વર્તમાન કારોબારી સેશનમાં ગ્રેટ ઈસ્ટર્ન શિપિંગના શેરોમાં તાજેતરના દિવસોમાં નોંધાયેલો ઉછાળો યથાવત રહ્યો છે. વેસ્ટ એશિયા ક્ષેત્રમાં ચાલી રહેલા યુદ્ધ જેવી પરિસ્થિતિઓએ વૈશ્વિક ફ્રેટ બજારમાં ભારે વોલેટિલિટી ઊભી કરી છે, જેના સીધા ફાયદા કંપનીને મળ્યા છે.
બાલ્ટિક ડર્ટી ઈન્ડેક્સ અને બાલ્ટિક ક્લીન ઈન્ડેક્સ – બન્નેમાં ચાર્ટર રેટ્સ છેલ્લા બાર મહિનાના સરેરાશની સરખામણીએ બમણા થયા છે. કંપનીની ‘જગ લાડકી’ અને ‘જગ પ્રકાશ’ જેવા વહાણોએ હોર્મુઝ ખાડીમાંથી સફળતાપૂર્વક પસાર થતા રોકાણકાર Sentiment મજબૂત બન્યો છે.
કંપની વિશે :
મુંબઈ સ્થિત ગ્રેટ ઈસ્ટર્ન શિપિંગ દેશની સૌથી મોટી પ્રાઇવેટ શિપિંગ કંપની ગણાય છે. કંપની પાસે કુલ ૪૦ વહાણોનો ફ્લીટ છે, જેમાં ૫ ક્રૂડ કેરિયર્સ, ૧૬ પ્રોડક્ટ ટાંક્કર્સ, ૫ એલપિજિ વહાણો અને ૧૪ ડ્રાય બલ્ક કેરિયર્સ સામેલ છે. હાલમાં કંપનીના ક્રૂડ ટાંક્કર વહાણો સંપૂર્ણપણે સ્પોટ માર્કેટમાં કાર્યરત છે, જ્યારે ડ્રાય બલ્ક વહાણોમાં લગભગ ૮૦ થી ૮૫ ટકાની સ્પોટ એક્સપોઝર સ્થિતિ છે. આ મજબૂત પોઝિશનિંગ વધતા દરોમાં ફાયદાકારક સાબિત થઈ રહ્યું છે.
નાના ભારતીય શિપિંગ ઓપરેટર્સની સરખામણીએ કંપનીની વૈશ્વિક ઉપસ્થિતિ વધુ હોવાથી આંતરરાષ્ટ્રીય દરોમાં થયેલા ઉછાળાનો સીધો લાભ ગ્રેટ ઈસ્ટર્ન શિપિંગને પ્રાપ્ત થયો છે.
બજારના મુખ્ય પરિબળો :
વેસ્ટ એશિયામાં વધતા તણાવને કારણે વૈશ્વિક સપ્લાય રૂટમાં અનિશ્ચિતતા વધી છે. તેની અસર રૂપે શિપિંગ રેટ્સમાં મજબૂત ઉછાળો જોવા મળી રહ્યો છે. હાલ સ્પોટ માર્કેટમાં મળતા દરો છેલ્લા એક વર્ષના ચાર્ટર રેટ્સની સરખામણીએ બમણા છે. આ વોલેટિલિટી વચ્ચે કંપનીની સ્પોટ માર્કેટ રણનીતિ તેને આગળ ધપાવી રહી છે.
રેટિંગ એજન્સી Brickwork અને Crisil દ્વારા કંપની માટે આપેલા સકારાત્મક મૂલ્યાંકનથી રોકાણકાર વિશ્વાસ વધ્યો છે. Crisil એ કંપનીનો AAA રેટિંગ યથાવત રાખ્યો છે.
નાણાકીય પરિણામો :
કંપનીએ ડિસેમ્બર ક્વાર્ટરમાં ₹૧,૭૩૭ કરોડનું આવક નોંધાવ્યું હતું, જે આશરે ૧૬ ટકા ઉછાળો દર્શાવે છે. નેટ પ્રોફિટ ₹૮૧૩ કરોડ રહ્યો હતો. ગ્રેટશિપ ઈન્ડિયા (સબસિડિયરી)નો ફાળો પણ મજબૂત રહ્યો છે. ૩૧ ડિસેમ્બર સુધી કંપની નેટ કેશ પોઝિટિવ ₹૭,૨૭૭ કરોડ પર હતી.
ભાવિ દિશા :
આગામી દિવસોમાં જો વેસ્ટ એશિયાના જીઓપોલિટિકલ પરિબળો યથાવત રહેશે તો વૈશ્વિક ચાર્ટર રેટ્સમાં વોલેટિલિટી ચાલુ રહેવાની શક્યતા છે. કંપનીનું વર્તમાન સ્પોટ પોઝિશનિંગ બુલિશ બાયસ જાળવે છે, જોકે ઊંચા દરોમાં પ્રોફિટ બુકિંગની સંભાવના પણ નકારી શકાય નહીં. મર્યાદિત સાવચેતી સાથે રોકાણકારો માટે આ સ્ટોક ક્વોલિટી શેર તરીકે ધ્યાનમાં રાખવા યોગ્ય છે.
