વૈશ્વિક પડકારો વચ્ચે ભારતીય અર્થવ્યવસ્થામાં વૃદ્ધિની આશા...!!!

વૈશ્વિક બજારમાં કાચા તેલ, વ્યાજદર અને ભૌગોલિક-રાજકીય અનિશ્ચિતતા વધવા છતાં ભારતીય અર્થવ્યવસ્થાને મજબૂત સ્થાનિક માંગનો આધાર મળી રહ્યો છે. ઘરેલુ વપરાશ, સરકારી મૂડી ખર્ચ, માળખાકીય વિકાસ અને નાણાકીય વ્યવસ્થાની સ્થિરતા ભારતના વૃદ્ધિના મુખ્ય આધાર બની રહ્યા છે.

ભારતની મોટી સ્થાનિક ગ્રાહક બજાર વૈશ્વિક નિકાસ માંગમાં નબળાઈ આવે ત્યારે પણ અર્થવ્યવસ્થાને આધાર આપે છે. સરકાર દ્વારા રસ્તા, રેલવે, બંદરો, ઊર્જા અને અન્ય માળખાકીય પ્રોજેક્ટ્સમાં કરવામાં આવતો ખર્ચ ખાનગી ક્ષેત્ર માટે પણ નવી તકો ઊભી કરે છે.

બેન્કિંગ અને નાણાકીય ક્ષેત્રમાં ધિરાણ વૃદ્ધિ જળવાઈ રહે તો કંપનીઓના વિસ્તરણ, ઘર ખરીદી, વાહન વેચાણ અને ગ્રાહક ખર્ચને વધુ ટેકો મળી શકે છે. આ સમગ્ર પ્રક્રિયા ભારતીય શેરબજાર માટે લાંબા ગાળે સકારાત્મક છે.

પરંતુ હાલમાં સૌથી મોટું જોખમ ઊંચું કાચું તેલ છે. જો ક્રૂડ ૯૦ ડોલરની ઉપર લાંબા સમય સુધી રહે તો આયાત બિલ વધશે, રૂપિયા પર દબાણ આવશે અને મોંઘવારી ફરી ઊંચી થઈ શકે છે. આવી સ્થિતિમાં આરબીઆઈ માટે વ્યાજદર ઘટાડવાની શક્યતા પણ મર્યાદિત થઈ શકે છે.

આથી ભારતીય અર્થવ્યવસ્થાની મૂળભૂત સ્થિતિ મજબૂત હોવા છતાં વૈશ્વિક પરિબળોને અવગણી શકાય નહીં. આગામી સમયમાં સ્થાનિક Consumption, સરકારી Capex અને ખાનગી રોકાણ વૃદ્ધિને આધાર આપશે, જ્યારે Crude Oil, Rupee, FII Flow અને વૈશ્વિક બજારો શેરબજારની ટૂંકા ગાળાની દિશા નક્કી કરશે.