ઝી એન્ટરટેઈનમેન્ટના પ્રમોટરો દ્વારા કંપનીમાં મોટું રોકાણ કરવાની તૈયારી જોવા મળી રહી છે. બુધવારે NSE પર કંપનીના શેરમાં ૪.૬% નો ઉછાળો જોવા મળ્યો હતો અને શેર ₹૧૦૮.૩૧ પર બંધ રહ્યો હતો. પ્રમોટર પરિવાર દ્વારા કંપનીના હિસ્સામાં વધારો કરવા માટે આ વ્યૂહાત્મક પગલું લેવામાં આવ્યું છે.
કંપની વિશે :
ઝી એન્ટરટેઈનમેન્ટ એન્ટરપ્રાઈઝ લિમિટેડના પ્રમોટર ગોએન્કા ફેમિલીએ કંપનીમાં ₹૩,૧૪૩.૫૧ કરોડનું રોકાણ કરવાનું પ્રસ્તાવ મૂક્યું છે. આ રોકાણ સનબ્રાઈટ ઈન્ટરનેશનલ હોલ્ડિંગ્સ લિમિટેડ દ્વારા ફુલી કન્વર્ટિબલ વોરંટ દ્વારા કરવામાં આવશે. આ પ્રસ્તાવ મુજબ, સનબ્રાઈટનો હિસ્સો હાલના ૦.૧૮% થી વધારીને ૨૦% થી વધુ કરવામાં આવશે, જેનાથી સુભાષ ચંદ્રના નેતૃત્વ હેઠળના ગોએન્કા પરિવારનો કુલ હિસ્સો ૨૫% થી સહેજ ઓછો થઈ જશે. સનબ્રાઈટ વોરંટ સબસ્ક્રિપ્શન સમયે ૨૫% રકમ ચૂકવશે અને તમામ વોરંટ એક્સરસાઇઝ કરવા માટે તેની પાસે ૧૮ મહિનાનો સમય છે. શેરના કન્વર્ઝન માટે ₹૧૨૬ નો ભાવ નક્કી કરવામાં આવ્યો છે.
નાણાકીય પરિણામો :
કંપની માટે FY26 ના આંકડા થોડા ચિંતાજનક રહ્યા છે. કંપનીનો કન્સોલિડેટેડ રેવન્યુ ૨% ઘટીને ₹૮,૨૪૫ કરોડ રહ્યો હતો. તે જ રીતે, ટેક્સ પછીનો નફો ૬૦% ના મોટા ઘટાડા સાથે ₹૨૭૧.૩ કરોડ પર આવી ગયો છે. એડવર્ટાઈઝિંગ રેવન્યુમાં પણ ૧૦% નો ઘટાડો નોંધાયો છે. વધુમાં, એડવર્ટાઈઝિંગ અને પ્રમોશન ખર્ચાઓ વધવાને કારણે એડજસ્ટેડ EBITDA માં ૫૧% નો ઘટાડો જોવા મળ્યો છે.
ભાવિ દિશા :
કંપની હાલમાં મીડિયા રાઈટ્સ અને ડિજિટલ બિઝનેસમાં મોટું રોકાણ કરી રહી છે. ઝી એન્ટરટેઈનમેન્ટે FIFA World Cup અને જર્મન બુંડિસલીગા ફૂટબોલ લીગના મીડિયા રાઈટ્સ મેળવ્યા છે. આ ઉપરાંત, કંપની Bullett જેવી નવી એપ અને Zee5 જેવા ડિજિટલ પ્લેટફોર્મમાં પણ રોકાણ કરી રહી છે. જોકે, ગયા વર્ષે પ્રમોટરો દ્વારા કરવામાં આવેલ સમાન પ્રકારનો પ્રસ્તાવ વિદેશી શેરધારકો દ્વારા નકારવામાં આવ્યો હતો, તેથી આ વખતે શેરધારકોની મંજૂરી મેળવવી એ એક મહત્વનો મુદ્દો રહેશે. ઇન્વેસ્કો દ્વારા શેર ખરીદવાની અફવાહો પણ ઉઠી હતી, પરંતુ કંપનીએ સ્પષ્ટતા કરી છે કે અત્યારે ઇન્વેસ્કો પાસે કોઈ હિસ્સો નથી.
