ભારતીય શેરબજારમાં અસ્થિરતા વચ્ચે નફારૂપી વેચવાલી યથાવત્…!!!

રોકાણકાર મિત્રો, આનંદ ને…!! તા.૧૯.૦૨.૨૦૨૬ ના રોજ…

ભારતીય શેરબજાર આજે દબાણ હેઠળ ટ્રેડ થયું અને મુખ્ય સૂચકાંકોમાં ઘટાડો નોંધાયો. વૈશ્વિક બજારોમાંથી મળેલા નબળા સંકેતો, યુએસ બોન્ડ યીલ્ડમાં વધઘટ અને કેટલાક હેવીવેઈટ શેરોમાં પ્રોફિટ બુકિંગને કારણે બજારમાં સાવચેતીભર્યું વાતાવરણ રહ્યું. શરૂઆતથી જ વેચવાલીનું દબાણ જોવા મળ્યું અને દિવસ દરમિયાન દરેક ઉછાળા પર સપ્લાય આવતા ઇન્ડેક્સો નીચેની દિશામાં સરકતા રહ્યા. રિટેલ રોકાણકારોમાં થોડી ગભરાટ અને FII વેચવાલીનો પ્રભાવ સ્પષ્ટ રહ્યો.

મિડકેપ અને સ્મોલકેપ ઇન્ડેક્સમાં પણ દબાણ જોવા મળ્યું. એડવાન્સ-ડિકલાઇન રેશિયો ૧:૨ રહ્યો, એટલે ઘટાડા વાળા શેરોની સંખ્યા વધારે રહી. સેક્ટરલ દૃષ્ટિએ આઈટી, એફએમસીજી અને મેટલ સેક્ટરમાં વધુ વેચવાલી જોવા મળી. ખાસ કરીને એચડીએફસી બેન્ક, આઈસીઆઈસીઆઈ બેન્ક અને સ્ટેટ બેન્ક ઓફ ઇન્ડિયા જેવા બેન્કિંગ શેરોમાં પ્રોફિટ બુકિંગ નોંધાઈ. આઈટી સેક્ટરમાં વૈશ્વિક માંગ અંગેની ચિંતા કારણે દબાણ રહ્યું, જ્યારે રિયલ એસ્ટેટ અને કેપિટલ ગુડ્સમાં મર્યાદિત ઘટાડો રહ્યો.

બીએસઇ સેન્સેક્સ : બીએસઇ સેન્સેક્સ ૮૩૯૬૯ પર મજબૂત ખુલ્યા બાદ ઝડપથી ૮૨૨૬૪ સુધી લપસ્યો. દિવસ દરમિયાન આશરે ૧૭૧૫ પોઈન્ટની રેન્જમાં ટ્રેડ થઈ અંતે ૧૨૩૬ પોઈન્ટના ઘટાડા સાથે ૮૨૪૯૮ નજીક બંધ રહ્યો.

નિફ્ટી ફ્યુચર : નિફ્ટી ફ્યુચર ૨૫૮૪૮ પર ખુલ્યા બાદ સતત વેચવાલીના દબાણમાં ૨૫૪૦૨ સુધી સરક્યો. આશરે ૪૭૫ પોઈન્ટની મૂવમેન્ટ બાદ ૪૧૭ પોઈન્ટના નુકસાન સાથે ૨૫૪૧૦ આસપાસ બંધ રહ્યો.

વૈશ્વિક સ્તરે અસર કરતા પરિબળો :

• અમેરિકન બજારોમાં નબળાઈ :- ફેડરલ રિઝર્વ તરફથી વ્યાજદર લાંબા સમય સુધી ઊંચા રહેવાના સંકેતો મળતા અમેરિકન ઇન્ડેક્સમાં ઘટાડો નોંધાયો.
• ડોલર ઇન્ડેક્સમાં મજબૂતી :- ડોલર મજબૂત થતા ઉદયમાન બજારોમાંથી મૂડીપ્રવાહ બહાર નીકળવાની ચિંતા વધી.
• ક્રુડ ઓઈલમાં ઉછાળો :- બ્રેન્ટ ક્રુડ $૭૬ની આસપાસ વધતા આયાત ખર્ચ અંગે ચિંતા ઊભી થઈ.

સ્થાનિક સ્તરે નબળા પરિબળો :

• FII વેચવાલી :- છેલ્લા કેટલાક સેશનમાં વિદેશી સંસ્થાકીય રોકાણકારોની નેટ વેચવાલી બજાર પર દબાણ લાવી રહી છે.
• હાઈ વેલ્યુએશન :- ઘણા સેક્ટરોમાં શેરો ઐતિહાસિક સરેરાશથી ઊંચા હોવાથી પ્રોફિટ બુકિંગ વધી.
• IT અને એક્સપોર્ટ સેક્ટરમાં દબાણ :- વૈશ્વિક માંગ ધીમી પડવાની ભીતિ.

કોમોડિટી અને કરન્સી અપડેટ :

• ગોલ્ડ : સોનાનો ભાવ રૂ.૧,૫૬,૩૩૭/૧૦ ગ્રામની આસપાસ મજબૂત, સલામત આશ્રય તરીકે માંગ વધતી.
• સિલ્વર : ચાંદી રૂ.૨,૪૫,૩૦૦/કિલો આસપાસ ટ્રેડ.
• રૂપિયો : ભારતીય રૂપિયો ડોલર સામે ૯૦.૮૫ સુધી નબળો, કરન્સી બજારમાં વોલેટિલિટી.

તેજી તરફી સંભવિત આધાર :

• ડોમેસ્ટિક SIP પ્રવાહ યથાવત મજબૂત.
• બેન્કિંગ સેક્ટરના ફંડામેન્ટલ્સ સ્થિર.
• સરકારનો કેપેક્સ ફોકસ લાંબા ગાળે સહાયક.

મંદી તરફી કારણો :

• ગ્લોબલ ગ્રોથ સ્લોડાઉન.
• ક્રૂડમાં તેજી અને મોંઘવારી દબાણ.
• બોન્ડ યીલ્ડમાં વધારો.
• ટૂંકા ગાળે ટેકનિકલ ઓવરબોટ સ્થિતિ બાદ કરેકશન.

ટેકનિકલ એનાલિસીસ :- નિફ્ટી અને બેન્ક નિફ્ટીના મહત્વના લેવલ્સ

• નિફ્ટી ફ્યુચર (બંધ ભાવ : ૨૫૪૧૦) : આગામી સંભવિત નિફ્ટી ફ્યુચર ૨૫૩૦૩ પોઈન્ટના પ્રથમ અને ૨૫૨૭૨ પોઈન્ટના અતિ મહત્વના સ્ટ્રોંગ સપોર્ટથી ટ્રેડીંગ સંદર્ભે ૨૫૪૭૪ પોઈન્ટ થી ૨૫૫૦૫ પોઈન્ટ આસપાસ અતિ મહત્વની સપાટીને સ્પર્શી શકે તેવી સંભાવના ધરાવે છે. નિફ્ટી ફ્યુચર ૨૫૨૭૨ પોઈન્ટ નજીક સાવધાનીપૂર્વક પોઝિશન બનાવવી જોઇએ….!!!
• બેન્ક નિફ્ટી ફ્યુચર (બંધ ભાવ : ૬૦૬૪૦) : આગામી સંભવિત બેન્ક નિફ્ટી ફ્યુચર ૬૦૩૭૩ પોઈન્ટ પ્રથમ અને ૬૦૩૦૩ પોઈન્ટના અતિ મહત્વના સ્ટ્રોંગ સ્ટોપલોસે ટ્રેડીંગ સંદર્ભે ૬૦૭૩૭ પોઈન્ટ થી ૬૦૮૦૮ પોઈન્ટની અતિ મહત્વની સપાટીને સ્પર્શી શકે તેવી સંભાવના ધરાવે છે. બેન્ક નિફ્ટી ફ્યુચરમાં ૬૦૩૦૩ પોઈન્ટ આસપાસ સાવધાનીપૂર્વક પોઝિશન બનાવવી જોઇએ….!!!

બજારની ભાવિ દિશા :-

આગામી દિવસોમાં બજારમાં અસ્થિરતા યથાવત રહેવાની સંભાવના નકારી શકાય નહીં. આંતરરાષ્ટ્રીય સ્તરે આવનારા આર્થિક આંકડા, યુએસ બોન્ડ યીલ્ડમાં થતી ચાલ અને કરન્સી માર્કેટમાં ફેરફારો ભારતીય શેરબજારની દિશા નક્કી કરવામાં મહત્વપૂર્ણ ભૂમિકા ભજવશે. જો મુખ્ય ટેકનિકલ સપોર્ટ ઝોન તૂટશે તો વેચવાલીનું દબાણ વધી શકે છે, જ્યારે મજબૂત સ્થાનિક લિક્વિડિટી અને SIP પ્રવાહ બજારને નીચલા સ્તરે ટેકો આપી શકે છે.

ટ્રેડર્સ માટે ચોક્કસ લેવલ આધારિત વ્યૂહરચના અપનાવવી અત્યંત જરૂરી રહેશે. યોગ્ય સ્ટોપલોસ, સંયમિત પોઝિશન સાઇઝિંગ અને રિસ્ક-રીવોર્ડ રેશિયોનું કડક પાલન ટૂંકા ગાળામાં નુકસાન નિયંત્રિત કરવામાં મદદરૂપ થશે. લાંબા ગાળાની દૃષ્ટિએ ભારતના આર્થિક પરિબળો, વધતી આંતરિક માંગ અને સરકારનો વિકાસમુખી અભિગમ બજાર માટે હકારાત્મક છે. તેમ છતાં, ટૂંકા ગાળાના ઉતાર-ચઢાવ દરમિયાન ધીરજ અને શિસ્ત જ સફળ રોકાણની કી તરીકે સાબિત થશે.

ડિસ્ક્લેમર / પોલીસી / શરતો www.nikhilbhatt.in ને આધીન…!!!                                                  

The securities quoted are for illustration only and are not recommendatory. Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in