ઓલા ઇલેક્ટ્રિક મોબિલિટી લિમિટેડ માટે Q1 ના પરિણામો પડકારજનક રહ્યા છે. કંપનીના રેવન્યુમાં સતત સાતમા ક્વાર્ટરમાં ઘટાડો નોંધાયો છે, જે કંપની માટે સાવચેતીનો માહોલ ઊભો કરે છે.
નાણાકીય પરિણામો :
વર્તમાન કારોબારી સેશનમાં કંપનીનું કન્સોલિડેટેડ રેવન્યુ ૪૫% ના ઘટાડા સાથે ₹ ૪૫૫ કરોડ નોંધાયું છે. જોકે, નેટ લોસ અગાઉના ₹ ૪૨૮ કરોડથી ઘટીને ₹ ૩૩૬ કરોડ થયો છે. ઓપરેશનલ કેશ ફ્લોમાં પણ ઘટાડો જોવા મળ્યો છે અને તે ₹ ૨૧૫ કરોડના નેગેટિવ લેવલ પર પહોંચી ગયો છે. આ સમયગાળા દરમિયાન કંપનીનો EBITDA માર્જિન વધીને -૪૩% થયો છે, જે અગાઉ -૩૬% હતો. તેની સરખામણીમાં હરીફ કંપની એથર એનર્જીએ મજબૂત દેખાવ કર્યો છે, જેમનું રેવન્યુ બમણું થઈને ₹ ૧,૨૬૦ કરોડ થયું છે અને તેઓ ₹ ૫૧ કરોડના ઘટાડા સાથે EBITDA બ્રેકઇવન પ્રાપ્ત કરી ચૂક્યા છે.
કંપની વિશે અને SEBI તપાસ :
ઓલા ઇલેક્ટ્રિક હાલ SEBI દ્વારા કરવામાં આવી રહેલી તપાસનો સામનો કરી રહી છે. આ તપાસ નવા સ્ટોરના વિસ્તરણ, રોડસ્ટર (Roadster) મોડેલની ડિલિવરીના સમયગાળા અને Vahan પોર્ટલ પરના વેચાણ આંકડાઓમાં તફાવત અંગે ચાલી રહી છે. અગાઉ કંપનીએ ૨૫,૦૦૦ વેચાણ નોંધાવ્યા હતા, જ્યારે Vahan પોર્ટલ પર માત્ર ૮,૦૦૦ વાહનોની નોંધણી જોવા મળી હતી, જે કંપની દ્વારા બુકિંગ તરીકે સમજાવવામાં આવ્યું હતું. કંપનીએ જણાવ્યું છે કે તેઓ કાયદાકીય સલાહ મુજબ SEBI સાથે સમાધાનની પ્રક્રિયા હાથ ધરી રહી છે જેથી ઝડપી નિરાકરણ લાવી શકાય, પરંતુ આ પ્રક્રિયામાં કંપની કોઈ જવાબદારી સ્વીકારશે નહીં.
ભાવિ દિશા :
કંપની હવે તેના બિઝનેસ મોડલમાં ફેરફાર કરી રહી છે અને ડીલરશીપ નેટવર્ક પર ધ્યાન કેન્દ્રિત કરી રહી છે. આગામી દિવસોમાં જાનમાષ્ટમીથી નવા સ્ટોર્સ શરૂ કરવામાં આવશે. આ ઉપરાંત, કંપની બેટરી અને સેલ બિઝનેસ દ્વારા પણ રેવન્યુ વધારવા માટે તૈયારી કરી રહી છે. કંપની પાસે ૬GWh ની ક્ષમતા છે અને Axis Energy સાથે પણ તેમની સમજૂતી થઈ છે. અપેક્ષા છે કે Q3 અથવા Q4 થી સેલ બિઝનેસનો કંપનીના કુલ રેવન્યુમાં મજબૂત ફાળો જોવા મળશે. કંપનીએ FY26 માટે ₹ ૩,૦૦૦-૩,૨૦૦ કરોડના રેવન્યુનું માર્ગદર્શન આપ્યું હતું, પરંતુ FY26 માં ₹ ૨,૨૫૩ કરોડનું રેવન્યુ પ્રાપ્ત થયું, જે દર્શાવે છે કે કંપનીએ તેના લક્ષ્યાંકથી નીચે પ્રદર્શન કર્યું છે. આ ઘટાડો સરેરાશ વેચાણ કિંમતમાં પણ પ્રતિબિંબિત થયો છે.
