કેન્દ્રીય મંત્રી અશ્વિની વૈષ્ણવે પ્રધાનમંત્રીની અપીલને પુનરોચ્ચાર કરતાં જણાવ્યું કે વર્તમાન પરિસ્થિતિમાં દરેક નાગરિકે વિદેશી ચલણ બચાવવા જાગૃતિપૂર્વક પગલાં લેવાની જરૂર છે. મધ્યપૂર્વ વિસ્તારમાં ચાલી રહેલા સંઘર્ષને કારણે વૈશ્વિક બજારોમાં વોલેટિલિટી યથાવત રહી છે અને તેની સીધી અસર ઊર્જા કિંમતો પર જોવા મળી રહી છે.
પ્રધાનમંત્રીએ અગાઉ જણાવ્યું હતું કે ગોલ્ડ ખરીદી, ખાદ્ય તેલનો વધારાનો વપરાશ અને પેટ્રોલ-ડીઝલના વપરાશમાં ઘટાડો કરીને જીવનશૈલી અપનાવવાથી દેશનું વિદેશી ચલણ મોટાપાયે બચી શકે છે.
અશ્વિની વૈષ્ણવનો આ સંદેશ ઉદ્યોગ, વેપાર જગત તથા સામાન્ય નાગરિક – ત્રણેય સ્તરે પ્રેરણારૂપ બનાવવાનો પ્રયાસ છે.
બજારના મુખ્ય પરિબળો :
વર્તમાન કારોબારી સેશનમાં જીઓપોલિટિકલ ટેન્શન યથાવત રહ્યું છે, જેના કારણે ઊર્જા બજારમાં વોલેટિલિટી વધી રહી છે. મધ્યપૂર્વ વિસ્તારમાં સતત ૭૦ દિવસથી ચાલી રહેલા સંઘર્ષને કારણે સ્ટ્રેટ ઓફ હોર્મુઝ વિસ્તારમાં પરિવહન પ્રવાહ પર દબાણ રહ્યું છે, જેના પરિણામે ઊર્જા સપ્લાયમાં વિક્ષેપ સર્જાઈ રહ્યા છે.
આ પરિસ્થિતિમાં ગોલ્ડ જેવા આયાત આધારિત વપરાશમાં વધારો દેશના વિદેશી ચલણ ભંડાર માટે ધોવાણરૂપ બની શકે છે. તેથી કેન્દ્ર સરકાર નાગરિકોને ખર્ચમાં ઘટાડા અને સ્થાનિક વિકલ્પ અપનાવવા પ્રોત્સાહિત કરી રહી છે.
સેક્ટર દૃષ્ટિકોણ :
પેટ્રોલ અને ડીઝલના વધતા ખર્ચે ટ્રાન્સપોર્ટ તથા સંબંધિત ક્ષેત્રોમાં દબાણ ઊભું કર્યું છે. તેના વિપરીત, ફાર્મા અને કેટલાક ડિફેન્સિવ સેક્ટર્સમાં મર્યાદિત માંગ યથાવત રહી છે, કારણ કે આવા સેગમેન્ટ્સ પર વૈશ્વિક અસ્થિરતાનો પ્રભાવ ઓછો રહે છે.
ગોલ્ડ સંબંધિત જ્વેલરી ઉદ્યોગમાં હાલમાં પસંદગીયુક્ત ધોવાણ જોવા મળી રહ્યું છે, કારણ કે ગ્રાહકો સાવચેતીપૂર્વક ખરીદી કરી રહ્યા છે.
ભાવિ દિશા :
આગામી દિવસોમાં આયાત ખર્ચ અને વિદેશી ચલણની માંગ બજારની દિશાને પ્રભાવિત કરશે. જો સરકારની અપીલ બાદ ગોલ્ડ વપરાશમાં ઘટાડો થાય, તો દેશના ફોરેક્સ રિઝર્વ્સમાં મજબૂતી અને સ્થિરતા આવી શકે છે.
આગામી સેશન્સમાં બજાર રેન્જ બાઉન્ડ વલણ સાથે સાવચેતીપૂર્વક આગળ વધે તેવી શક્યતા છે, ખાસ કરીને ઊર્જા કિંમતો અને આંતરરાષ્ટ્રીય ક્રૂડ ઓઈલ સપ્લાય પર નજર રાખવી યોગ્ય રહેશે.
