ભારતીય શેરબજારમાં અફડાતફડી સાથે ઉછાળે વેચવાલી નોંધાશે…!!!

રોકાણકાર મિત્રો, આનંદ ને…!!

ભારતીય શેરબજારમાં બુધવારના ટ્રેડિંગ સેશન દરમિયાન સ્પષ્ટ રીતે મંદી તરફી માહોલ જોવા મળ્યો. આજે શેરબજાર ખુલતાં જ સેન્સેક્સ અને નિફ્ટીમાં કડાકો બોલાઈ ગયો હતો. ઔદ્યોગિક વિકાસ પર અસર પડવાની સાથે લોકોની ખર્ચશકિતમાં ઘટાડો થવાની અને મોંઘવારીમાં વધારો થવાના નેગેટીવ પરિબળે શેરોમાં ઉછાળે સાવચેતીમાં વેચવાલી નીકળી હતી.

ઈરાન અને અમેરિકા વચ્ચે વધુ એક વાર યુદ્ધ ભડકવાની આશંકાઓ વચ્ચે વિશ્વભરમાં મોટાપાયે ઇંધણના સંકટની સ્થિતિ સર્જાવાની શક્યતા છે. ત્યારે લાંબા સમયથી સંઘર્ષ કરી રહેલી અનેક દેશોની અર્થવ્યવસ્થા સામે પણ મોટા પડકારો ઊભા થઈ રહ્યા છે. જેના લીધે કરન્સીની કિંમત ઘટી રહી છે અને મોંઘવારી વધી રહી છે. આ સૌની વચ્ચે આજે શેરબજાર ખુલતાં જ તેમાં કડાકો બોલાઈ ગયો હતો. જ્યારે બીજી બાજુ ક્રૂડ ઓઇલની કિંમતોમાં ભડકો બોલાયો હતો જ્યારે ડૉલર સામે રૂપિયાએ નવી બોટમ બનાવી છે.ફોરેન ફંડોની કેશમાં આજે શેરોમાં ખરીદી સામે લોકલ ફંડોની શેરોમાં વેચવાલીએ આરંભિક ઉછાળો ધોવાયો હતો.

શરૂઆતથી જ બજારમાં નકારાત્મક સેન્ટિમેન્ટ હાવી રહ્યો હતો. વૈશ્વિક બજારોમાંથી મળેલા નબળા સંકેતો, વિદેશી રોકાણકારો દ્વારા મર્યાદિત વેચવાલી અને ઉપરના સ્તરે નફાવસૂલીના કારણે સૂચકાંકો દબાણ હેઠળ રહ્યા. દિવસ દરમિયાન કેટલાક તબક્કે સુધારાના પ્રયત્નો થયા, પરંતુ દરેક ઉછાળા પર વેચવાલી વધતા બજાર પર દબાણ યથાવત રહ્યું. બેંકિંગ, માહિતી પ્રૌદ્યોગિકી અને ધાતુ સેક્ટરમાં નબળાઈ જોવા મળી, જ્યારે રક્ષણાત્મક સેક્ટરમાં મર્યાદિત ખરીદી જોવા મળી. સમગ્ર બજારનું માળખું ટૂંકા ગાળામાં મંદી તરફી દેખાઈ રહ્યું છે.

વૈશ્વિક પરિબળો : વૈશ્વિક બજારોમાં મિશ્ર પરંતુ નબળું વલણ જોવા મળ્યું. અમેરિકન બજારોમાં અગાઉના સેશનમાં નફાવસૂલી જોવા મળતા એશિયન બજારોમાં દબાણ વધ્યું. અમેરિકન બોન્ડ યીલ્ડમાં વધઘટ અને ડોલર સૂચકાંકની મજબૂતી ઉદયમાન બજારો માટે નકારાત્મક રહી. ક્રૂડ ઓઈલના ઊંચા ભાવ વૈશ્વિક મોંઘવારી અંગેની ચિંતા વધારતા રહ્યા. મધ્ય પૂર્વમાં ભૂરાજકીય તંગદિલી અને વૈશ્વિક વૃદ્ધિ અંગેની અનિશ્ચિતતા રોકાણકારોમાં જોખમ ટાળવાનો માહોલ વધારતી રહી. સુરક્ષિત રોકાણ તરફ વળવાના કારણે સોનામાં મજબૂતી જોવા મળી.

સ્થાનિક પરિબળો : સ્થાનિક સ્તરે વિદેશી રોકાણકારોની મર્યાદિત વેચવાલી બજાર માટે દબાણનું કારણ રહી. મોટા બેંકિંગ અને માહિતી પ્રૌદ્યોગિકી શેરોમાં વેચવાલીથી બજારનું સેન્ટિમેન્ટ નબળું બન્યું. ઊંચા મૂલ્યાંકનને કારણે રોકાણકારોમાં સાવચેતી જોવા મળી. સ્થાનિક સંસ્થાગત રોકાણકારો દ્વારા નીચલા સ્તરે પસંદગીયુક્ત ખરીદી જોવા મળી, પરંતુ તે સમગ્ર બજારને સંપૂર્ણ ટેકો આપી શકી નહીં. નાના રોકાણકારો હજુ પણ પસંદગીયુક્ત અભિગમ અપનાવતા રહ્યા.

સેક્ટર તરફી માહોલ : બેંકિંગ-ફાઈનાન્સ શેરોમાં ફંડોની ફરી વેચવાલી થઈ હતી. ફંડોની આજે કેપિટલ ગુડઝ-પાવર શેરોમાં ફરી મોટી વેચવાલી થઈ હતી. સેન્સેક્સ, નિફટીમાં  આજે ઉછાળા બાદ ધોવાણની સાથે સ્મોલ, મિડ કેપ, એ ગુ્રપના શેરોમાં પણ વેચવાલી નીકળતાં રોકાણકારોની સંપતિ એટલે કે બીએસઈમાં લિસ્ટેડ કંપનીઓનું એક્ત્રિત માર્કેટ કેપિટલાઈઝેશન આજે ઘટાળો જોવા મળીયો હતો.

મંદી તરફી કારણો : વૈશ્વિક અસ્થિરતા, ડોલર સૂચકાંકમાં મજબૂતી, અમેરિકન બોન્ડ યીલ્ડમાં વધઘટ અને ક્રૂડ ઓઈલના ઊંચા ભાવ બજાર માટે મુખ્ય નકારાત્મક પરિબળ રહ્યા. ઉપરના સ્તરે નફાવસૂલી અને માહિતી પ્રૌદ્યોગિકી તથા ધાતુ શેરોમાં દબાણ પણ બજારને નબળું બનાવતા રહ્યા.

રૂપિયાની હાલત દયનીય : બીજી બાજુ રૂપિયો દિવસેને દિવસે ડૉલર સામે તૂટતો જઈ રહ્યો છે. જેના કારણે દેશ ભયંકર આર્થિક મંદીના ભરડા તરફ ધકેલાતો દેખાઈ રહ્યો છે. દેશમાં મોંઘવારીનો બોમ્બ ફૂટી શકે તેવી પૂરેપૂરી શક્યતા દેખાઈ રહી છે. હાલમાં રૂપિયો એક ડૉલરની સામે ૯૬.૮૯ના ઐતિહાસિક તળિયે પહોંચી ગયો છે જે ભારતીય અર્થતંત્ર માટે સારા સંકેત નથી. 

દેશમાં મોંઘવારી વધવાની આશંકા : રૂપિયો નબળો પડવાને કારણે અને ક્રૂડ ઓઇલ સતત મોંઘું થવાને લીધે ભારત માટે પેટ્રોલિયમ પેદાશો અને અન્ય જરૂરી વસ્તુઓની આયાત ઘણી ખર્ચાળ બની જશે. આર્થિક નિષ્ણાતોના મતે, જો મિડલ ઈસ્ટમાં તણાવ જલ્દી શાંત નહીં થાય, તો મોંઘા ડૉલર અને ક્રૂડની આ બેવડી અસર ભારતીય અર્થતંત્ર પર ભારે દબાણ લાવશે અને આગામી દિવસોમાં દેશમાં મોંઘવારીનો ગ્રાફ ઝડપથી ઉપર જઈ શકે છે.

વિદેશી અને સ્થાનિક સંસ્થાગત પ્રવૃત્તિ : વિદેશી રોકાણકારો દ્વારા પસંદગીયુક્ત વેચવાલી જોવા મળી. સ્થાનિક સંસ્થાગત રોકાણકારો દ્વારા નીચલા સ્તરે ખરીદીથી બજારને મર્યાદિત ટેકો મળ્યો. સમગ્ર સંસ્થાગત પ્રવૃત્તિ મિશ્ર પરંતુ થોડું મંદી તરફી રહી.

સોના-ચાંદીમાં કડાકો : જો સોના-ચાંદીની વાત કરીએ તો આજે ચાંદીમાં કુલ ૩૨૬૯ રૂપિયાનો કડાકો બોલાઈ ગયો હતો. જ્યારે સોનામાં ૧૧૨૧ રૂપિયા ઘટાડો નોંધાયો હતો. બંને કિંમતી ધાતુઓ હાલમાં સાઇડ વેમાં આગળ વધી રહી છે. સોનું હાલમાં ૧૬૦૦૦૦ની સપાટીથી નીચે છે. જ્યારે ચાંદી ૨૭૦૦૦૦ની આસપાસ ટ્રેડ થઈ રહી છે. 

ક્રૂડ ઓઇલ ૧૧૦$ના લેવલે  : બીજી બાજુ બ્રેન્ટ ક્રૂડ ઓઇલમાં ઉછાળાની સ્થિતિ યથાવત્ દેખાઈ રહી છે. જેના કારણે પેટ્રોલ-ડીઝલની કિંમતો વધવાની આશંકાઓ વ્યક્ત કરવામાં આવી રહી છે. હાલમાં બ્રેન્ડ ક્રૂડ ઓઇલ ૧૧૦$ના સ્તરે ટ્રેડ થઈ રહ્યો છે. તેમાં ઘટાડાના કોઈ સંકેત દેખાઈ રહ્યા નથી. ટ્રમ્પની ઈરાન પર હુમલાઓની ધમકીઓ વચ્ચે હજુ પણ ક્રૂડ ઓઇલમાં મોટા ઉછાળો આવશે તેવી શક્યતાઓ દેખાઈ રહી છે.  

ભાવિ દિશા :-  ટૂંકા ગાળામાં ભારતીય શેરબજાર મંદી તરફી અને અસ્થિર રહી શકે છે. મહત્વપૂર્ણ આધાર સ્તર તૂટે તો વધુ દબાણ વધી શકે છે. ઉપરના સ્તરે અવરોધ દબાણ યથાવત રહી શકે છે. દૈનિક વપરાશ અને ઔષધિ જેવા રક્ષણાત્મક સેક્ટર તુલનાત્મક મજબૂતી બતાવી શકે છે. વૈશ્વિક સંકેતો, વિદેશી નાણાં પ્રવાહ અને ક્રૂડ ઓઈલની દિશા આગામી બજારની ચાલ નક્કી કરશે.મહત્વપૂર્ણ આધાર સ્તર ઉપર ટકવું બજાર માટે જરૂરી રહેશે. ઉપરના સ્તરે અવરોધ દબાણ યથાવત રહી શકે છે. વૈશ્વિક સંકેતો અને વિદેશી નાણાં પ્રવાહ બજારની આગામી દિશા નક્કી કરશે. બેંકિંગ અને રક્ષણાત્મક સેક્ટર આગામી સમયમાં વધુ સારું પ્રદર્શન કરી શકે છે. જો વિદેશી નાણાં પ્રવાહમાં સુધારો થાય તો બજારમાં વધુ તેજી શક્ય બની શકે છે.

Ravi Bhatt
SEBI Regd Number INH000012591

Disclaimer : – Investment in securities market are subject to market risks, Read Disclaimer and related all the documents carefully before Investing / Trading, mentioned on
https://nikhilbhatt.In &
https://capsavaj.com