝિસ્ટન્સ યથાવત છે અને મજબૂત ક્લોઝિંગ આવ્યા વિના ઉછાળો મર્યાદિત રહી શકે છે. નીચેની સપોર્ટ લેવલ તૂટે તો વધુ ઘટાડાની શક્યતા નકારી શકાય નહીં. ટેક સેક્ટરમાં ટૂંકા ગાળે બ્રેકડાઉન જોખમ ચાલુ રહેવાની શક્યતા છે.
ભાવિ દિશા :
આગામી દિવસોમાં ઓરેકલ અને અન્ય ટેક કંપનીઓ તરફથી આવનારા અપડેટ્સ બજારના મૂડને અસર કરી શકે છે. IT સેક્ટર રેન્જ બાઉન્ડ ચાલ સાથે આગળ વધી શકે છે, જયારે વૈશ્વિક અર્થતંત્ર અને કંપની-વિશેષ સમાચાર વોલેટિલિટી વધારી શકે છે. રોકાણકારોએ ક્વોલિટી શેરોમાં સાવચેતીપૂર્વક પોઝિશન જાળવવી યોગ્ય રહેશે.
