રોકાણકાર મિત્રો, આનંદ ને…!! તા.૧૬.૦૩.૨૦૨૬ ના રોજ…
ક્રૂડ ઓઈલના ભાવમાં ઉતાર-ચઢાવ, વૈશ્વિક જીઓ-પોલિટિકલ તણાવ અને સંસ્થાગત રોકાણકારોની ગતિવિધિ વચ્ચે બજારમાં મિશ્ર પરંતુ સ્થિર વલણ જોવા માળિયું હતું. તાજેતરના ટ્રેડિંગ સેશનમાં ભારતીય શેરબજારમાં ઊંચી વોલેટિલિટી સાથે મિશ્ર ટ્રેન્ડ જોવા મળ્યો હતો.
ઈરાન વિરૂધ્ધ ઈઝરાયેલ-અમેરિકાનું યુદ્વ વિશ્વના ઓઈલ-ગેસના પુરવઠા સાથે અન્ય ચીજોના આયાત-નિકાર વેપારને ઠપ્પ કરી દેનારૂ કટોકટીનું બની રહ્યું હોઈ યુદ્વમાં સ્ટ્રેટ્સ ઓફ હોર્મુસ થકી થતાં જહાજોના વહનને અટકાવી દેનાર ઈરાનના પ્રતિકાર માટે અમેરિકી રાષ્ટ્રપતિ ડોનાલ્ડ ટ્રમ્પે નાટો દેશોને મદદે આવવા આજીજી કરવા લાગતાં, પરંતુ નાટો દેશો આ મામલે હજુ અસંમત હોઈ નાટો સંગઠનમાં તડાં વચ્ચે ગમે તે ઘડીએ યુદ્વ મામલે સમજૂતીની અટકળો થવા લાગતાં આજે શેરોમાં મિશ્ર વલણ જોવાયું ત્યારબાદ તેજી જોવા મળી હતી.
શરૂઆતમાં વૈશ્વિક નબળા સંકેતોના કારણે બજારમાં દબાણ જોવા મળ્યું હતું, પરંતુ દિવસ દરમિયાન સ્થાનિક સંસ્થાગત રોકાણકારોની ખરીદી અને પસંદગી આધારિત સ્ટોક પિકિંગને કારણે બજારમાં સુધારો નોંધાયો હતો.મુખ્ય સૂચકાંકોમાં દિવસ દરમિયાન તીવ્ર ઉતાર-ચઢાવ નોંધાયા હતા, જે રોકાણકારોની અનિશ્ચિતતા દર્શાવે છે. લાર્જકેપ શેરો ઉપરાંત મિડકેપ અને સ્મોલકેપ સેગમેન્ટમાં પણ મિશ્ર પ્રવૃત્તિ જોવા મળી હતી.બજારમાં એક તરફ નકારાત્મક વૈશ્વિક પરિબળોનો દબાણ હતો, જ્યારે બીજી તરફ સ્થાનિક અર્થવ્યવસ્થાની મજબૂતી અને રોકાણકારોની ભાગીદારી બજારને સપોર્ટ આપી રહી હતી.
બીએસઇ સેન્સેક્સ :- ઇન્ટ્રા ડે ટ્રેડીંગની શરૂઆતે બીએસઇ સેન્સેક્સ આગલા બંધ ૭૫૫૦૨ સામે ૭૫૮૨૬ પોઈન્ટના મથાળેથી ખુલીને ૭૫૨૩૪ પોઈન્ટના નીચા મથાળેથી નવી લેવાલી દ્વારા સેન્સેક્સ આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૯૮૦ પોઈન્ટની મુવમેન્ટ નોંધાવી ભારતીય શેરબજારનો સેન્સેક્સ ૫૬૭ પોઈન્ટના ઉછાળા સાથે ૭૬૦૭૦ પોઈન્ટ આસપાસ મજબૂતી સાથે બંધ થયેલ..!!!
નિફ્ટી ફ્યુચર :- ઇન્ટ્રા ડે ટ્રેડીંગની શરૂઆતે નિફ્ટી ફ્યુચર આગલા બંધ ૨૩૪૨૯ સામે ૨૩૫૨૦ પોઈન્ટના મથાળેથી ખુલીને ૨૩૩૭૨ પોઈન્ટના નીચા મથાળેથી નવી લેવાલી દ્વારા નિફ્ટી ફ્યુચર આધારિત શેરોમાં તબક્કાવાર ખરીદીનો માહોલ જોવા મળ્યો… સરેરાશ ૨૯૭ પોઈન્ટની મુવમેન્ટ નોંધાવી નિફ્ટી ફ્યુચર ૧૮૩ પોઈન્ટના ઉછાળા સાથે ૨૩૬૧૩ પોઈન્ટ આસપાસ મજબૂતી સાથે બંધ થયેલ..!!!
માર્કેટ બ્રેડ્થ : બજારની બ્રેડ્થ મિશ્રથી નકારાત્મક તરફ ઝુકેલી રહી હતી. ઘણાં સેશનમાં ઘટતા શેરોની સંખ્યા વધતા શેરોની તુલનામાં વધારે રહી હતી, જે દર્શાવે છે કે બજારમાં વ્યાપક સ્તરે દબાણ યથાવત હતું.મિડકેપ અને સ્મોલકેપ શેરોમાં પણ વેચવાલી જોવા મળતા રોકાણકારો જોખમવાળા સેગમેન્ટમાં સાવચેત બની રહ્યા છે.તેથી છતાં, કેટલાક સેક્ટરોમાં પસંદગી આધારિત ખરીદીના કારણે સંપૂર્ણ નબળાઈ જોવા મળી નહોતી.
તેજી માટે જવાબદાર પરિબળો : સ્થાનિક સંસ્થાગત રોકાણકારો દ્વારા સતત ખરીદી બજાર માટે મહત્વપૂર્ણ સપોર્ટ બની રહી છે. મ્યુચ્યુઅલ ફંડ ઇનફ્લો અને રિટેલ રોકાણકારોની ભાગીદારી બજારને સ્થિરતા પ્રદાન કરી રહી છે.બેન્કિંગ સેક્ટરના મજબૂત ફંડામેન્ટલ્સ અને ક્રેડિટ ગ્રોથના સકારાત્મક સંકેતો બજારમાં વિશ્વાસ જાળવી રાખે છે.સરકારી ઈન્ફ્રાસ્ટ્રક્ચર ખર્ચ અને કેપિટલ એક્સપેન્ડિચરમાં વધારો લાંબા ગાળે બજાર માટે સકારાત્મક પરિબળ છે.કેટલાક સ્ટોક્સમાં તાજેતરના કરેકશન બાદ વેલ્યુ બાયિંગ પણ જોવા મળ્યું હતું, જે બજારને તળિયે સપોર્ટ આપે છે.
મંદીના મુખ્ય કારણો : વૈશ્વિક જીઓ-પોલિટિકલ તણાવ બજાર માટે સૌથી મોટું નકારાત્મક પરિબળ બની રહ્યું છે. ખાસ કરીને મધ્ય પૂર્વમાં વધતા તણાવને કારણે ઊર્જા સપ્લાય અંગે ચિંતાઓ ઊભી થઈ છે.ક્રૂડ ઓઈલના ભાવમાં તીવ્ર વધારો ભારત જેવા આયાતકાર દેશ માટે નકારાત્મક અસર કરે છે, જે મોંઘવારી અને કરન્ટ એકાઉન્ટ ડિફિસિટ પર દબાણ ઊભું કરી શકે છે.વિદેશી સંસ્થાગત રોકાણકારો દ્વારા સતત વેચવાલી પણ બજાર પર દબાણ વધારતી જોવા મળી છે.આઈટી અને મેટલ સેક્ટરમાં વૈશ્વિક માંગમાં નબળાઈ અને મંદીનો ભય પણ રોકાણકારોને સાવચેત રાખે છે.
વૈશ્વિક બજારોની અસર : વૈશ્વિક બજારોમાં અસ્થિરતા ભારતીય શેરબજાર માટે મહત્વપૂર્ણ પરિબળ બની રહી છે. અમેરિકન બજારોમાં તીવ્ર ઉતાર-ચઢાવ અને યુરોપિયન બજારોમાં નબળાઈ ઉભરતા બજારોમાં રોકાણકારોની ભાવનાને અસર કરે છે.એશિયન બજારોમાં પણ મિશ્ર ટ્રેન્ડ જોવા મળતા વૈશ્વિક સ્તરે અનિશ્ચિતતા યથાવત રહી છે.વ્યાજદરની નીતિ, મોંઘવારીના આંકડા અને કરન્સી મૂવમેન્ટ જેવા પરિબળો વૈશ્વિક રોકાણકારોના નિર્ણયોને પ્રભાવિત કરે છે.
સ્થાનિક પરિબળો : ભારતની મજબૂત આર્થિક વૃદ્ધિ, વધતો ઈન્ફ્રાસ્ટ્રક્ચર ખર્ચ અને મજબૂત બેન્કિંગ સિસ્ટમ બજાર માટે સકારાત્મક પરિબળ છે.સ્થાનિક રોકાણકારોની સતત ભાગીદારી અને મ્યુચ્યુઅલ ફંડ ઇનફ્લો બજારને સ્થિરતા આપે છે.સરકાર દ્વારા લેવામાં આવતા રિફોર્મ્સ અને વિકાસ પ્રોજેક્ટ્સ લાંબા ગાળે બજાર માટે સકારાત્મક દિશામાં કામ કરે છે.
સેક્ટરવાઇઝ થયેલી મૂવમેન્ટ : સેક્ટરવાઇઝ જોવામાં આવે તો બેન્કિંગ સેક્ટરમાં મર્યાદિત સ્થિરતા જોવા મળી હતી, જ્યારે આઈટી અને મેટલ સેક્ટરમાં નબળાઈનો ટ્રેન્ડ રહ્યો હતો.ઓટો સેક્ટરમાં મિશ્ર પ્રદર્શન નોંધાયું હતું, જ્યારે એફેમ્સીજી અને ફાર્મા સેક્ટરમાં ડિફેન્સિવ ખરીદી જોવા મળી હતી.કેપિટલ ગુડ્સ અને ઈન્ફ્રાસ્ટ્રક્ચર સેક્ટરમાં લાંબા ગાળાની થીમને કારણે પસંદગી આધારિત ખરીદી જોવા મળી હતી.
કોમોડિટી બજાર અપડેટ : કોમોડિટી બજારમાં તીવ્ર ઉતાર-ચઢાવ જોવા મળ્યો હતો. ગોલ્ડના ભાવમાં સલામત રોકાણ તરીકે માંગ વધતા તેજી નોંધાઈ હતી.સિલ્વરમાં મિશ્ર ચળવળ જોવા મળી હતી, જ્યારે બેઝ મેટલ્સમાં વૈશ્વિક માંગમાં નબળાઈને કારણે દબાણ રહ્યું હતું.ક્રૂડ ઓઈલના ભાવમાં તેજી ઊર્જા બજાર માટે મહત્વપૂર્ણ પરિબળ બની રહી છે અને તેનો સીધો પ્રભાવ ભારતીય અર્થવ્યવસ્થા પર પડી શકે છે.
આગામી ટ્રેન્ડ : વૈશ્વિક વિકાસ મુજબ અમેરિકા, ઇઝરાયલ અને ઇરાન વચ્ચે વધતા તણાવને કારણે વૈશ્વિક બજારોમાં ચિંતા વધી છે. ઊર્જા સપ્લાય ચેઇન પર પડતા પ્રભાવને કારણે ક્રૂડ ઓઈલના ભાવમાં તેજી જોવા મળી રહી છે.કેટલાક મોટા અર્થતંત્રોમાં વૃદ્ધિ ધીમી પડવાના સંકેતો જોવા મળતા વૈશ્વિક વેપાર પર અસર પડી રહી છે.યુએસ ફેડરલ રિઝર્વની વ્યાજદર નીતિ અંગેની અનિશ્ચિતતા અને મોંઘવારીના આંકડાઓ વૈશ્વિક બજારો માટે મુખ્ય ફોકસ પોઇન્ટ છે.
