ધૂત ટ્રાન્સમિશન લિમિટેડે પોતાના પ્રસ્તાવિત IPO માટે અપડેટેડ DRHP ફરી સેબીમાં ફાઈલ કર્યું છે, જેમાં ૧,૪૦૦ કરોડનો ફ્રેશ ઇશ્યુ અને ૧.૬૩ કરોડ શેરનો OFS સમાવેશ થાય છે. બેિન કેપિટલ આધારિત આ ઓટો કોમ્પોનેન્ટ ઉત્પાદક હાલ બજારમાં આવવા માટે તૈયારીની અંતિમ સ્ટેજમાં છે.
બજારના મુખ્ય પરિબળો :
કંપનીના OFS વિભાગમાં બેિન કેપિટલની સંકળાયેલ એન્ટિટી BC Asia Investments XV દ્વારા ૧.૩૨ કરોડ શેર વેચવામાં આવશે, જ્યારે મંગલમ કેપિટલ ૩૧.૧૮ લાખ શેર વેચશે. સેબી તરફથી અવલોકન પત્ર પ્રાપ્ત થયા પછી IPO પ્રક્રિયા આગળ વધી રહી છે.
ફ્રેશ ઇશ્યુમાંથી મળતી રકમનો મોટો ભાગ કંપની પોતાના દેવાનું ઘટાડો કરવા ઉપયોગ કરશે. સાથે જ તેની સબસિડિયરી પાસે મૂડી ઇન્ફ્યુઝન કરીને નાણાકીય પોઝિશન મજબૂત બનાવવાની યોજના છે.
કંપની વિશે :
૧૯૯૯માં સ્થાપિત ધૂત ટ્રાન્સમિશન ભારતની અગ્રણી વાયરિંગ હાર્નેસ ઉત્પાદક કંપનીઓમાંની એક છે. ટુ-વ્હીલર અને થ્રી-વ્હીલર સેગમેન્ટમાં કંપની પાસે આશરે ૪૪.૬૪ ટકા માર્કેટ શેર છે. મુખ્ય ગ્રાહકોમાં બાજાજ ઓટો, ટીવીએસ, હોન્ડા અને રોયલ એન્ફિલ્ડનો સમાવેશ થાય છે. કંપનીના ઉત્પાદનો અને સર્વિસિસ સન્સર, કનેક્ટર, હાઈ વોલ્ટેજ સિસ્ટમ અને ડેટા કેબલ્સનાં ઇન્ટિગ્રેશન સુધી વિસ્તરેલા છે.
નાણાકીય પરિણામો :
કંપનીની આવકમાં સકારાત્મક ઉછાળો જોવા મળ્યો છે. FY૨૩માં ૨,૧૨૫.૮૬ કરોડની આવક FY૨૫માં વધીને ૩,૪૪૪.૮૬ કરોડ પહોંચી છે. નેટ પ્રોફિટ ૧૬૩.૯૧ કરોડથી વધીને ૩૫૩.૮૯ કરોડ થયો છે. આ નફામાંનો વધારો કંપનીની ઓપરેશનલ ક્ષમતા અને ખર્ચ પરના નિયંત્રણને દર્શાવે છે.
રોકાણ રણનીતિ :
ઑટો કોમ્પોનેન્ટ સેગમેન્ટમાં વોલેટિલિટી યથાવત છે, તેથી રોકાણકારોએ IPO માટે સાવચેત અભિગમ અપનાવવો યોગ્ય રહેશે. ઉછાળે નફારૂપી વેચવાલી અને ઘટાડે તબક્કાવાર ખરીદીની પદ્ધતિ અનુરૂપ ગણાય. IPOમાંથી મેળવાતી રકમ કંપનીના દેવા ઘટાડવા માટે ઉપયોગમાં લેવાશે, જે લાંબા ગાળે પોઝિશનને મજબૂત દિશામાં લઈ જશે.
ભાવિ દિશા :
આગામી દિવસોમાં IPO બજારમાં યથાવત ચેતનાશીલ ઊછાળો રહેવાની શક્યતા છે. ધૂત ટ્રાન્સમિશનના IPO માટે રોકાણકારોમાં મજબૂત રસ દેખાઈ શકે છે, ખાસ કરીને ક્વોલિટી સુપ્લાયર તરીકે તેની મજબૂત માર્કેટ ઓળખને ધ્યાનમાં રાખતાં.
