રોકાણકાર મિત્રો, આનંદ ને…!!
આજના ટ્રેડિંગ સેશનની શરૂઆતમાં ભારતીય શેરબજારમાં ઘટાડા સાથે નરમ માહોલ જોવા મળ્યો હતો. નિફ્ટી અને બેંક નિફ્ટી બંને સૂચકાંકોએ ગેપ-ડાઉન ઓપનિંગ આપી હતી, જેના કારણે પ્રારંભિક કલાકોમાં દબાણ નોંધાયું હતું. વૈશ્વિક બજારોના નકારાત્મક સંકેતો અને ઊંચા સ્તરે નફા વસૂલીને કારણે રોકાણકારોમાં સાવચેતીભર્યું વલણ જોવા મળી રહ્યું છે. ખાસ કરીને બેન્કિંગ અને આઈટી સેક્ટરમાં શરૂઆતમાં વેચવાલી દેખાઈ હતી, જ્યારે ડિફેન્સિવ સેક્ટર જેવા કે એફએમસીજીમાં સ્થિરતા જોવા મળી રહી છે.
વૈશ્વિક મોરચે હાલમાં મિશ્ર અને સાવચેતીભર્યો માહોલ જોવા મળી રહ્યો છે. યુએસ બજારોમાં રોકાણકારો ફુગાવાના આંકડા (CPI/PPI) અને ફેડરલ રિઝર્વના વ્યાજદર સંબંધિત સંકેતો પર નજર રાખી રહ્યા છે. વ્યાજદર લાંબા સમય સુધી ઊંચા રહેવાની શક્યતા કારણે ટેકનોલોજી અને ગ્રોથ સ્ટોક્સમાં અસ્થિરતા જોવા મળી રહી છે.
FII/DII અને વૈશ્વિક સંકેતો :
વૈશ્વિક મોરચે, યુએસ બજારોમાં ગઈ રાતે નરમ બંધ અને એશિયન બજારોમાં ઘટાડાનો માહોલ જોવા મળ્યો હતો, જેના પ્રભાવથી સ્થાનિક બજારમાં પણ ગેપ-ડાઉન શરૂઆત થઈ છે. CPI ફુગાવાના આંકડા અને વ્યાજદર અંગેની અનિશ્ચિતતા વૈશ્વિક રોકાણકારોને સાવચેત રાખી રહી છે. સ્થાનિક સ્તરે FIIs અને DIIs નીચલા સ્તરે સપોર્ટ આપવા પ્રયત્ન કરી રહ્યા છે, જે બજાર માટે આંશિક સકારાત્મક સંકેત છે.
ડોલર ઇન્ડેક્સ મજબૂત રહેતા ઉદયમાન બજારો માંથી મૂડી બહાર જવાની આશંકા રહે છે. સાથે સાથે, સોનું ‘સેફ હેવન’ તરીકે મજબૂત થઈ રહ્યું છે, જે વૈશ્વિક અનિશ્ચિતતાનું પ્રતિબિંબ છે. કુલ મળીને, વૈશ્વિક બજારો હાલમાં ડેટા આધારિત અને સમાચાર આધારિત ટ્રેડિંગ ઝોનમાં છે, જેના પ્રભાવથી ભારતીય બજારમાં પણ ટૂંકા ગાળે વોલેટિલિટી ચાલુ રહેવાની શક્યતા છે.
કોમોડિટી બજાર :
- ક્રૂડ ઓઈલ: ક્રૂડના ભાવ હાલમાં ઊંચા સ્તરે સ્થિર રહેતા વૈશ્વિક બજારમાં મોંઘવારી અંગે ફરી ચિંતા ઊભી થઈ રહી છે. મધ્ય પૂર્વમાં વધતી જીઓ-પોલિટિકલ અનિશ્ચિતતા અને ઓપેક દેશો દ્વારા સપ્લાય મેનેજમેન્ટની નીતિને કારણે ભાવમાં મજબૂતી છે. ભારત તેની જરૂરિયાતનું આશરે ૮૦% ક્રૂડ આયાત કરતું હોવાથી વધતા ભાવ વેપાર ખાધ (Trade Deficit) વધારી શકે છે અને રૂપિયા પર દબાણ ઊભું કરી શકે છે. ઉપરાંત, ટ્રાન્સપોર્ટ અને ઉત્પાદન ખર્ચ વધતા મોંઘવારીના આંકડા પર અસર પડી શકે છે, જે RBIની નીતિ પર પણ પ્રભાવ પાડી શકે છે.
- સોનું અને ચાંદી : વૈશ્વિક અનિશ્ચિતતા, ડોલરની હલચલ અને વ્યાજદર અંગેની અસ્પષ્ટતાને કારણે સોનું ‘સેફ હેવન’ તરીકે મજબૂત બન્યું છે. હાલમાં સોનું અંદાજે રૂ. ૧,૫૭,૮૯૬ આસપાસ ટ્રેડ થઈ રહ્યું છે, જેમાં રોકાણકારો લાંબા ગાળાના હેજિંગ માટે રસ બતાવી રહ્યા છે. બીજી તરફ, ચાંદી રૂ. ૨,૬૦,૩૧૩ નજીક અસ્થિર હલચલ દર્શાવી રહી છે. ચાંદીમાં ઔદ્યોગિક માંગનો પણ મોટો હિસ્સો હોવાથી તેમાં વોલેટિલિટી વધુ રહે છે. ટૂંકા ગાળામાં ચાંદીમાં ટ્રેડિંગ અવસર છે, પરંતુ જોખમ પણ સમાન પ્રમાણમાં ઊંચું છે.
- બેઝ મેટલ્સ :- ચીનના અર્થતંત્રમાંથી મળતા મિશ્ર સંકેતોને કારણે કોપર, એલ્યુમિનિયમ અને જિંક જેવી બેઝ મેટલ્સમાં નરમાઈ જોવા મળી રહી છે. ચીન વૈશ્વિક મેટલ્સનો મોટો ઉપભોક્તા હોવાથી તેની માંગમાં ઘટાડો ભાવ પર સીધી અસર કરે છે. ડોલર મજબૂત રહેતા પણ કોમોડિટી ભાવ પર દબાણ રહે છે. આ પરિસ્થિતિ મેટલ સેક્ટરના શેરોમાં ટૂંકા ગાળે દબાણ સર્જી શકે છે, જોકે લાંબા ગાળે ઈન્ફ્રાસ્ટ્રક્ચર અને ઔદ્યોગિક વૃદ્ધિ સાથે સુધારાની શક્યતા યથાવત છે.
સ્થાનિક સ્તરે :- RBI અને રૂપિયો
RBI દ્વારા રેપો રેટ ૫.૨૫% પર યથાવત રાખવાની નીતિથી વ્યાજદર અંગે સ્પષ્ટતા છે, પરંતુ વૈશ્વિક પરિબળોને કારણે રૂપિયો ડોલર સામે ૯૦.૬૦-૯૦.૭૦ ની રેન્જમાં નરમાઈ દર્શાવી રહ્યો છે. રૂપિયામાં નરમાઈ વિદેશી મૂડી પ્રવાહને અસર કરી શકે છે.
ટેકનિકલ એનાલિસીસ :
બજારની માર્કેટ બ્રેડ્થ જોઈએ તો કુલ ૩૨૨૫ સ્ક્રિપોમાંથી ૧૧૬૨ વધનાર અને ૧૮૯૭ ઘટનાર શેર રહ્યા છે. આ ડેટા સૂચવે છે કે તેજી પ્રોફિટ બુકિંગ સાથે આગળ વધી રહી છે.
નિફ્ટી ફ્યુચર ટ્રેન્ડ :
નિફ્ટી ફ્યુચરમાં શરૂઆત ઉછાળે વેચવાલી ડાઉનટ્રેન્ડમાં જોવાં મળી છે. ટ્રેડિંગના સંદર્ભમાં જોઈએ તો ૨૫૮૦૮ પ્રથમ અને ૨૫૭૩૭ અતિ મહત્વના સ્ટ્રોંગ સપોર્ટ લેવલ છે. ઉપરની તરફ ૨૫૯૭૯ થી ૨૬૦૦૬ ની સપાટી સ્પર્શી શકે છે. ૨૬૦૦૬ પોઈન્ટ નજીક નવી પોઝિશન બનાવતી વખતે સાવધાનીપૂર્વક કામકાજ કરવાની સલાહ છે.
સ્ટોક સ્પેશિફિક ટ્રેન્ડ :
- એક્સીસ બેન્ક ( ૧૩૫૩ ) :- પ્રાઇવેટ બેન્ક સેક્ટરનો આ સ્ટોક રૂ.૧૩૪૦ નો પ્રથમ તેમજ રૂ.૧૩૨૭ ના બીજા સ્ટ્રોંગ સપોર્ટથી ટૂંકા સમયગાળે રૂ.૧૩૬૩ થી રૂ.૧૩૭૦ આસપાસ ભાવ સપાટી નોંધાવે તેવી શક્યતા છે…!! રૂ.૧૩૭૬ ઉપર તેજી તરફી ધ્યાન…!!
- ગોદરેજ કન્ઝ્યુમર ( ૧૨૦૨ ) :- A /T+1 ગ્રુપનો આ સ્ટોક રૂ.૧૧૯૦ આસપાસ પોઝીટીવ બ્રેકઆઉટ…!! રૂ.૧૧૮૩ ના સપોર્ટથી આ સ્ટોક રૂ.૧૨૧૩ થી રૂ.૧૨૨૦ આસપાસ ભાવ સપાટી નોંધાવે તેવી સંભાવના છે…!!
- અદાણી ગ્રીન ( ૯૮૭ ) :- રૂ.૯૭૭ નો પ્રથમ તેમજ રૂ.૯૭૦ ના બીજા સપોર્ટથી પાવર જનરેશન સેક્ટરનો રોકાણલક્ષી આ સ્ટોક રૂ.૯૯૭ થી રૂ.૧૦૦૩ આસપાસ ભાવ સપાટી નોંધાવે તેવી શક્યતા છે…!!
- એસબીઆઈ કાર્ડ્સ ( ૭૬૧ ) :- નોન બેન્કિંગ ફાઈનાન્શીયલ કંપની સેક્ટરનો આ સ્ટોક ટ્રેડીંગલક્ષી રૂ.૭૪૭ થી રૂ.૭૭૮ ના ભાવ સપાટીની રેન્જ મુવમેન્ટ ધરાવે છે…!! અંદાજીત રૂ.૭૪૦ નો સ્ટ્રોંગ સપોર્ટ ધ્યાને લેવો…!!!
બજારની ભાવિ દિશા :
આજની ઘટાડાવાળી શરૂઆત છતાં બજાર સંપૂર્ણપણે નબળું નથી. મહત્વના સપોર્ટ લેવલ નજીક ‘Buy on Dips’ વ્યૂહરચના અપનાવી શકાય, પરંતુ સ્ટોપલોસનું કડક પાલન જરૂરી છે. ટૂંકા ગાળામાં વોલેટિલિટી યથાવત રહી શકે છે. બેન્કિંગ, એફએમસીજી અને પસંદગીયુક્ત ડિફેન્સિવ શેરોમાં તબક્કાવાર રોકાણ યોગ્ય રહેશે.
યાદ રાખો, વૈશ્વિક સંકેતો અને કોમોડિટી ભાવોની હલચલ બજારને ટૂંકા ગાળે દબાણમાં રાખી શકે છે, પરંતુ ભારતની મજબૂત આર્થિક પાયો લાંબા ગાળે રોકાણકારો માટે વિશ્વાસનો આધાર છે.
ડિસ્ક્લેમર / પોલીસી / શરતો www.nikhilbhatt.in ને આધીન…!!!
The securities quoted are for illustration only and are not recommendatory. Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in
