માર્ચ મહિને મ્યુચ્યુઅલ ફંડ ઉદ્યોગના ઇક્વિટી સેગમેન્ટે મજબૂત પ્રદર્શન નોંધાવ્યું છે. બજારમાં વોલેટિલિટી અને જીઓપોલિટિકલ ચિંતાઓ વચ્ચે પણ ઇક્વિટી સ્કીમોમાં રૂ. ૪૦,૪૫૦ કરોડનો ઇન્ફ્લો નોંધાયો છે, જે આશરે ૫૬ ટકાનો ઉછાળો દર્શાવે છે. SIP યોગદાન પણ રૂ. ૩૨,૦૮૭ કરોડના સર્વકાલીન ઉચ્ચ સ્તરે પહોંચી ગયું છે.
આ મજબૂત પ્રવાહ પાછળ રિટેઈલ રોકાણકારોની યથાવત રસ અને તાજેતરના બજાર ઘટાડા પછી થયેલી પસંદગીયુક્ત તબક્કાવાર ખરીદી મુખ્ય કારણ તરીકે સામે આવ્યા છે.
બજારના મુખ્ય પરિબળો :
વર્તમાન કારોબારી સેશનમાં મ્યુચ્યુઅલ ફંડ સેગમેન્ટમાં વોલેટિલિટી વચ્ચે સાવચેતીનો માહોલ યથાવત રહ્યો છે. વર્ષ અંતના કોર્પોરેટ પેમેન્ટના પ્રવાહોથી ડેટ ફંડમાંથી રૂ. ૨.૯૫ લાખ કરોડનો ઘટાડો નોંધાયો છે, જેના કારણે સમગ્ર ઉદ્યોગમાં કુલ રૂ. ૨.૪ લાખ કરોડનો નેટ આઉટફ્લો થયો છે. જો કે ઇક્વિટી સેગમેન્ટમાં બુલિશ બાયસ યથાવત છે.
ફ્લેક્સી કેપ ફંડમાં સૌથી વધુ રૂ. ૧૦,૦૦૦ કરોડથી વધુનો ઇન્ફ્લો નોંધાયો, જ્યારે સ્મોલ કેપ અને મિડ કેપ સ્કીમોમાં પણ મજબૂત રોકાણકાર રસ જોવા મળ્યો છે. બીજી તરફ ડિવિડન્ડ યિલ્ડ અને ELSS સ્કીમોમાં પ્રોફિટ બુકિંગને કારણે મર્યાદિત આઉટફ્લો નોંધાયો છે.
સેક્ટર દૃષ્ટિકોણ :
ઇક્વિટી સેગમેન્ટમાં રોકાણકારોએ તાજેતરના બજાર ઘટાડાને તક તરીકે સ્વીકારી છે. ખાસ કરીને મિડ કેપ અને સ્મોલ કેપમાં પડતર ધોવાણ બાદ પસંદગીયુક્ત તબક્કાવાર ખરીદી જોવા મળી છે. મલ્ટી એસેટ એલોકેશન સ્કીમોએ પણ રૂ. ૫,૦૦૦ કરોડથી વધુ ઇન્ફ્લો આકર્ષ્યા છે.
હાઇબ્રિડ સેગમેન્ટમાં મુખ્યત્વે અર્બિટ્રેજ સ્કીમોમાં નોંધપાત્ર ઘટાડો થતાં રૂ. ૧૬,૫૦૦ કરોડનો આઉટફ્લો નોંધાયો છે. ગોલ્ડ ETFમાં પણ છેલ્લા મહિનાની સરખામણીમાં મર્યાદિત ઇન્ફ્લો નોંધાયો છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ ઇક્વિટી સેગમેન્ટમાં બુલિશ બાયસ યથાવત છે, કારણ કે SIP આધારિત તબક્કાવાર ખરીદી બજારને મજબૂત સપોર્ટ આપી રહી છે. રોકાણકારો માટે સપોર્ટ લેવલ ઉપર પોઝિશન જાળવવી જરૂરી રહેશે. પ્રોફિટ બુકિંગના તબક્કામાં ઉછાળે નફારૂપી વેચવાલી અને ઘટાડે તબક્કાવાર ખરીદી યોગ્ય રણનીતિ સાબિત થઈ શકે છે.
ભાવિ દિશા :
આગામી દિવસોમાં ઇક્વિટી ફંડોમાં યથાવત મજબૂત ફંડ ફ્લો રહેવાની શક્યતા છે. ડેટ ફંડનો ઘટાડો મુખ્યત્વે તાત્કાલિક ગણાય છે. નિષ્ણાતોનું માનવું છે કે આગામી સેશન્સમાં બજાર રેન્જ બાઉન્ડ રહી સ્થિરતા તરફ આગળ વધી શકે છે. મજબૂત મેક્રો ફંડામેન્ટલ્સ અને ક્વોલિટી ફંડોમાં રોકાણકારોના યથાવત રસને કારણે સેગમેન્ટમાં સકારાત્મક વલણ જળવાઇ રહેવાની શક્યતા છે.
