Suzlon Energy એ તેના પ્રથમ ક્વાર્ટરના (Q1) નાણાકીય પરિણામો જાહેર કર્યા છે, જેમાં નફા અને રેવન્યુના આંકડા મિશ્ર જોવા મળ્યા છે. કંપનીના ચોખ્ખા નફામાં ઘટાડો નોંધાયો છે, જ્યારે બિઝનેસ એક્ટિવિટીમાં મજબૂત ઉછાળાને કારણે રેવન્યુમાં નોંધપાત્ર વૃદ્ધિ જોવા મળી છે.
નાણાકીય પરિણામો :
Suzlon Energy એ Q1 FY27 માટે જાહેર કરેલા નાણાકીય પરિણામો અનુસાર, કંપનીનો ચોખ્ખો નફો ગયા વર્ષના સમાન સમયગાળાની સરખામણીમાં ૬% ઘટીને ₹૩૦૫ કરોડ રહ્યો છે, જે ગયા વર્ષે ₹૩૨૪ કરોડ હતો. જોકે, કંપનીની રેવન્યુમાં ૨૨.૫% નો મજબૂત ઉછાળો જોવા મળ્યો છે, જે ₹૩,૧૧૭ કરોડથી વધીને ₹૩,૮૧૯ કરોડ પર પહોંચી છે. કંપનીનું EBITDA પણ મર્યાદિત ઘટાડા સાથે ₹૫૯૫ કરોડ રહ્યું છે, જે ગયા વર્ષના ₹૫૯૯ કરોડની નજીક છે. આના પરિણામે EBITDA માર્જિન ૧૯.૨% થી ઘટીને ૧૫.૬% પર આવી ગયું છે. આ પરિણામોની જાહેરાત બાદ BSE પર કંપનીના શેરમાં ૫.૬% નું ધોવાણ જોવા મળ્યું છે, અને શેર ₹૫૦.૧૫ પર ક્લોઝ થયો હતો.
કંપની વિશે :
આ ક્વાર્ટરમાં Suzlon Energy એ ૫૦૬ MW ની અત્યાર સુધીની સૌથી વધુ ડિલિવરી નોંધાવી છે, જે ગયા વર્ષના સમાન ગાળા કરતા ૧૪% વધુ છે. કંપનીનું ક્યુમ્યુલેટિવ ઓર્ડર બુક ૬.૧ GW ના મજબૂત સ્તરે છે, જેમાં ૮૪% ઓર્ડર પબ્લિક સેક્ટર યુનિટ્સ (PSU) અને કમર્શિયલ એન્ડ ઇન્ડસ્ટ્રિયલ (C&I) સેગમેન્ટમાંથી આવે છે. આ સમયગાળા દરમિયાન, કંપનીએ Tata Power અને Waaree Group સહિતના ગ્રાહકો પાસેથી આશરે ૧ GW ના નવા ઓર્ડર મેળવ્યા છે, જેનાથી તેની EPC ઓર્ડર શેર ૩૨% થયો છે, જે અગાઉ ૨૨% હતો. કંપનીએ પોતાનું નવું S175 (૫ MW) વિન્ડ ટર્બાઇન પ્લેટફોર્મ પણ લોન્ચ કર્યું છે અને ‘Suzlon 2.0’ વ્યૂહરચના દ્વારા તેની કામગીરીનું પુનર્ગઠન કર્યું છે.
ભાવિ દિશા :
Suzlon Group ના Vice Chairman Girish Tanti ના જણાવ્યા અનુસાર, કંપની ‘Suzlon 2.0’ વ્યૂહરચના સાથે વિકાસના નવા તબક્કામાં પ્રવેશ કરી રહી છે. આ વ્યૂહરચના હેઠળ કંપની હવે RE Tech (રિન્યુએબલ એનર્જી ટેકનોલોજી), RE DevCo (રિન્યુએબલ એનર્જી ડેવલપમેન્ટ કંપની), RE Projects (રિન્યુએબલ એનર્જી પ્રોજેક્ટ્સ) અને RE AMS (રિન્યુએબલ એનર્જી એસેટ મેનેજમેન્ટ સર્વિસિસ) એમ ચાર મુખ્ય બિઝનેસ વર્ટિકલ્સ પર ધ્યાન કેન્દ્રિત કરશે. CEO Ajay Kapur એ જણાવ્યું કે Bhuj ફેસિલિટી ખાતે મેન્યુફેક્ચરિંગ ક્ષમતા વધારવાથી ભવિષ્યની વધતી માંગ પૂરી કરવાની ક્ષમતા મજબૂત બની છે. આગામી દિવસોમાં કંપનીના નવા ટેકનોલોજી પ્લેટફોર્મ અને મજબૂત ઓર્ડર બુક કંપનીની ભાવિ દિશા અને વૃદ્ધિ માટે મહત્વના પરિબળો બની રહેશે.
