રોકાણકાર મિત્રો, આનંદ ને…!! તા.૨૫.૦૩.૨૦૨૬ ના રોજ…
ડોનાલ્ડ ટ્રમ્પે જ્યારથી પાંચ દિવસ માટે ઈરાન પર હુમલા રોકવાની જાહેરાત કરી છે ત્યારથી વિશ્વભરના બજારોમાં ફરી એકવાર તેજી જોવા મળી રહી છે. સેન્સેક્સમાં આજે એકતરફી તેજી જોવા મળી છે. વેલ્યુ બાયિંગ, શોર્ટ કવરિંગ અને સંસ્થાગત સપોર્ટ વચ્ચે બજારમાં વ્યાપક તેજી, રોકાણકારોમાં વિશ્વાસ વધ્યો હતો.
એક તરફ યુદ્ધ શાંત થવાના સંકેત અને વૈશ્વિક બજારના પોઝિટિવ સંકેતો તથા ઘરેલુ સંસ્થાગત રોકાણકારોની ભારે ખરીદીને કારણે આજે ભારતીય શેરબજારમાં દિવાળી જેવો માહોલ જોવા મળ્યો છે. સેન્સેક્સ અને નિફ્ટી બંને ઇન્ડેક્સ આજે લીલા નિશાન સાથે મજબૂતી શરૂ કરી ચૂક્યા છે. જેનાથી રોકાણકારોની સંપત્તિમાં કરોડો રૂપિયાનો વધારો થયો છે.
બીએસઇ સેન્સેક્સ :- ઇન્ટ્રા ડે ટ્રેડીંગની શરૂઆતે બીએસઇ સેન્સેક્સ આગલા બંધ ૭૪૦૬૮ સામે ૭૪૬૫૨ પોઈન્ટના મથાળેથી ખુલીને ૭૪૫૫૦ પોઈન્ટના નીચા મથાળેથી નવી લેવાલી દ્વારા સેન્સેક્સ આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૧૨૯૯ પોઈન્ટની મુવમેન્ટ નોંધાવી ભારતીય શેરબજારનો સેન્સેક્સ ૧૨૦૫ પોઈન્ટના ઉછાળા સાથે ૭૫૨૭૩ પોઈન્ટ આસપાસ મજબૂતી સાથે બંધ થયેલ..!!!
નિફ્ટી ફ્યુચર :- ઇન્ટ્રા ડે ટ્રેડીંગની શરૂઆતે નિફ્ટી ફ્યુચર આગલા બંધ ૨૨૯૨૮ સામે ૨૩૦૭૫ પોઈન્ટના મથાળેથી ખુલીને ૨૩૦૬૪ પોઈન્ટના નીચા મથાળેથી નવી લેવાલી દ્વારા નિફ્ટી ફ્યુચર આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૩૯૬ પોઈન્ટની મુવમેન્ટ નોંધાવી નિફ્ટી ફ્યુચર ૩૮૧ પોઈન્ટના ઉછાળા સાથે ૨૩૩૧૦ પોઈન્ટ આસપાસ મજબૂતી સાથે બંધ થયેલ..!!!
તોફાની તેજીના મુખ્ય કારણો :
અમેરિકા-ઈરાન વચ્ચે શાંતિની આશા : બજારમાં તેજીનું સૌથી મોટું કારણ મિડલ ઈસ્ટના તણાવમાં ઘટાડો થવાના સંકેતો છે. અમેરિકી રાષ્ટ્રપતિ ડોનાલ્ડ ટ્રમ્પ અને ઈરાની નેતૃત્વ વચ્ચે ‘પ્રોડક્ટિવ’ વાતચીત થઈ હોવાના અહેવાલોથી રોકાણકારોમાં ઉત્સાહ વધ્યો છે. ઈરાને હોર્મુઝની સામુદ્રધુની માંથી જહાજોની અવરજવર ચાલુ રાખવાની ખાતરી આપતા ઊર્જા સંકટ હળવું થવાની આશા જાગી છે.
બેન્કિંગ અને ફાઈનાન્શિયલ સ્ટોક્સમાં જોરદાર ખરીદી : આજના ઉછાળામાં બેન્કિંગ સેક્ટરે આગેવાની લીધી છે. એચડીએફસી બેંક, એસબીઆઈ જેવા હેવીવેઈટ શેરોમાં રોકાણકારોએ નીચા ભાવે ભારે ખરીદી કરી છે. બેન્કિંગ ઈન્ડેક્સમાં આવેલી મજબૂતીએ સેન્સેક્સને ૧૬૦૦ પોઈન્ટથી વધુ ઉપર ધકેલવામાં મદદ કરી છે.
ક્રૂડ ઓઈલના ભાવમાં મોટો ઘટાડો : યુદ્ધ વિરામની ચર્ચાઓને કારણે આંતરરાષ્ટ્રીય બજારમાં બ્રેન્ટ ક્રૂડ ઓઈલના ભાવમાં ૫% થી વધુનો ઘટાડો નોંધાયો છે. ક્રૂડ ઓઈલના ભાવ $૧૦૦પ્રતિ બેરલની નીચે (આશરે $૯૬-$૯૮) આવી જવાથી ભારત જેવા તેલ આયાતકાર દેશ માટે મોંઘવારી ઘટવાની આશા જન્મી છે, જે શેરબજાર માટે બુસ્ટર ડોઝ સમાન સાબિત થયું છે.
વૈશ્વિક બજારોનો સાથ : માત્ર ભારત જ નહીં, પરંતુ એશિયાઈ અને યુએસ ફ્યુચર્સ માર્કેટમાં પણ હકારાત્મક વલણ જોવા મળ્યું છે. ડોલર ઇન્ડેક્સમાં નરમાશ અને અમેરિકી બોન્ડ યીલ્ડમાં ઘટાડાને કારણે ઇમર્જિંગ માર્કેટ્સમાં ફરીથી નાણાંનો પ્રવાહ શરૂ થયો છે.
મંદીના સંભવિત કારણો : બજારમાં તેજી હોવા છતાં વૈશ્વિક જીઓ-પોલિટિકલ તણાવ હજુ પણ જોખમરૂપ છે.ક્રૂડ ઓઈલના ભાવમાં ફરી વધારો થાય તો મોંઘવારી અંગે ચિંતા વધી શકે છે.એફઆઈઆઈ દ્વારા નફાવસૂલ પ્રવૃત્તિ ટૂંકા ગાળે બજારમાં વોલેટિલિટી વધારી શકે છે.
વૈશ્વિક બજારોની અસર : એશિયન બજારોમાં સુધારો અને અમેરિકન બજારોમાં સ્થિરતા ભારતીય બજાર માટે સકારાત્મક સાબિત થઈ છે.ડોલર ઈન્ડેક્સમાં નરમાઈ અને બોન્ડ યીલ્ડમાં ઘટાડો પણ ઉભરતા બજારો માટે અનુકૂળ પરિસ્થિતિ ઉભી કરે છે.
વિશ્વ સમાચાર અને વૈશ્વિક પરિબળો : તાજેતરના વૈશ્વિક વિકાસ મુજબ ઊર્જા બજારમાં તણાવમાં મર્યાદિત શાંતિ જોવા મળી છે, જેના કારણે રોકાણકારોના સેન્ટિમેન્ટમાં સુધારો થયો છે.અમેરિકન ફેડની નીતિ અંગે સ્પષ્ટતા અને વૈશ્વિક અર્થતંત્રમાં સ્થિરતા બજાર માટે સકારાત્મક છે.ચીનના પ્રોત્સાહક પગલાં વૈશ્વિક માંગમાં સુધારો લાવી શકે છે.
સ્થાનિક પરિબળો : ભારતની મજબૂત જીડીપી વૃદ્ધિ, વધતી ઈન્ફ્રાસ્ટ્રક્ચર પ્રવૃત્તિ અને મજબૂત બેન્કિંગ સિસ્ટમ બજાર માટે લાંબા ગાળે સપોર્ટ આપે છે.રિટેલ રોકાણકારોની વધતી ભાગીદારી બજારને સ્થિર બનાવે છે.
સેક્ટરવાઇઝ થયેલી મૂવમેન્ટ : બેન્કિંગ, ફાઇનાન્સ, ઓટો અને ઈન્ફ્રાસ્ટ્રક્ચર સેક્ટરમાં મજબૂત તેજી જોવા મળી હતી.આઈટી અને મેટલ સેક્ટરમાં રિકવરી જોવા મળી હતી.એફેમ્સીજીઅને ફાર્મા સેક્ટર સ્થિર રહ્યા હતા.
કોમોડિટી બજાર અપડેટ : ગોલ્ડના ભાવમાં થોડો ઘટાડો નોંધાયો હતો કારણ કે રોકાણકારો ઇક્વિટી તરફ વળ્યા હતા.સિલ્વરમાં મિશ્ર ટ્રેન્ડ જોવા મળ્યો હતો. બેઝ મેટલ્સમાં સુધારો નોંધાયો હતો.ક્રૂડ ઓઈલના ભાવમાં સ્થિરતા બજાર માટે સકારાત્મક રહી હતી.
