કેબિનેટે ભારતના સેમીકન્ડક્ટર ઉત્પાદન ક્ષેત્રમાં વધુ મજબૂતી લાવવા બે નવા યુનિટ્સને મંજૂરી આપી છે, જેમાં કુલ રૂ. ૩,૯૩૬ કરોડનું રોકાણ થવાનું છે. આ યુનિટ્સ ગુજરાતમાં સ્થાપિત થશે અને આશરે ૨,૨૩૦ કુશળ પ્રોફેશનલ્સને રોજગારી આપશે. ભારત સેમીકન્ડક્ટર મિશન (ISM) હેઠળ મંજૂર થયેલા કુલ પ્રોજેક્ટ્સની સંખ્યા હવે ૧૨ થઈ ગઈ છે.
પ્રોજેક્ટ્સમાં ક્રિસ્ટલ મેટ્રિક્સ લિમિટેડ દ્વારા ધોલેરામાં મિની/માઇક્રો LED મોડ્યુલ્સ માટે ATMP યુનિટ અને સુંદરમ સુચી સેમીકૉન દ્વારા સુરતમાં OSAT યુનિટનો સમાવેશ થાય છે.
વર્તમાન કારોબારી સેશનમાં ટેક સેક્ટર સંબંધિત શેરોમાં પસંદગીયુક્ત ઉછાળો યથાવત રહ્યો છે, કારણ કે સરકારી સપોર્ટવાળી આ જાહેરાત રોકાણકારોમાં બુલિશ બાયસ વધારતી જોવા મળી રહી છે.
બજારના મુખ્ય પરિબળો :
• સેમીકન્ડક્ટર ઉત્પાદન માટે મજબૂત નીતિ આધાર યથાવત રહ્યો છે.
• ISM હેઠળ કુલ રોકાણ હવે રૂ. ૧.૬૪ લાખ કરોડ ઉપર પહોંચતા સેક્ટરમાં બુલિશ બાયસ જોવા મળી રહ્યો છે.
• ટેક અને ઇલેક્ટ્રોનિક્સ મેન્યુફેક્ચરિંગ કંપનીઓમાં મર્યાદિત પરંતુ સ્થિર ખરીદી નોંધાઈ રહી છે.
• વૈશ્વિક ચિપ સપ્લાય ચેઇન સુધારાની વચ્ચે ભારતીય યુનિટ્સને ફાયદો મળવાની ધારણા બજારમાં જોવા મળી રહી છે.
કંપની વિશે :
• ક્રિસ્ટલ મેટ્રિક્સ લિમિટેડ ધોલેરામાં ગેલિયમ નાઇટ્રાઇડ ટેકનોલોજી આધારિત પ્રથમ વ્યાવસાયિક મિની/માઇક્રો LED ડિસ્પ્લે મેન્યુફેક્ચરિંગ યુનિટ સ્થાપિત કરશે, જેમાં ફેબ્રિકેશનથી લઈને એસેમ્બલી અને ટેસ્ટિંગ સુધીની પ્રક્રિયા શામેલ રહેશે.
• સુચી સેમીકૉન પ્રાઇવેટ લિમિટેડનું સુરત OSAT યુનિટ ડિસ્ક્રીટ સેમીકન્ડક્ટર કમ્પોનેન્ટ્સનું ઉત્પાદન કરશે.
ટેકનિકલ દૃષ્ટિકોણ :
ટેક સેક્ટર સંબંધિત શેરોમાં તાજેતરના ઉછાળા પછી કેટલાક લેવલ્સ પર પ્રોફિટ બુકિંગ જોવા મળી શકે છે. ટેકનિકલ ચાર્ટ મુજબ જો સેક્ટર ઇન્ડેક્સ ઉપરની તરફ રેઝિસ્ટન્સ ઝોનને પાર કરશે તો મજબૂત બ્રેકઆઉટ જોવા મળી શકે, જ્યારે નીચેની તરફ સપોર્ટ લેવલ તૂટે તો મર્યાદિત ઘટાડો શક્ય છે. વોલેટિલિટી યથાવત રહી શકે છે.
રોકાણ રણનીતિ :
• ઉછાળે નફારૂપી વેચવાલી કરવાની સલાહ યથાવત રહેશે.
• ઘટાડે તબક્કાવાર ખરીદી કરતા રોકાણકારોને લાભ મળી શકે છે.
• ટેક સેક્ટર સંબંધિત શેરોમાં કડક સ્ટોપલોસ સાથે પોઝિશન મેનેજ કરવી જરૂરી છે.
• રેન્જ બાઉન્ડ મૂવમેન્ટ વચ્ચે સાવચેતીનો માહોલ જાળવવો જરૂરી છે.
ભાવિ દિશા :
આગામી દિવસોમાં સરકાર તરફથી મળતા સપોર્ટ અને ISM હેઠળ વધતા યુનિટ્સને લઈને સેમીકન્ડક્ટર ક્ષેત્ર બુલિશ બાયસ સાથે આગળ વધી શકે છે. બજારમાં ટેક અને ઇલેક્ટ્રોનિક્સ સેગમેન્ટમાં પસંદગીયુક્ત ઉછાળો યથાવત રહી શકે છે, જ્યારે વૈશ્વિક ભાવ અને સપ્લાય ચેઇન અપડેટ્સ સેક્ટરની દિશા નક્કી કરશે.
