વર્તમાન કારોબારી સેશનમાં એપોલો માઇક્રો સિસ્ટમ્સના શેરમાં મજબૂત ઉછાળો નોંધાયો છે. કેન્દ્ર સરકાર તરફથી અમ્યુનિશન મેન્યુફેક્ચરિંગ માટે મંજૂરી મળતા સ્મોલકૅપ ડિફેન્સ શેરે ઇન્ટ્રાડે ટ્રેડિંગમાં લગભગ ૧૬ ટકા તેજી દર્શાવી છે.
કંપનીએ એક્સચેન્જ ફાઇલિંગમાં જણાવ્યું છે કે ભારત સરકારના કોમર્સ એન્ડ ઇન્ડસ્ટ્રી મંત્રાલય હેઠળ DPIIT દ્વારા કંપનીને હાઇ વેલ્યુ સ્ટ્રેટેજિક વેપન સિસ્ટમ્સ અને મ્યુનિશન્સ મેન્યુફેક્ચર, એસેમ્બલ અને ટેસ્ટ કરવાની લાઇફટાઇમ લાઇસન્સ મંજૂર કરવામાં આવ્યું છે.
કંપની વિશે :
એપોલો માઇક્રો સિસ્ટમ્સ ડિફેન્સ તથા ઔદ્યોગિક ક્ષેત્રે ઇલેક્ટ્રોનિક્સ અને એન્જિનિયરિંગ સોલ્યુશન્સ પૂરી પાડે છે. નવા લાઇસન્સ દ્વારા કંપનીને ૧૨.૭ મિમીથી ઉપરના કેટેગરી I અને કેટેગરી II પ્રોજેક્ટ્સ બનાવવા માટે મંજૂરી મળી છે. તેમાં મિસાઇલ્સ, એન્ટી-ટેંક મિસાઇલ્સ, ટોર્પિડોઝ, અંડરવોટર માઇન્સ, ચાફ્સ, ફ્લેર્સ, ડિકોયઝ, એરિયલ બોંબ્સ, રૉકેટ્સ અને લોઇટરિંગ મ્યુનિશન્સનો સમાવેશ થાય છે.
આ મંજૂરીને બજારમાં કંપનીના દીર્વગાળાના વૃદ્ધિ પોટેન્શિયલ તરીકે જોવામાં આવી રહી છે. ડિફેન્સ ઓર્ડર્સમાં વધતી પ્રવૃત્તિઓને કારણે રોકાણકારોમાં સકારાત્મક વલણ દેખાયું છે.
બજારના મુખ્ય પરિબળો :
સરકાર તરફથી લાઇસન્સ મળવાથી શેરમાં તાત્કાલિક બુલિશ બાયસ ઉત્પન્ન થયો છે. વોલેટિલિટી યથાવત હોવા છતાં રોકાણકારોએ મજબૂત ખરીદી જાળવી રાખી છે. ડિફેન્સ સેક્ટરમાં પસંદગીયુક્ત રોકાણ પ્રવૃત્તિ ચાલુ રહેતા સ્મોલકૅપ શ્રેણીમાં આ શેરે તેજી દર્શાવી છે.
સેક્ટર દૃષ્ટિકોણ :
ડિફેન્સ સેક્ટર હાલમાં રોકાણકારોના ફોકસમાં છે. સરકાર તરફથી મળતા કરારો અને ‘આત્મનિર્ભર ભારત’ અભિયાનને કારણે આ ક્ષેત્રમાં મર્યાદિત પણ સકારાત્મક ખરીદી યથાવત રહી છે. અન્ય ડિફેન્સ કંપનીઓમાં પણ મર્યાદિત ઉછાળો જોવા મળ્યો છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ શેરે તાજેતરના રેઝિસ્ટન્સ ઝોન ઉપર મજબૂત બ્રેકઆઉટ આપ્યો છે. ટૂંકાગાળાના ટ્રેડર્સ માટે મજબૂત ક્લોઝિંગ મહત્વપૂર્ણ રહેશે. ઉપરની તરફ ઉછાળે નફારૂપી વેચવાલી થઈ શકે છે, જ્યારે ઘટાડે તબક્કાવાર ખરીદી ચાલુ રહેવાની શક્યતા છે.
રોકાણ રણનીતિ :
• ટૂંકાગાળાના ટ્રેડર્સે કડક સ્ટોપલોસ સાથે પોઝિશન જાળવી રાખવી.
• ઉછાળે નફારૂપી વેચવાલી યોગ્ય રહેશે.
• ઘટાડે તબક્કાવાર ખરીદી અપનાવી શકાય.
• સાવચેતીનો માહોલ યથાવત હોવાથી મોટા પાયા પર પોઝિશન લેવાનું ટાળવું યોગ્ય રહેશે.
ભાવિ દિશા :
આગામી દિવસોમાં શેરમાં રેન્જ બાઉન્ડ ચાલ સાથે મર્યાદિત વોલેટિલિટી રહેવાની શક્યતા છે. સરકારના નવા ડિફેન્સ ઓર્ડર્સ અને નીતિ આધારિત અપડેટ્સ શેરની દિશા નક્કી કરશે.
