હ્યુન્ડાય મોટર ઇન્ડિયાએ જણાવ્યું છે કે કંપની ૧ જૂનથી તેના અનેક લોકપ્રિય મોડલોના ભાવમાં વધારો કરશે. કંપનીના જણાવ્યા મુજબ, વધતા ઇનપુટ ખર્ચ, કોમોડિટી પ્રાઇસ અને ઓપરેશનલ ખર્ચને કારણે આ વધારો અનિવાર્ય બન્યો છે.
હ્યુન્ડાયના જણાવ્યા મુજબ, અલગ-અલગ મોડલ અને વર્ઝન પ્રમાણે અંદાજે રૂ. ૧૨,૮૦૦ સુધીનો વધારો લાગુ થશે. છેલ્લા કેટલાક મહિનાઓથી ઇનપુટ ખર્ચમાં ઉછાળો યથાવત રહેતા કંપનીએ આ નિર્ણય લીધો છે.
કંપની વિશે :
હ્યુન્ડાય મોટર ઇન્ડિયા પેસેન્જર કાર સેગમેન્ટમાં દેશની અગ્રણી કંપનીઓમાંની એક છે. તેના લોકપ્રિય મોડલો જેમ કે ક્રેટા, વેન્યુ અને આઇ-૨૦ માટે માંગ મજબૂત રહી છે. ઓટોમોબાઇલ ઉદ્યોગમાં છેલ્લા કેટલાંક મહિનાઓથી કોમોડિટી કિંમતો અને લોજિસ્ટિકલ ખર્ચમાં વધારો નોંધાયો છે, જેના કારણે ઉત્પાદન ખર્ચ વધ્યો છે. કંપનીએ જણાવ્યું છે કે ગ્રાહકો ઉપર ઓછો ભાર પડે તે માટે ભાવવધારાનો ભાગ હ્યુન્ડાયે પોતાની તરફથી શોષી લીધો છે.
બજારના મુખ્ય પરિબળો :
વર્તમાન કારોબારી સેશનમાં ઓટો સેક્ટરના શેરોમાં પસંદગીયુક્ત ધોવાણ જોવા મળ્યું છે. વધતા કોસ્ટ સ્ટ્રક્ચર અને ઘટતા માર્જિનને કારણે રોકાણકારોમાં સાવચેતીનો માહોલ છે. ઉછાળે નફારૂપી વેચવાલી યથાવત રહી છે, જ્યારે ઘટાડે તબક્કાવાર ખરીદી કેટલાક રોકાણકારો દ્વારા જોવા મળે છે.
સેક્ટર દૃષ્ટિકોણ :
હાલ ઓટો સેક્ટર મર્યાદિત વોલેટિલિટી સાથે રેન્જ બાઉન્ડ રહી રહ્યો છે. કોમોડિટી અને કરન્સી મૂવમેન્ટમાં મળતા મિશ્ર સંકેતોને કારણે સેગમેન્ટમાં બુલિશ બાયસ નબળો રહ્યો છે. ઓટો એન્સિલરી કંપનીઓ પર પણ ઇનપુટ કોસ્ટના વધારાની અસર નોંધાતી જોવા મળે છે.
ભાવિ દિશા :
આગામી દિવસોમાં ઓટો સેક્ટરનું વલણ વૈશ્વિક કોમોડિટી પ્રાઇસ અને સ્થાનિક માંગના રુઝાન પર આધારિત રહેશે. આર્થિક પ્રવૃતિ અને તહેવાલોની સિઝનમાં મળનારી વધતી માંગને ધ્યાનમાં લેતા સેગમેન્ટ માટે મર્યાદિત સપોર્ટ લેવલ જળવાઈ રહે તેવી ધારણા છે.
