સ્ટેટ બેન્ક ઓફ ઇન્ડિયા (SBIN)
વર્તમાન ભાવ : રૂ. 946 ની આસપાસ
વલણ: શોર્ટ-ટર્મ તેજી (Bullish Momentum)
બેન્કિંગ સેક્ટરના સૌથી મજબૂત હેવીવેઇટ સ્ટોક સ્ટેટ બેન્ક (SBI) માં છેલ્લા કેટલાક સત્રોના સામાન્ય પ્રોફિટ બુકિંગ પછી હવે ફરીથી ખરીદીનો દોર શરૂ થવાના ટેકનિકલ સંકેતો મળી રહ્યા છે. ચાર્ટ સ્ટ્રક્ચર જોતાં આ સ્ટોક આગામી દિવસોમાં નવી ઊંચાઈ તરફ કૂચ કરવા માટે સજ્જ દેખાય છે.
તેજી તરફી મુખ્ય ટેકનિકલ પરિબળો : મજબૂત સપોર્ટ બેઝ :સ્ટેટ બેન્ક માટે રૂ. 929 થી રૂ. 909 ની રેન્જ એક અત્યંત મજબૂત સપોર્ટ અને ડિમાન્ડ ઝોન તરીકે ઉભરી આવી છે. આ સ્તરે દૈનિક ચાર્ટ પર અગાઉ પણ સંસ્થાકીય ખરીદી (Institutional Buying) જોવા મળી હતી.
RSI ઇન્ડિકેટર : ડેઇલી ચાર્ટ પર રિલેટિવ સ્ટ્રેન્થ ઇન્ડેક્સ (RSI) ઓવરસોલ્ડ ઝોનની નજીક પહોંચીને હવે મજબૂત યુ-ટર્ન લઈ રહ્યો છે, જે દર્શાવે છે કે ઉપલા મથાળેથી વેચવાલીનું દબાણ હવે સંપૂર્ણપણે હળવું થયું છે.
બેન્ક નિફ્ટીમાં રિકવરી અને શોર્ટ કવરિંગ : બેન્ક નિફ્ટી ઇન્ડેક્સમાં નીચલા સ્તરેથી રિકવરીના મૂડ વચ્ચે ડેરિવેટિવ્ઝ માર્કેટમાં શોર્ટ કવરિંગના સ્પષ્ટ સંકેતો છે. દેશની સૌથી મોટી જાહેર ક્ષેત્રની બેન્કમાં ફંડ હાઉસીસનું આકર્ષણ બજારને વેગ આપશે.
આગામી દિવસો માટેના મહત્વના લેવલ્સ : અપસાઈડ ટાર્ગેટ્સ (Resistance): જો સ્ટોક રૂ. 949 ની ઉપર સસ્ટેન થાય છે, તો ક્રમશઃ રૂ. 963 થી રૂ. 970 સુધીનો પ્રથમ ટાર્ગેટ જોવા મળી શકે છે. જો તેજી આગળ વધે અને રૂ. 978 નો મજબૂત અવરોધ તૂટે, તો સ્ટોક રૂ. 984 થી રૂ. 990 ના ઐતિહાસિક સ્તરને સ્પર્શી શકે છે.
સપોર્ટ અને સ્ટોપલોસ: જોખમ પ્રબંધન માટે તાત્કાલિક સપોર્ટ રૂ. 903 અને ડેઇલી ક્લોઝિંગ બેઝિસ પર રૂ. 898 નો સ્ટ્રિક્ટ સ્ટોપલોસ રાખવો. આ સ્તરની નીચે બંધ આવતા જ તેજીનો ટ્રેન્ડ નબળો પડી શકે છે.
ટ્રેડિંગ વ્યુહરચના :
બાય ઓન ડીપ્સ : જો આગામી સત્રોમાં માર્કેટના સામાન્ય ઘટાડા વચ્ચે સ્ટોક *રૂ. 929 થી રૂ. 909* ની રેન્જમાં મળે, તો તે નવી ખરીદી માટે ઉત્તમ અને સલામત તક ગણાશે.
તબક્કાવાર ખરીદી : ટ્રેડર્સે એકસાથે બધી મૂડી રોકવાને બદલે ૨ થી ૩ તબક્કામાં પોઝિશન ઉમેરવી હિતાવહ છે.
Investment in securities market are subject to market risks, Read Disclaimer and related all the documents carefully before Investing / Trading, mentioned on https://capsavaj.com
