વર્તમાન કારોબારી સેશનમાં ઇંધણના ભાવમાં થયેલો ઉછાળો અર્થતંત્ર માટે વ્યાપક અસરકારક સાબિત થઈ રહ્યો છે. ક્રિસિલના તાજેતરના રિપોર્ટ અનુસાર પેટ્રોલ–ડીઝલના ભાવમાં ૭.૫ રૂપિયા પ્રતિ લીટરની વૃદ્ધિ સીધા CPI મોંઘવારીમાં ૩૬ બેસિસ પોઈન્ટ સુધીનો વધારો કરી શકે છે. જો આવનારા દિવસોમાં કુલ વધારો ૧૦ રૂપિયા સુધી પહોંચે તો અસર ૪૮ બેસિસ પોઈન્ટ સુધી પહોંચી શકે છે.
રોડ ટ્રાન્સપોર્ટે ઇંધણનો હિસ્સો લગભગ ૪૨ ટકા હોય હોવાથી લોજિસ્ટિક્સ ચેઇનમાં વોલેટિલિટી વધતી જોવા મળી રહી છે અને ટ્રાન્સપોર્ટ ખર્ચમાં ઉછાળો યથાવત રહ્યો છે.
બજારના મુખ્ય પરિબળો :
પેટ્રોલ–ડીઝલના ભાવમાં તાજેતરનો ઉછાળો મોંઘવારીને ઊંડાણ તરફ ધકેલી શકે છે. વૈશ્વિક ક્રૂડ ઓઈલના ભાવ ૧૧૨ ડોલર પ્રતિ બેરલ નજીક સ્થિર હોવાથી દેશના અંતરના બજારમાં વધુ વધારો નકારી શકાય તેમ નથી. ક્રિસિલનું કહેવું છે કે ઓઈલ માર્કેટિંગ કંપનીઓની અન્ડર–રીકવરી ઘટતા ભાવોમાં વધુ ઉછાળો આવવાની સંભાવના છે.
દૂધ, ચા, કૉફી, ફળ, દાળ, મસાલા અને માંસ–માછલી જેવી સપ્લાય–ઇન્ટેન્સિવ કેટેગરીઝમાં પસંદગીયુક્ત વધારો જોવા મળવાની શક્યતા વધુ છે.
સેક્ટર દૃષ્ટિકોણ :
ટ્રાન્સપોર્ટ–ઇન્ટેન્સિવ સેક્ટર્સ જેમ કે કપડા, કન્ઝ્યુમર ઇલેક્ટ્રોનિક્સ, લાકડાના ઉત્પાદનો, સિમેન્ટ અને સિરામિક ક્ષેત્રમાં ખર્ચનો દબાણ વધતો જોવા મળી રહ્યો છે. કેમિકલ્સ, કોલસો અને મેટલ–સંબંધિત ઉદ્યોગો પર પણ વધુ દબાણ આવવાની શક્યતા છે.
મેન્યુફેક્ચરર્સ માટે માર્જિન જાળવી રાખવા ભાવ વધારવા અથવા ઉત્પાદનના કદમાં ઘટાડો કરવાની ફરજ પડી શકે છે. ભલે GST દરોમાં ઘટાડો થયો હોય, પરંતુ સતત ઊંચા ઇંધણના ભાવ તેના લાભને મર્યાદિત કરી રહ્યા છે.
ભાવિ દિશા :
આગામી દિવસોમાં CPI મોંઘવારી RBI ની ૨ થી ૬ ટકા રેન્જમાં રહેવાની શક્યતા છે, છતાં દબાણ વધતું રહે તેવી સંભાવના છે. RBI સપ્લાય–સાઈડ અસરોને પ્રાથમિક રીતે અવગણશે છતાં ભાવ આશાઓ અને ટ્રાન્સપોર્ટેશન ખર્ચમાં ઉછાળો મોંઘવારીને રેન્જ બાઉન્ડ ન રહેવા દે તેવી ચેતવણી ક્રિસિલે આપી છે. નબળા મોન્સૂન અને એલ નિનો પરિબળો ખાદ્ય મોંઘવારીને વધુ પ્રભાવિત કરી શકે છે.
રોકાણ રણનીતિ :
વોલેટિલિટી યથાવત રહેનાર સંકેતોને ધ્યાનમાં લઈને રોકાણકારોએ સાવચેતીનો માહોલ જાળવવો જરૂરી છે. ઉછાળે નફારૂપી વેચવાલી અને ઘટાડે તબક્કાવાર ખરીદીની રણનીતિ ટૂંકા ગાળે યોગ્ય રહેશે. ક્વોલિટી સેક્ટર અને મજબૂત કંપનીઓમાં પોઝિશન જાળવી રાખવી મધ્યમ ગાળે લાભદાયી બની શકે છે.
