વર્તમાન કારોબારી સેશનમાં કોલ સેગમેન્ટ સંબંધિત તાજેતરના આંકડાઓ બજારમાં સાવચેતીનો માહોલ જાળવી રહ્યા છે. ફેબ્રુઆરી મહિનામાં દેશની કુલ કોલ આયાત ૧૬.૫૫ એમટી નોંધાઈ હતી, જેમાં ૮.૫ ટકાનો ઘટાડો જોવા મળ્યો છે. ઊંચા ડોમેસ્ટિક સ્ટોકપાઇલ અને વૈશ્વિક બજારમાં મર્યાદિત ઉછાળો આ વલણને પ્રભાવિત કરી રહ્યા છે.
એમજન્કશનના સીઈઓ વિણયા વર્માના જણાવ્યા મુજબ, ડોમેસ્ટિક માઇનર્સ પોતાના સ્ટોકને લિક્વિડેટ કરવા પ્રયત્નશીલ છે, જેના કારણે આયાતમાં નરમાશ આગામી દિવસોમાં યથાવત રહી શકે છે.
બજારની ચર્ચામાં રહેલો આ આંકડો દર્શાવે છે કે પાવર પ્લાન્ટ્સ પાસે અંદાજે ૫૫ એમટીનો સ્ટોક છે, જે લગભગ ૨૪ દિવસની જરૂરિયાત માટે પૂરતો ગણાય છે.
બજારના મુખ્ય પરિબળો :
• ડોમેસ્ટિક કોલ ઉત્પાદન અગાઉના વર્ષની સરખામણીમાં વધીને ૧,૦૪૭ એમટી થયું છે, જેના કારણે આયાત પર દબાણ યથાવત છે.
• વૈશ્વિક બજારમાં મર્યાદિત ઉછાળો અને પ્રોફિટ બુકિંગના વલણએ પણ આયાતી માંગને અસર કરી છે.
• નોન-કોકિંગ કોલ આયાત ફેબ્રુઆરીમાં ઘટીને ૯.૮૦ એમટી રહી હતી, જ્યારે કોકિંગ કોલ આયાત થોડું વધીને ૩.૯૨ એમટી પહોંચી હતી.
સેક્ટર દૃષ્ટિકોણ :
કોલ સંબંધિત પાવર અને મેટલ સેક્ટરમાં પસંદગીયુક્ત ધોવાણ જોવા મળ્યું છે. પાવર પ્લાન્ટ્સમાં ઊંચો સ્ટોક હોવાને કારણે ટૂંકાગાળાની ડિમાન્ડ પર દબાણ યથાવત છે. સ્ટીલ સેક્ટર માટે કોકિંગ કોલ આયાતનો મર્યાદિત ઉછાળો સહાયરૂપ બની રહ્યો છે, પણ સમગ્ર દિશામાં સાવચેતી જરૂરી છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ, કોલ ટ્રેડિંગ પાટર્ન હાલ રેન્જ બાઉન્ડ વલણ દર્શાવે છે. આયાતમાં થયેલો ઘટાડો બજારમાં બેરિશ બાયસ તરફ ઈશારો કરે છે, પણ ડોમેસ્ટિક ઉત્પાદન મજબૂત હોવાથી સપોર્ટ લેવલ તૂટવાની શક્યતા મર્યાદિત છે. ઉછાળે નફારૂપી વેચવાલી અને ઘટાડે તબક્કાવાર ખરીદી પોઝિશન મેનેજમેન્ટ માટે યોગ્ય રહેશે.
રોકાણ રણનીતિ :
• કોલ અને પાવર સંબંધિત શેરોમાં ટૂંકાગાળામાં સાવચેતી રાખવી જરૂરી.
• સ્ટીલ સેક્ટરમાં ક્વોલિટી શેરોમાં મર્યાદિત ખરીદી કરી શકાય.
• સ્ટોપલોસ સાથે પોઝિશન જાળવવી યોગ્ય.
• ઉછાળે નફારૂપી વેચવાલી અને ઘટાડે તબક્કાવાર ખરીદીનું વલણ ટકાવું યોગ્ય રહેશે.
ભાવિ દિશા :
આગામી સેશન્સમાં બજાર ડોમેસ્ટિક ઉત્પાદન અને વૈશ્વિક ભાવોની દિશા પર આધારિત રહેશે. ઊંચો સ્ટોકપાઇલ હોવાને કારણે આયાતમાં નરમાશ યથાવત રહેવાની સંભાવના છે. પાવર સેક્ટરમાં પૂરતું સપ્લાય હોવાને કારણે કોલ સંબંધિત સેગમેન્ટ રેન્જ બાઉન્ડ રહેશે.
