વર્તમાન કારોબારી સેશનમાં વૈશ્વિક જીઓપોલિટિકલ ટેન્શન અને હોર્મુઝ વિસ્તારમાં સપ્લાયની અસ્થિરતાને કારણે ક્રૂડ ઓઈલમાં તેજ ઊછાળો નોંધાયો છે. આ પરિસ્થિતિએ ભારતીય મેક્રો આર્થિક દૃશ્ય પર સીધો દબાણ ઉભો કર્યો છે અને બજારમાં સાવચેતીનો માહોલ યથાવત રહ્યો છે.
વેસ્ટ એશિયામાં વધતા તણાવને પગલે ક્રૂડના ભાવ બેરલ દીઠ લગભગ ૧૧૦ ડોલર નજીક પહોંચી ગયા છે. ઊંચા ક્રૂડ ભાવોને કારણે ભારતીય બજારમાં વોલેટિલિટી વધી છે અને બ્રોકરેજ હાઉસો તરફથી મેક્રો દૃષ્ટિકોણ અંગે ચિંતા વ્યક્ત કરવામાં આવી રહી છે.
બજારના મુખ્ય પરિબળો :
• ક્રૂડ ઓઈલના તેજ ઊછાળાને કારણે મોંઘવારીમાં વધારો અને કરંટ અકાઉન્ટ ડિફિસિટ પર દબાણ.
• વૈશ્વિક બ્રોકરેજ દ્વારા ભારતીય બજાર માટે આઉટલુકમાં ઘટાડો અને ટાર્ગેટ લેવલમાં ઘટાડો.
• એફઆઈઆઈ દ્વારા સતત નફારૂપી વેચવાલી અને રૂપિયાની કમજોરી યથાવત.
• જીઓપોલિટિકલ તણાવને કારણે સમૂહિક સાવચેતીનો માહોલ.
સેક્ટર દૃષ્ટિકોણ :
ક્રૂડના વધેલા ભાવનો નકારાત્મક પ્રભાવ એવિએશન, પેઇન્ટ્સ, ટાયર્સ, કેમિકલ્સ અને ઓએમસી ક્ષેત્રમાં નોંધાયો છે, જ્યાં માર્જિન પર દબાણ સર્જાયું છે. બીજી તરફ, ઓએનજીસી અને ઓઈલ ઈન્ડિયા જેવા અપસ્ટ્રીમ પ્લેયર્સને લાભ થવાની શક્યતા છે.
લોજિસ્ટિક્સ ખર્ચ અને કાચામાલના ભાવે વધારાના દબાણને કારણે આગામી ત્રિમાસિક ગાળામાં માર્જિન પર અસર જોવા મળી શકે છે.
આઈટી સેક્ટર હાલ મર્યાદિત મૂવમેન્ટ સાથે સાઈડવેઝ દિશામાં છે, જ્યારે બેન્કિંગ અને પીએસયૂ શેરોમાં રેટ વધારાની આશંકા સાથે દબાણ દેખાઈ રહ્યું છે.
ટેકનિકલ દૃષ્ટિકોણ :
ટેકનિકલ ચાર્ટ મુજબ બજાર હાલ રેન્જ બાઉન્ડ ટોન સાથે વોલેટિલિટી દર્શાવી રહ્યું છે. ટૂંકા ગાળામાં રેઝિસ્ટન્સ ઝોન નજીક ઊછાળે નફારૂપી વેચવાલી જોવા મળી શકે છે, જ્યારે પસંદગીયુક્ત લેવલ્સ પર ઘટાડે તબક્કાવાર ખરીદીનો અભિગમ લાભદાયક બની શકે છે.
મુખ્ય ઇન્ડેક્સ માટે સપોર્ટ લેવલ્સનું જાળવવું આગામી સેશન્સ માટે અગત્યનું રહેશે.
રોકાણ રણનીતિ :
• ટૂંકા ગાળાના ટ્રેડર્સે કડક સ્ટોપલોસ સાથે ટ્રેડ કરવું.
• ઊછાળે નફારૂપી વેચવાલી અધ્યતન રાખવી.
• ઘટાડે તબક્કાવાર ખરીદી કરીને ક્વોલિટી શેરોમાં પોઝિશન જાળવવી.
• પેનિક સેલિંગથી દૂર રહીને ડિફેન્સિવ સેક્ટરનું મર્યાદિત એક્સપોઝર જાળવવું.
ભાવિ દિશા :
આગામી દિવસોમાં ક્રૂડના ભાવ, જીઓપોલિટિકલ સમાચાર અને એફઆઈઆઈ પ્રવાહો બજારની દિશા નક્કી કરશે. શક્યતા છે કે બજાર સાવચેતીભર્યા રેન્જ બાઉન્ડ વલણ સાથે આગળ વધશે. જો ઊંચા ક્રૂડ ભાવ યથાવત રહે તો ભારતીય મેક્રો પરિસ્થિતિ પર વધુ દબાણ આવી શકે છે, જ્યારે અપસ્ટ્રીમ ઓઈલ અને ગેસ કંપનીઓમાં મજબૂત મૂવમેન્ટ જોવા મળી શકે છે.
