RBI દ્વારા ૨૮ એપ્રિલે રાજ્ય સરકારની સિક્યોરિટીઝ (SGS) માટે ₹૧૪,૫૦૦ કરોડના હરાજી કાર્યક્રમની જાહેરાત બાદ ડેબ્ટ માર્કેટમાં સાવચેતીનો માહોલ જોવા મળી રહ્યો છે. વિવિધ રાજ્યોએ અલગ-અલગ મુદતની નવી તથા રી-ઇશ્યુ સિક્યોરિટીઝ મૂકી છે, જેમાં ૩ થી ૨૩ વર્ષની અવધિનો સમાવેશ થાય છે.
આ સમગ્ર હરાજી પ્રક્રિયા RBI ની E-Kuber સિસ્ટમ દ્વારા હાથ ધરાશે, જેમાં રાજ્યવાર નોટિફાઈડ રકમ અનુસાર સ્પર્ધાત્મક તથા નોન-સ્પર્ધતિક બિડિંગ થશે.
બજારના મુખ્ય પરિબળો :
વર્તમાન કારોબારી સેશનમાં SGS હરાજીનું એલાન થતાં ડેબ્ટ બજારમાં વોલેટિલિટી યથાવત રહી છે. ઉંચા વ્યાજદરના અનુમાન, પસંદગીયુક્ત પ્રોફિટ બુકિંગ તથા લાંબા ગાળાની સિક્યોરિટીઝમાં સાવચેતી ભર્યું રોકાણ જોવા મળી રહ્યું છે. રોકાણકારોની નજર ખાસ કરીને યીલ્ડ આધારિત હરાજી પર કેન્દ્રિત છે.
RBI મુજબ, દરેક સિક્યોરિટી માટે ૧૦ ટકા હિસ્સો નોન-સ્પર્ધતિક રોકાણકારો માટે અનામત રાખવામાં આવ્યો છે, જેમાં રિટેલ રોકાણકારો પણ RBI Retail Direct પ્લેટફોર્મ દ્વારા ભાગ લઈ શકે છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ લાંબા ગાળાની સિક્યોરિટીઝમાં રેઝિસ્ટન્સ ઝોન તયાર થતો જોવા મળી રહ્યો છે, જ્યારે ટૂંકા ગાળાના સપોર્ટ લેવલ મજબૂત માનવામાં આવી રહ્યા છે. યીલ્ડમાં નાનો ઉછાળો ડેબ્ટ માર્કેટમાં બેરિશ બાયસ ઉત્પન્ન કરી શકે છે, જ્યારે કટ-ઓફ યીલ્ડ સ્થિર રહે તે સ્થિતિમાં આગામી દિવસોમાં સ્થિરતા જોવા મળી શકે છે.
રી-ઇશ્યુ સિક્યોરિટીઝ પર મર્યાદિત માંગની ધારણા વચ્ચે રોકાણકારો ઉછાળે નફારૂપી વેચવાલી અને ઘટાડે તબક્કાવાર ખરીદી જેવી રણનીતિ અપનાવતા જોવા મળી રહ્યા છે.
રોકાણ રણનીતિ :
ડેબ્ટ સેગમેન્ટમાં પોઝિશન બનાવતા રોકાણકારો માટે કડક સ્ટોપલોસ રાખવો આવશ્યક છે. લાંબા ટેનરવાળી સિક્યોરિટીઝમાં વોલેટિલિટી વધારે હોવાથી સાવચેતી અપનાવવી જરૂરી છે. ટૂંકા ગાળાના રોકાણકારો માટે રેન્જ બાઉન્ડ સ્ટ્રેટેજી વધુ યોગ્ય ગણાય છે.
નવી ઇશ્યુ સિક્યોરિટીઝ પર વ્યાજની ચુકવણી અર્ધવાર્ષિક ૨૯ એપ્રિલ અને ૨૯ ઓક્ટોબરે થશે, જ્યારે રી-ઇશ્યુ સિક્યોરિટીઝ પોતાના મૂળ કૂપન દર સાથે જ રહેશે.
