વર્તમાન કારોબારી સેશનમાં અદાની ગ્રુપના શેરોમાં મિશ્ર વલણ યથાવત રહ્યું છે, જોકે પાવર સેક્ટરમાં જોવા મળેલા મજબૂત ઉછાળાએ અદાની પાવરને ગ્રુપની સૌથી મૂલ્યવાન લિસ્ટેડ કંપનીના સ્થાન પર પહોચાડી દીધી છે.
બીએસઇના તાજેતરના આંકડા મુજબ ૨૦ એપ્રિલ ૨૦૨૬ સુધી અદાની પાવરનું માર્કેટ કેપ આશરે રૂપિયા ૩,૮૭,૨૩૭ કરોડ સુધી પહોંચી ગયું છે, જ્યારે અદાની પોર્ટ્સ રૂપિયા ૩,૬૩,૪૬૧ કરોડ પર સીમિત રહી છે.
આ ફેરફાર સાથે ગ્રુપની મૂડીરચનામાં પાવર અને એનર્જી સેગમેન્ટનું વજન વધુ મજબૂત બનતું જોવા મળી રહ્યું છે અને રોકાણકારોમાં વિશ્વાસનો માહોલ યથાવત છે.
કંપની વિશે :
અદાની પાવરે તાજેતરમાં ૫૨ અઠવાડિયાના નવા ઉચ્ચ સ્તરને સ્પર્શ કરી મજબૂત ગતિ જાળવી રાખી છે. પાવર સેક્ટરમાં વધતી ડિમાન્ડ અને સુધરતી માર્જિનને કારણે કંપનીના શેરમાં સતત ઉછાળો રહ્યો છે.
અદાની ગ્રુપની અન્ય કંપનીઓમાં અદાની એન્ટરપ્રાઇઝ રૂપિયા ૨,૮૭,૮૩૪ કરોડ, અદાની ગ્રીન એનર્જી રૂપિયા ૧,૯૦,૧૮૩ કરોડ અને અદાની એનર્જી સોલ્યુશન્સ રૂપિયા ૧,૫૧,૫૩૦ કરોડના માર્કેટ કેપ પર છે. જ્યારે એમ્બુજા સિમેન્ટ્સ, એ.સી.સી. અને એન.ડી.ટી.વી.માં પસંદગીયુક્ત ધોવાણ નોંધાયું છે.
બજારના મુખ્ય પરિબળો :
• અદાની પાવરના ૩૮.૫૬%ના વર્ષ-આજ સુધીના ઉછાળાએ ગ્રુપની કુલ મૂડીરચનામાં પાવર સેગમેન્ટનું પ્રભાવ વધાર્યું છે.
• અદાની એનર્જી સોલ્યુશન્સ અને અદાની ગ્રીનમાં પણ મજબૂત ગતિ યથાવત છે, જ્યારે સિમેન્ટ અને એફએમસીજી સેગમેન્ટોમાં ઘટાડો જોવા મળ્યો છે.
• ગૌતમ અદાની હાલમાં એશિયાના સૌથી ધનિક વ્યક્તિ બની ગયા હોવાથી, ગ્રુપ શેરોમાં સકારાત્મક ભાવના જળવાઈ રહી છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ અદાની પાવર મજબૂત બુલિશ બાયસ સાથે ઊંચા હાઈ–લોઅની રચના બનાવી રહ્યો છે. શેરે તાજેતરમાં રેઝિસ્ટન્સ ઉપર બ્રેકઆઉટ આપતાં મજબૂતતાનો સંકેત આપ્યો છે. ગ્રુપના મોટાભાગના શેરો લાંબા ગાળાના સપોર્ટ લેવલ ઉપર સ્થિર છે, જ્યારે અદાની પોર્ટ્સમાં મર્યાદિત ઉછાળો યથાવત છે.
વિપરીત રીતે રિલાયન્સમાં વોલેટિલિટી યથાવત છે અને શેર ૨૦૦-ડી.એમ.એ. નજીક મર્યાદિત રેન્જમાં સીમિત દેખાઈ રહ્યો છે.
રોકાણ રણનીતિ :
• ઉછાળે નફારૂપી વેચવાલી કરવી યોગ્ય રહેશે.
• ઘટાડે તબક્કાવાર ખરીદીની વ્યૂહરચના અપનાવવી યોગ્ય.
• ઊંચી વોલેટિલિટી ધરાવતા સેક્ટર માટે સાવચેતી આવશ્યક છે.
• ટૂંકા ગાળાના ટ્રેડર્સે કડક સ્ટોપલોસ સાથે પોઝિશન જાળવવી.
ભાવિ દિશા :
આગામી સેશન્સમાં બજાર રેન્જ બાઉન્ડ રહી શકે છે. પાવર સેગમેન્ટમાં મજબૂત બુલિશ બાયસ યથાવત રહેવાની શક્યતા છે, જે અદાની ગ્રુપના માર્કેટ કેપને આવનારા દિવસોમાં વધુ મજબૂત સપોર્ટ પૂરો પાડી શકે છે.
