રોકાણકાર મિત્રો, આનંદ ને…!!
બ્લેકસ્ટોન દ્વારા સમર્થિત આધાર હાઉસિંગ ફાઇનાન્સ આગામી ચાર વર્ષ સુધી નવી મૂડી ઉઠાવવાની જરૂર નથી હોવાનું જણાવી છે. કંપનીનો લક્ષ્યાંક વાર્ષિક લોન વૃદ્ધિમાં ૨૦-૨૨% નો ઉછાળો લાવવાનો છે. કંપનીના CEO રિષિ આનંદના જણાવ્યા મુજબ, કંપની પાસે હાલમાં પૂરતી મૂડી ઉપલબ્ધ છે અને તેઓ આગામી સમયમાં કોઈ પણ રીતે મૂડી ઉઠાવવાનું વિચારી રહ્યા નથી.
કંપની વિશે :
આધાર હાઉસિંગ ફાઇનાન્સ તેના નેટવર્કને મજબૂત કરવા માટે દર વર્ષે આશરે ૫૦ નવી બ્રાન્ચ ઉમેરવાનું આયોજન કરી રહી છે. કંપનીનું મુખ્ય ધ્યાન રિટેલ હોમ લોન પર છે. એપ્રિલ-જૂન ક્વાર્ટરમાં હોમ લોનનું હિસ્સો ૭૪% રહ્યો હતો, જ્યારે LAP (Loan Against Property) નો હિસ્સો ૨૬% હતો. કંપનીનો પ્લાન ગુજરાત જેવા મહત્વના બજારોમાં વિસ્તરણ કરવાનો છે.
નાણાકીય પરિણામો :
કંપનીનો કેપિટલ એડિક્વસી રેશિયો હાલમાં ૪૦% થી વધુ છે. જૂન ક્વાર્ટરમાં GNPA રેશિયો ૧.૩૧% જોવા મળ્યો હતો, જેને CEO એ મોસમી વધારો ગણાવ્યો છે. કંપનીને વિશ્વાસ છે કે આ નાણાકીય વર્ષના અંત સુધીમાં GNPA રેશિયો ૧.૦૮-૧.૧૦% ની રેન્જમાં આવી જશે. આ ઉપરાંત, છેલ્લા આઠ ક્વાર્ટરમાં ચેક બાઉન્સ રેટ પણ સ્થિર રહ્યા છે, જે ગ્રાહકોની મજબૂત સ્થિતિ દર્શાવે છે.
ભાવિ દિશા :
કંપની નાના શહેરો અને તાલુકા કેન્દ્રો પર વધુ ધ્યાન કેન્દ્રિત કરી રહી છે. કંપનીના મતે, આ વિસ્તારોમાં જોખમ સામે વધુ સારું સ્પ્રૅડ્સ મેળવી શકાય છે. કંપની PMAY 2.0 યોજનાના ફાયદાઓ વિશે પણ સકારાત્મક છે, જે ટિયર-II અને ટિયર-III શહેરોમાં આફોર્ડેબલ હાઉસિંગ માટે મદદરૂપ થઈ શકે છે. કંપનીનો ધ્યેય નાના બજારો દ્વારા વૃદ્ધિ જાળવી રાખવાનો છે.
👉 યાદ રાખો : તબક્કાવાર નફો બુક કરે એ શાણો રોકાણકાર…!!
