ભારતીય શેરબજારમાં ઉછાળે નફારૂપી વેચવાલી યથાવત્…!!!

રોકાણકાર મિત્રો, આનંદ ને…!! તા.૧૯.૦૨.૨૦૨૬ ના રોજ…

આજના ટ્રેડિંગ સેશનમાં ભારતીય શેરબજારમાં શરૂઆત નરમાઈ સાથે થઈ હતી, કારણ કે વૈશ્વિક બજારોમાંથી મળેલા મિશ્ર સંકેતો અને યુએસ બોન્ડ યીલ્ડમાં અસ્થિરતા રોકાણકારોના સેન્ટિમેન્ટ પર અસરકારક રહ્યા. નિફ્ટી ગેપ-ડાઉન ખુલ્યો હતો અને શરૂઆતના કલાકોમાં વેચવાલીનું દબાણ રહ્યું, પરંતુ મહત્વપૂર્ણ સપોર્ટ ઝોનની નજીક ખરીદી સક્રિય થતા ઈન્ડેક્સે ઈન્ટ્રાડે નીચલા સ્તરેથી સારી રિકવરી દર્શાવી.બજારમાં વોલેટિલિટી ઊંચી રહી, ખાસ કરીને લાર્જકૅપ શેરોમાં પ્રોફિટ બુકિંગ જોવા મળ્યું. તેમ છતાં મિડકૅપ અને પસંદગીના સેક્ટરોમાં નીચલા લેવલ્સ પર વેલ્યુ બાયિંગ જોવા મળ્યું. બેંક નિફ્ટી શરૂઆતમાં પ્રાઈવેટ બેન્કોમાં દબાણને કારણે નબળાઈ દર્શાવી રહ્યો હતો, પરંતુ મધ્ય સત્ર પછી પસંદગીની ખરીદી અને શોર્ટ કવરિંગથી નુકસાન મર્યાદિત રહ્યું.

ડોલર ઇન્ડેક્સની મજબૂતી અને ક્રૂડ ઓઈલના ભાવમાં તેજી બજાર માટે ચિંતા રૂપ રહ્યા, છતાં ડોમેસ્ટિક લિક્વિડિટીના સપોર્ટથી મોટો તૂટણો અટક્યો. ટેકનિકલ રીતે સપોર્ટ લેવલ હોલ્ડ રહેતા ટ્રેડર્સમાં આત્મવિશ્વાસ જોવા મળ્યો, જેનાથી દિવસના અંત તરફ સ્થિરતા આવી.

બીએસઇ સેન્સેક્સ :- સેન્સેક્સ ૮૩૪૫૦ પર નરમાઈ સાથે ખુલ્યો અને ૮૩૧૬૩ સુધી લપસ્યો, પરંતુ નીચલા સ્તરે મજબૂત લેવાલીથી રિકવરી નોંધાઈ. દિવસ દરમિયાન ૬૦૭ પોઈન્ટની મૂવમેન્ટ સાથે અંતે ૨૮૩ પોઈન્ટના ઉછાળા સાથે ૮૩૭૩૪ આસપાસ મજબૂતીથી બંધ રહ્યો.

નિફ્ટી ફ્યુચર :- નિફ્ટી ફ્યુચર ૨૫૭૫૨ પર ખુલ્યા બાદ ૨૫૬૬૦ સુધી દબાણમાં આવ્યો, પરંતુ પછી તબક્કાવાર ખરીદીથી સુધારો નોંધાયો. આશરે ૧૮૪ પોઈન્ટની રેન્જમાં ટ્રેડ થઈ ૮૭ પોઈન્ટના નફા સાથે ૨૫૮૨૭ નજીક બંધ રહ્યો.

વૈશ્વિક સ્તરે અસર કરતા પરિબળો :

એશિયન બજારોમાં મિશ્ર વલણ અને યુએસ માર્કેટમાં અસ્થિરતા ભારતીય બજાર પર સીધી અસરકારક રહી. યુએસ મોંઘવારીના આંકડા, ફેડની ટિપ્પણીઓ અને બોન્ડ યીલ્ડમાં વધઘટને કારણે ઇમર્જિંગ માર્કેટ્સમાં મૂડી પ્રવાહ મર્યાદિત રહ્યો.

યુરોપિયન બજારોમાં પણ સાવચેતીનું વલણ જોવા મળ્યું. ડોલર મજબૂત રહેતા રૂપિયા પર દબાણ આવ્યું, જેનાથી આયાત આધારિત સેક્ટરોમાં ચિંતા વધી.

સ્થાનિક સ્તરે મજબૂત પરિબળો :

• આરબીઆઈના ડેટા આધારિત અભિગમ યથાવત્.
• રૂપિયો ડોલર સામે નબળો ટ્રેડ થયો, છતાં આરબીઆઈના સંભવિત હસ્તક્ષેપથી અતિરિક્ત વોલેટિલિટી અટકાવવામાં આવી.
• સરકારના કેપેક્સ ખર્ચ અને ઈન્ફ્રાસ્ટ્રક્ચર પ્રોજેક્ટ લાંબા ગાળે સકારાત્મક.
• ડોમેસ્ટિક માંગ અને વપરાશમાં સ્થિર વૃદ્ધિ.

કોમોડિટી અને કરન્સી અપડેટ :

 સોનું – વૈશ્વિક અનિશ્ચિતતા અને ડોલર મૂવમેન્ટ વચ્ચે ‘સેફ હેવન’ તરીકે મજબૂત. રોકાણકારો હેજિંગ માટે સોનાની પસંદગી કરી રહ્યા છે.

ચાંદી – ઔદ્યોગિક માંગ અને સોનાની ચાલ સાથે મિશ્ર વલણ.

કોપર, એલ્યુમિનિયમ – ચીન તરફથી ડિમાન્ડ સ્ટિમ્યુલસની અપેક્ષા વચ્ચે સ્થિરતા. મેટલ શેરોમાં ટેકનિકલ બ્રેકઆઉટ સંકેતો.

ક્રુડ ઓઈલ – સપ્લાય ચિંતા અને જિયોપોલિટિકલ પરિસ્થિતિને કારણે મજબૂતી. ભારત માટે આયાત ખર્ચમાં વધારો.

તેજી તરફી કારણો :

• નીચલા સ્તરે વેલ્યુ બાયિંગ – લાર્જકૅપ અને બ્લૂચિપ શેરોમાં ડોમેસ્ટિક સંસ્થાઓ દ્વારા ખરીદી.
• ડોમેસ્ટિક લિક્વિડિટી મજબૂત – SIP અને મ્યુચ્યુઅલ ફંડ પ્રવાહ બજારને ટેકો આપી રહ્યા છે.
• ટેકનિકલ સપોર્ટ હોલ્ડ – મહત્વપૂર્ણ સપોર્ટ લેવલ તૂટ્યા નહીં, જેના કારણે શોર્ટ કવરિંગ જોવા મળ્યું.
• મેટલ અને ઇન્ડસ્ટ્રીયલ્સમાં પસંદગીની તેજી – આંતરરાષ્ટ્રીય કોમોડિટી ભાવ સ્થિર થતાં ઈન્ટ્રાડે મજબૂતી.
• જીડીપી વૃદ્ધિ અંગે સકારાત્મક દૃષ્ટિકોણ – લાંબા ગાળે ભારતની વૃદ્ધિ મજબૂત રહેવાની અપેક્ષા.

મંદી તરફી કારણો :

• યુએસ બોન્ડ યીલ્ડમાં અસ્થિરતા – વ્યાજદર લાંબા સમય સુધી ઊંચા રહેવાની સંભાવના.
• ડોલર ઇન્ડેક્સ મજબૂત – રૂપિયામાં નબળાઈથી FII પ્રવાહ પર દબાણ.
• એફઆઈઆઈ વેચવાલી – ઊંચા લેવલ્સ પર પ્રોફિટ બુકિંગ.
• ક્રૂડ ઓઈલમાં તેજી – મોંઘવારી અને કરંટ અકાઉન્ટ ડેફિસિટ અંગે ચિંતા.
• માર્કેટ બ્રેડ્થ નબળી – વ્યાપક ખરીદીનો અભાવ.

બજારની ભાવિ દિશા :-

ટૂંકા ગાળે બજારમાં અસ્થિરતા યથાવત રહેવાની પૂરી સંભાવના છે, કારણ કે વૈશ્વિક પરિબળો હાલ મુખ્ય ડ્રાઈવિંગ ફોર્સ તરીકે કામ કરી રહ્યા છે. ખાસ કરીને યુએસ બોન્ડ યીલ્ડમાં વધઘટ અને ડોલર ઇન્ડેક્સની દિશા ઇમર્જિંગ માર્કેટ્સ માટે મહત્વપૂર્ણ સાબિત થઈ રહી છે. જો યીલ્ડ સ્થિર થવા લાગે અને ડોલરમાં નરમાઈ જોવા મળે, તો નિફ્ટી અને બેંક નિફ્ટી માં શોર્ટ કવરિંગ દ્વારા ઝડપી ટેકનિકલ રિકવરી શક્ય બની શકે છે. આવા સંજોગોમાં હાઈ બીટા સેક્ટરો જેમ કે બેન્કિંગ, મેટલ અને આઈટીમાં તેજી વધુ જોવા મળી શકે.

પરંતુ બીજી તરફ જો ક્રૂડ ઓઈલના ભાવમાં સતત તેજી રહે અને ડોલર મજબૂત રહે, તો મોંઘવારી અને કરંટ અકાઉન્ટ અંગેની ચિંતા વધી શકે છે. આવા પરિસ્થિતિમાં ઉપરના રેઝિસ્ટન્સ ઝોન નજીક વેચવાલી ફરી સક્રિય બની શકે છે અને ઈન્ડેક્સ રેન્જ-બાઉન્ડ મૂવમેન્ટમાં રહી શકે છે.લાંબા ગાળાની દૃષ્ટિએ ભારતની મજબૂત જીડીપી વૃદ્ધિ, વધતી ડોમેસ્ટિક લિક્વિડિટી, સરકારી ઈન્ફ્રાસ્ટ્રક્ચર કેપેક્સ, ડિજિટલ ઈકોનોમીનો વિસ્તાર અને નીતિગત સ્થિરતા બજાર માટે સકારાત્મક આધારરૂપ રહેશે.

The securities quoted are for illustration only and are not recommendatory. Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in