વર્તમાન કારોબારી સેશનમાં નેસ્લે ઇન્ડિયાના ક્યુ૪ પરિણામો બજારમાં ચર્ચાનો કેન્દ્ર બન્યા છે. કંપનીએ આ ત્રિમાસિક ગાળામાં મજબૂત નફો નોંધાવી રોકાણકારોમાં વિશ્વાસ યથાવત રાખ્યો છે.
નાણાકીય પરિણામો :
કંપનીએ માર્ચ ત્રિમાસિક ગાળામાં ૨૬ ટકાનો ઉછાળો સાથે ₹૧,૧૧૪ કરોડનો નેટ પ્રોફિટ નોંધાવ્યો છે, જ્યારે ગયા વર્ષે આ જ ગાળામાં ₹૮૮૫ કરોડ હતો. આવકમાં પણ મજબૂત વૃદ્ધિ નોંધાઈ છે અને યોય આધારે આશરે ૨૩ ટકાનો ઉછાળો સાથે કુલ આવક ₹૬,૭૪૮ કરોડ રહી છે.
કંપનીએ વર્ષ ૨૦૨૫-૨૬ માટે પ્રતિ શેર ₹૫નો અંતિમ ડિવિડન્ડ જાહેર કર્યો છે. વર્તમાન વોલેટિલિટી વચ્ચે એફએમસિજિ ક્ષેત્રમાં નેસ્લેનું સ્થિર પ્રદર્શન બજારમાં સાવચેતીના માહોલ વચ્ચે મર્યાદિત બુલિશ બાયસ જાળવી રાખે છે.
કંપની વિશે :
નેસ્લે ભારતના એફએમસિજિ ક્ષેત્રની અગ્રણી કંપની છે. છેલ્લા કેટલાક ટ્રેડિંગ સેશન્સમાં પસંદગીયુક્ત ધોવાણ વચ્ચે કંપનીના શેરોમાં મર્યાદિત ખરીદી જોવા મળી રહી છે. ડિવિડન્ડ જાહેરાત બાદ રોકાણકારોના ભાવનામાં સુધારાનો ઝોક દેખાઈ રહ્યો છે.
બજારના મુખ્ય પરિબળો :
વર્તમાન સમયમાં એફએમસિજિ શેરોમાં વોલેટિલિટી યથાવત છે. વૈશ્વિક બજારોના દબાણ, પ્રોફિટ બુકિંગ અને કેટલાક સેક્ટર્સમાં ટેકનિકલ બ્રેકડાઉનને કારણે સાવચેતીનો માહોલ છે. જોકે નેસ્લેના મજબૂત પરિણામોએ શેરને સપોર્ટ લેવલ નજીક સ્થિર રાખવામાં સહાય આપી છે. ઉછાળે નફારૂપી વેચવાલી અને ઘટાડે તબક્કાવાર ખરીદીનો અભિગમ પ્રવર્તમાન રહ્યો છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ શેર માટે ઉપરની તરફ રેઝિસ્ટન્સ નજીક મજબૂત ક્લોઝિંગ આવશ્યક છે. જો સપોર્ટ લેવલ જળવાઈ રહે તો આગામી દિવસોમાં શેર રેન્જ બાઉન્ડ સ્વરૂપમાં રહી શકે છે. જો બ્રેકઆઉટ થાય તો શેરમાં વધુ ઉછાળાની સંભાવના રહેશે.
રોકાણ રણનીતિ :</બ>
ટૂંકા ગાળાના ટ્રેડર્સ માટે સ્ટોપલોસ સાથે ટ્રેડિંગ કરવી જરૂરી છે. હાલની વોલેટિલિટી વચ્ચે ઉછાળે નફારૂપી વેચવાલી યોગ્ય છે, જ્યારે ઘટાડે તબક્કાવાર ખરીદી ગુણવત્તાસભર પોઝિશન બનાવવા માટે અનુકૂળ રહેશે.
