વર્તમાન કારોબારી સેશનમાં બેન્કિંગ સેક્ટર માટે એક મહત્વપૂર્ણ સુધારો સામે આવ્યો છે, જેમાં આરબીઆઈએ કેપિટલ એડિક્વસી નોર્મ્સમાં રાહત આપવાના કેટલાક પ્રસ્તાવો જાહેર કર્યા છે. બજારમાં સાવચેતીનો માહોલ યથાવત રહ્યા છતાં બેન્કિંગ શેરોમાં મર્યાદિત સુધારો જોવા મળ્યો છે.
આરબીઆઈ દ્વારા રજૂ કરાયેલા ડ્રાફ્ટ મુજબ હવે બેન્કો માટે CET૧માં ક્વાર્ટરલી પ્રોફિટનો સમાવેશ કરવો વધુ સરળ બનશે. અગાઉના નિયમ મુજબ એનપીએ માટેની પ્રોવિઝનિંગ ચાર ક્વાર્ટરનાં સરેરાશ કરતાં ૨૫ ટકા વધુ ન વધે તે જરૂરી હતું, પરંતુ હવે આ શરત દૂર કરવાની યોજના છે.
બજારના મુખ્ય પરિબળો :
• આરબીઆઈનાં ફેરફારોથી બેન્કોને કેપિટલ રેશિયો મેનેજ કરવા માટે વધુ હેડરૂમ મળશે.
• વોલેટિલિટી વચ્ચે બેન્કિંગ સેક્ટરમાં મર્યાદિત ખરીદી જોવા મળી શકે છે.
• IFR સંબંધિત સુધારાઓના કારણે માર્કેટ રિસ્ક મેનેજમેન્ટ વધુ અસરકારક બની શકે છે.
સેક્ટર દૃષ્ટિકોણ :
છેલ્લાં કેટલાક સેશન્સથી બેન્કિંગ સેક્ટર દબાણ હેઠળ હતું, પરંતુ આરબીઆઈના આ પ્રસ્તાવો બાદ સેન્ટિમેન્ટમાં થોડો ઉછાળો નોંધાયો છે. મોટા પીએસયુ અને પ્રાઇવેટ બેન્કોમાં પસંદગીયુક્ત ખરીદી જોવા મળી રહી છે, જ્યારે મધ્યમ કદની બેન્કોમાં હજી સાવચેતી જરૂરી છે.
IFR ફ્રેમવર્કમાં આવતા સુધારાઓને કારણે માર્કેટ રિસ્ક લાગુ કરતી બેન્કો માટે ઓપરેશનલ જટિલતાઓમાં ઘટાડો થવાની સંભાવના છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ બેન્કિંગ ઇન્ડેક્સ હાલમાં રેન્જ બાઉન્ડ ચાલ દર્શાવી રહ્યો છે. ઉપરની તરફ રેઝિસ્ટન્સ નજીક મજબૂત ક્લોઝિંગ આવશ્યક છે, જ્યારે નીચેના સપોર્ટ લેવલ તૂટે તો બેન્કિંગ શેરોમાં પસંદગીયુક્ત ધોવાણ શક્ય છે. વોલેટિલિટી યથાવત હોવાથી સાવચેતી જાળવવી યોગ્ય રહેશે.
રોકાણ રણનીતિ :
• ઉછાળે નફારૂપી વેચવાલી ચાલુ રાખવી.
• ઘટાડે તબક્કાવાર ખરીદી કરવી.
• ટૂંકા ગાળાના ટ્રેડર્સ માટે સ્ટોપલોસ જાળવવો આવશ્યક છે.
• ક્વોલિટી બેન્કિંગ શેરોમાં પોઝિશન જાળવી રાખવી યોગ્ય રહેશે.
ભાવિ દિશા :
આગામી દિવસોમાં આરબીઆઈના અંતિમ માર્ગદર્શનો બહાર આવે ત્યાં સુધી સેક્ટરમાં વોલેટિલિટી યથાવત રહેવાની સંભાવના છે. બજાર “ન્યુટ્રલ ટુ પોઝિટિવ” વલણ સાથે ચાલે તેવી આશા છે. સ્ટેકહોલ્ડર્સની ટિપ્પણીઓ અને એપ્રિલ ૨૯ સુધીની ચર્ચાઓ બાદ નિયમોમાં અંતિમ સુધારા જાહેર થવાની શક્યતા છે.
