રેમન્ડ લિમિટેડના એન્જિનિયરિંગ બિઝનેસ હેઠળની JK Maini Global Aerospace (JKMGAL) તેના પ્રિસિઝન એન્જિનિયરિંગ બિઝનેસ કરતા વધુ ઝડપી ઉછાળો નોંધાવી રહી છે. એરોસ્પેસ સેગમેન્ટમાં કંપનીનો ગ્રોથ રેટ મજબૂત છે.
કંપની વિશે :
JKMGAL એ એરોસ્પેસ અને ડિફેન્સ ક્ષેત્રમાં કાર્યરત છે. કંપનીના એન્જિનિયરિંગ બિઝનેસના CEO ગૌતમ મૈનીના જણાવ્યા અનુસાર, એરોસ્પેસ સેગમેન્ટ ૨૫% ના દરે વધી રહ્યો છે. કંપની પાસે આગામી ૫ વર્ષ માટે ₹ ૨,૩૫૦ કરોડના ઓર્ડરની મજબૂત પાઈપલાઈન છે. કંપનીની આવકનો ૭૯% હિસ્સો નિકાસમાંથી આવે છે, જેમાં યુરોપનું બજાર મુખ્ય છે. કંપની આંધ્ર પ્રદેશમાં ₹ ૫૧૦ કરોડના ખર્ચે નવી મેન્યુફેક્ચરિંગ ફેસિલિટી સ્થાપવાની તૈયારી કરી રહી છે.
સેક્ટર દૃષ્ટિકોણ :
વૈશ્વિક સપ્લાય ચેઈનને મજબૂત કરવા અને ચીન+1 વ્યૂહરચના હેઠળ કંપનીઓ હવે ભારત તરફ વળી રહી છે. IATA ના રિપોર્ટ મુજબ, વૈશ્વિક સ્તરે એરક્રાફ્ટ ડિલિવરીમાં ૧૭,૦૦૦ થી વધુ વિમાનોનો બેકલોગ છે. ભારતનું એરોસ્પેસ પાર્ટ્સ મેન્યુફેક્ચરિંગ માર્કેટ આગામી વર્ષોમાં $૨૧.૪૮ બિલિયન સુધી પહોંચવાનો અંદાજ છે, જે આ ક્ષેત્રમાં મોટા પાયે તક દર્શાવે છે.
ભાવિ દિશા :
કંપની હવે વેલ્યુ ચેઈનમાં ઉપર આવવા માટે સબ-એસેમ્બલી અને એસેમ્બલીઝ બનાવવાની તૈયારી કરી રહી છે. ડિફેન્સ સેક્ટરમાં પણ કંપની અત્યારે પ્રોટોટાઇપ અને સેમ્પલ બનાવવાની કામગીરી કરી રહી છે, જેથી ભવિષ્યમાં મજબૂત પોઝિશન બનાવી શકાય.
